Abdallah Tapisserie Meuble

06/03/2026

05/02/2026

#تغليف

21/01/2026

ربي يعوض على كل حد تضرر من الفيضانات، وربي يلطف بينا وبالبلاد.

هذي 3 نصائح 'إسعافات أولية' لازم تعملهم توا باش تنقذ ما يمكن إنقاذه:

أولاً: ارفع الخشب على القاعة فوراً.
الخشب عامل كيما الشيفونة (الإسفنج)، يشرب الماء من اللوطة ويطلع للفوق. حتى لو خرج الماء من الدار، الرطوبة تقعد في القاعة. استعمل 'كالات' بلاستيك او ياجور، باش تبعد قاعدة الأثاث على القاعة.

ثانياً: رد بالك من الشمس!
أكبر غلطة تنجم تعملها هي إنك تخرج اللوح المبلول للشمس القوية باش يشيح بسرعة. هكا اللوح باش يتجبد ويتشقق.
أحسن حل هو التهوية الطبيعية؛ حل البيبان والشبابيك وخلي الهواء يدور في الدار.

ثالثاً: ما تفرصيش الأدراج والبيبان.
الخشب المنفوخ بالماء يولي رزين والأدراج و البيبان تولي ما تتحلش . ما تستعملش القوة باش ما تكسرش السكك و الشرنيارات.

استنى اللوح لين يشيح ويرجع لحجمه الطبيعي وحده.

بالنسبة الـ MDF بعد ما شرب برشا ماء. كصنايعية، لازمنا نكونوا صريحين معاكم:
إذا القاعدة (Socle) متاع الخزانة تنفخت برشا، راهي المادة فقدت قوتها وما عادش فيها دواء. الـ MDF المنفوخ يولي هش وما عادش يحمل الرزانة.
نصيحتي ليك : لازم تبدل القطعة المتضررة ، هكا تضمن اللي أثاثك يرجع صحيح ويتحمل الثقل من جديد.

اللوح يتعوض المهم سلامتكم أنتم.
منقول

14/01/2026

13/01/2026

Abdallah Tapisserie Meuble
#تغليف إعادة تغليف الصالونات العصرية

12/01/2026

Abdallah Tapisserie Meuble
تغليف الصالون المغربي و الصالونات الحديثة جودة و إتقان #صالونمغربي #تغليف

12/01/2026