12/08/2026
๐๐๐๐๐ง๐ | ๐๐ ๐ ๐ค๐ข๐ง๐๐ญ๐๐ฐ๐๐ง ๐ง๐ ๐๐๐ง๐ญ๐ข๐๐ ๐จ ๐๐ข๐ญ๐ฒ, ๐ค๐๐๐ข๐ฅ๐๐ง๐ ๐ฌ๐ ๐๐๐๐ ๐๐๐๐ ๐๐ข๐ง๐๐ฅ๐ข๐ฌ๐ญ๐ฌ
Kinilala bilang national finalists sa iba't ibang kategorya ng Philippine Sangguniang Kabataan Awards (PSKA) 2026 ang tanggapan, konseho at mga proyekto ng kabataan sa Santiago City.
Kabilang sa mga ito ang Local Youth Development Office (LYDO) ng Santiago City para sa Most Outstanding LYDO โ Province, Highly Urbanized City, and Independent Component City, gayundin ang Pederasyon ng Sangguniang Kabataan ng Lungsod ng Santiago para sa Most Outstanding SK Council โ Federation Level.
Napabilang din bilang national finalist ang Sangguniang Kabataan ng Rosario para sa Most Outstanding SK Council โ Barangay Level.
Samantala, limang proyekto mula sa ibaโt ibang barangay sa lungsod ang nakapasok bilang national finalists sa kategorya ng Most Outstanding SK Project.
Sa Human Development and Social Welfare, kabilang ang Project KALSO ng SK Rosario, Project Arise Youth ng SK Patul, at SKasama Ka: No Learner Left Behind ng SK Naggasican.
Sa Governance and Civic Participation naman, kabilang ang BYDC of Rosario (Barangay Youth Development Council) ng SK Rosario.
Sa Sustainable Communities and Economic Development, kabilang ang BINHI: How Youth Planted the Seeds of a Greener Tomorrow ng SK Naggasican at Project YES (Youth Enterprise Support) ng SK Rosario.
Saklaw ng mga kategoryang ito ang mga larangan ng kalusugan, edukasyon, panlipunang pagkakapantay-pantay, pamamahala, aktibong pagkamamamayan, kapayapaan at seguridad, pangangalaga sa kapaligiran, pagnenegosyo at agrikultura.
Gaganapin ang naturang kompetisyon sa Setyembre, kung saan magtutunggali ang mga national finalist sa kani-kanilang kategorya.
