26/02/2016
-------NU EMBOLINET I SHALAN, EGKA MANSHANAG TA WARAY SILEW, UNMOTOK NGU RESHAN-------
Ngentoy ngatan nak pailaeng nay anak
Nu hajay metlang i digat ja mu pedekna sun sikak
Amtak sikam si Shiyos Ama ja mesepol kon tangkaken
Mesepol kon pansedamatan tan panshejawan
Nem nu sinkashom eshan shakel I naka ishama-shamag
Pangkep era ni pasemak niya in akan mun biyag
Ekak amta eshan nu manshadsak uno unanagisak
Tep ngentoy ja sikatoy inpan balin mun Amak
Hatan I saludsod ko sun Apo
Nanshugi pailang ni kaootik ko
Tep mabuteng eshan si tatang ko
Isunga minashem ja unmotok sikato
Aishe amtak ja dag-en ko
Un usokak shi doong ni ukipan ko
Un an ko era I ooreshiyan ko
Takot shi mata sha ket mauney ja palado
Ultimo singa dinabin naka pep-pepshena I pagew ko
Enkatod naka pan badeg ket ensakit I nemnem ko
Sun amak ja kwan ko I ayshi poo-poot to
Ta ngentoi eshan ja haman I aramid to
Nem idi sakey akew ket nak Nak nay nanginangisan
Nunta nan istorya I sakey kon kaeskwedaan
Kwanto I egto kuno inun un an
Tatang ton tu edapuan
Kabol ni aksidente, sikatoy to la edimusan
Pilmi numan ja nak ekasi-an
Ta anken akval tan puyok ni takday tatang
Aishi numan ta egto pineshasan
Kwan ko malad bakdang ko ji Salamat gyam sun Amak
Uneyto ak ta pinshasan ko I ajuwan tan semek to sun sikak
Angken karakdan ja akew, say kasengo tp ket adak
Ebadeg tan shakel numan gyam ladtay kabol ja mansedamatak
Salamat sun Amak tan si inak
Kabol sun sikara nay anakak
Kabol sun sikara naka pan ituloy I eskuydak
Nu aixe era, sigusho aliven to-o ak
Nu maypangkep ni nankulangan tan nanbasulan nen Amak
Pamakawan ko sun sikato, Agpaisu nandigatak
Nem idi ninem-nem ko, owen gyam sikak ngu ket managbasudak
Kwan met eshan Apo Shiyos ji “Anak ko, Mapekawanak”
“Owen anak ko, angken ngani basol mu, Pekawanan ko”
“Basta la kitdi ta sipupuso ka ja mengevat ni Ayat ko”
Isung kwan ko I sipa ak aya sun Apo
Ja kavol ja ekak mepekawan si Tatang ko
Isunga niman ma ja in akan koy Pamakawan
Say dekna, pusok ket nay deng-awan
Aishi mala I embel-at ja nay-iyan
Ja mengikan ni pankapsutan ni puso, nemnem tan bakdang
Niman nak pai ma inamta-an
I kaimportante ni takot tan digat ja nak dinakaman
Sun Amak ja engikan ni sakit da nuntan
Sikato I nak engashalan ja untuled tan unkedsang niman
Isunga say digat gyam nu sinkashum numan
Sikato gyam I ka-usala nen Kabunian
Paras ja mengikan ni epateg ja pan-ashalan
Sikato I mengikan ni shalan para shi mapteng ja Pantushungan
