11/04/2026
अभिभावक संघ पर्सा द्वारा रक्तदान कार्यक्रम आयोजना , ५१ जनाले गरे रक्तदान ।
चैत्र २८ बिरगंज । अभिभावक संघ पर्साले बिरगंजको मुर्लो चोकमा चौथो पटक आयोजना गरेको बृहत रक्तदान कार्यक्रममा ५ महिला सहित ५१ जनाले रक्तदान गरेका छन ।
अभिभावक संघका अध्यक्ष संदिप साहको अध्यक्षता एवं पर्सा क्षेत्र नम्बर २ का प्रतिनिधीसभा सदस्य सांसद सुशील साह कानुको प्रमुख आतिथ्यमा सम्पन्न कार्यक्रममा विशिस्ट अतिथिहरू रास्वपा बिरगंज महानगर सभापति अमन आलम , रास्वपा महानगर सचिव गौतम श्रेष्ठ ,नेपाल रेडक्रस सोसाइटी पर्साका अध्यक्ष बृजकिशोर पटेल, शाश्वत बचत तथा ऋण सहकारी संस्थाका अध्यक्ष मुन्ना सर्राफ, डा. प्रीति यादव, सामाजिक अभियन्ता प्रकाश थारु,बिरगंज कपडा बैंकका अध्यक्ष लालबाबु सिंह , बिरगंज युवा समाजका अध्यक्ष सन्जिव थापा, मानवसेवा आश्रमका देवेस गुप्ता, इनोभेटिभ सोसाइटीका अध्यक्ष कमल चौलागाईं, असेश्वर पटेल, राजेन्द्र भट्टराई, पत्रकारहरु आनन्द पटेल , जाकिर हुसेन लगायत अभिभावक संघका पदाधिकारी सदस्यहरूको साथै स्थानिय अग्रज,महिला, युवाहरुको बाक्लो सहभागिता रहेको संघका कोषाध्यक्ष कन्हैया पटेलले बताए ।
सो रक्तदान कार्यक्रमका प्रमुख अतिथि सान्सद कानुले बिरगंजमा रगतको कमि भएको समयमा रक्तदान कार्यक्रमको आयोजना गरेकोमा अभिभावक संघ पर्सा परिवारको मुरि मुरि प्रसंशा गर्दै रक्तदान भनेको दिनेलाइ केही घाटा हुदैन र लिने को त जीवन नै बाच्ने भएकोले हामी सबैले प्रत्येक ३ तीन महिनामा रक्तदान गरि कसैको जिवन जोगाएर मानवता बलियो बनाउन आग्रह गर्दै आफ्नो शरीरको अमुल्य अन्श रगतदान गर्ने सम्पुर्ण रक्तदाताहरु प्रती आभार ब्यक्त गरेका थिए ।
सो अवसरमा रक्तदाताहरु लाइ शाश्वत बचत तथा ऋण सहकारी संस्थाले कार्यक्रममा फलफूल तथा टिसर्ट सहयोग प्रदान गरेको थियो।
रक्तसञ्चार केन्द्र बिरगंजका प्रमुख सौरभ पाण्डेको नेतृत्वको टिमले रक्तदाताहरुलाइ रक्तदान गर्न सघाएका थिए भने नर्सिङ क्याम्पस बिरगंजका नर्सहरूले स्वास्थ्य सम्बन्धि सहयोग प्रदान गरेका थिए।
सो अवसरमा संघका अध्यक्ष साहले छोटो समयको निमन्त्रणा स्विकारेर रक्तदान गरि मानवता बलियो बनाउने सम्पुर्ण रक्तदाता एवं प्रमुख अतिथी अतिथी , सहयोगी हातहरुलाइ हार्दिक आभार व्यक्त गरेका थिए ।
