https://www.facebook.com/225682624131791/

Hustveitgarden

Hjem
Norge
Vossevangen
Hustveitgarden

Hustveit er ein nedlagd høgdegard tvers over dalen for Tvinnefossen på Voss. Han var ordførar i tidsrommet 1837-41 og 1850-57. Hustveit er ikkje ført upp i 1661.

Dette symboltunge kulturminnet var heimen til David Hustveit, Voss sin første ordførar. Eigedomen har vore i kommunal eige, men vart overførd til Stiftinga Hustveitgarden i 2018 Hustveit har sidan 1952 vore eigd av Voss kommune, då dei fekk den i gåve frå etterkommarane til David Hustveit. David Larsson Hustveit (1796-1870), vart Voss sin fyrste ordførar, då formannskapslovene var innført i 1837.

Det er fem verneverdige bygningar på garden, samt eit sel på stølen Helset. Private paktarar har hatt hånd om Hustveit sidan 2003. Frå Vossaboki bind 2:
Hustveit
Namnet på denne garden vert i 1695 skrive Henrichstuedt. Det vert no sagt Hèndéstveitè; han búr pao, è tao Hèndéstvèit'né, ska pao Hèndéstveitè. Dette namnet er samansett av mannsnamnet Hendrik og tveit (slåtte, rudning). Det nye namnet Hustveit er vel ei nylaging. I 1723 er garden skriven for Hendrikstvedt, hadde då ein brukar og 1 pund i skyld, skog til husvøling og til brensel. Garden var tungvinn og årvand, og hadde ei flaumkvern. Skyldi var likeins i 1838 og er då umskrivi til 2 dalar 15 skill. Der var då og brennefang. Samanlikningstalet var 320. Matrikkelen 1865 fører upp 8¾ mål åker, 2 mål dyrka eng, 10,5 mål god, 6 mål medels natureng og 10 mål skrapebø. Vårhamni var ring, men sumarhamni medels. Der var vedaskog og noko lite timber. Garden var svært tungvinn, utsett for sviding og var dyrka som vanleg. For 1918 vantar uppgåvor. På Hustveit budde 6 menneske i 1801, 10 i 1865 og 3 i 1920. Fødnad og avling (i tunnor) på Hustveit. Hestar Storfe Småfe Korn Potetor
1723 1 7 9 4 ½
1865 1 8 20 20 16

Henrikstveit ser ein ikkje nemnt i noko manntal fyrr 1664. Då budde Jon Hallsteinson der. Skyldi var 1 pund. Det vert fortalt at Henrikstveit fyrst var rudt til husmannsplass, og at det må ha vore ein Henrik som har bygt og rudt der. Lars Sjurson var leiglending på Munkelivgodset på Hustveit i 1661. Kongen har i 1662 skøytt 1 pund Munkelivgods til Hermann Garmann. Klas Miltzow fekk skøyte på garden i 1677 frå Hermann Garmanns ervingar. Olav var brukar i 1691. Nils Leiddal var eigar og brukar i 1695. Lars Samsonson er skriven som odelsbonde i 1701. Han var f. 1662, g. m. Ingebjørg Knutsdr. og døydde 1741. Segni segjer at han skulde vera frå Hefte og ho frå Leiddal. Dei hadde fire born: Samson, Brita f. 1704, g. 1730 med Lars Gudleikson Gjøastein, Ingebjørg g. 1735 med Lars Torkjelson Røyrlidi og kom til Skår i Seims sokn, Nordhordland, Gjertrud f. 1714. Bruttomidelen ved skifte 1741 var 57 rd. Samson Larsson f. 1699, g. 1728 med Anna Gudleiksdr. fekk skøyte frå far sin på garden i 1737 for 40 rd. Samson døydde 1782 og hadde to døtter, Sisselja og Brita. Ho Brita var f. 1733 og g. 1769 med Lars Knutson Tøn. Dei kjøpte gard på ei øy nordanfor Bergen og skal ha mange etterkomarar. Ho Sisselja var f. 1729, g. 1756 med David Ivarson Kvårmo f. 1729. Han var frå Nedre Klyve og fekk halve garden hjå far hennar i 1756 og resten i 1769. Sju born: Lars f. 1758, Eiliv f. 1768, budde på Hjellen 1795, Gudve f. 1756, g. 1786 med Lars Olavson Gjøastein, paktar i Brekke i Granvin 1795, Ingebjørg f. 1761, g. 1787 med Styrk Anderson Haug, husmann på Leiddal i 1795, Anna f. 1770, g. 1796 med Per Person Kvilekvål, Gjertrud f. 1774, G**o f. 1778, g. 1819 med Knut Isakson Lae. Lars Davidson f. 1758, g. 1. 1794 med Ragnhild Tormodsdr. Brattåker, 2. 1807 med Kari Torkjelsdr. Lund og døydde 1846. Lars fekk garden i 1790. Han hadde med Ragnhild sonen David og med Kari sonen Torkjel f. 1813, død ugift 1840. David Larsson Hustveit f. 1796, var gift 1829 med Anna Monsdr. Bokkatun, og døydde 1870. Han fekk farsgarden i 1808 og 1812. David var skulemeister, fyrste ordføraren på Voss, forlikskommissær, valmann, formann i matrikkeleringsnemndi for Voss i 1830-åri og var mykje på takstar og skyn. David studerte på eigi hand framande språk, serleg tysk, umsette frå tysk og skreiv tysk. Stor boksamling hadde han av religiøse bøker, språkbøker, skulebøker og andre. Bygdi sette minnesmerke på gravi hans. Seks born: Lars, Mons f. 1832, g.m. Ingjerd Knutsdr. Afdal, gardmann i Holmedal og fylkesagronom i Sogn og Fjordane, Tormod f. 1834, død ugift 1905, Anders f. 1836, g. 1879 med Gjertrud Ivarsdr. Grjotland, Torkjel f. 1841, g. Sigvor Knutsdr. Jernes, lensmann i Granvin, Ivar f. 1844, g. Brita Davidsdr. Leiddal, skulelærar, Amerika. Lars Davidson f. 1830, fekk garden i 1862, men selde han 1875 til Torkjel, bror sin, for 1000 spd. og flytte til Tvinno, der Lars er meir umtala. Torkjel selde garden att for same pris til Anders, bror sin, i 1878. Han var g. Gjertrud Ivarsdr. Grjotland og døydde 1916. Sonen Lars, f. 1894, har no garden. Hustveit var fyrr mtrnr. 74, lnr. 151 med gamal skyld 1 pund, urevidert 2 dalar 15 skill., revidert 1 dalar 4 ort 6 skill. Ny skyld mark 2,69. Støl. Stølen var ¼ mil frå garden i 1723 er det sagt. Han heiter Helset eller Leiddalsstølen og er i bruk. Ei kvern var det på Hustveit i 1723 og 1776. Ho vart rivi i slutten av 1800-talet. Utskifting var halde i 1897. Bumerke teikna på Hustveit. Lars Henrikstveit 1716, 1720 tavle 4 nr. 5. David Henrikstveit 1767, 1772, 1779 t. 4 nr. 53. Kjelde: Vossaboki II

24/12/2025

Me vil med dette få takka alle Hustveitvener for dei mange gode og ulike bidraga til Hustveitarbeidet i 2025. Ei riktig god jol og eit godt nytt år til alle!🎄🌟

28/10/2025

FOR EIN BRAKSUKSESS !

Førestillinga Hustveit, ei litterær-musikalsk utvandringshistorie, vart ein suksess større enn me kunne førestilla oss. 600 menneske fekk denne sundagskvelden under Osafestivalen oppleva ei nydeleg og gripande førestilling med ei blanding av topp musikk, flotte bilete og glitrande fortelingar. Ei stor takk til Dag Helleve for flotte tekstar og god koordinering, og til Liv Osa og Helge Jordal for eminent framføring. Også ei stor stor takk til Irene Tillung for nydeleg spesialkomponert musikk framført av henne sjølv og dei dyktige medmusikarane Aleksander Aga Røynstrand, Bjørnar Ekse Brandseth og Bjørnar Kaldefoss Tveite. Dette var noko av det vakraste mange av oss har høyrt ! Me vil også få takka Kjell Herheim for bileta og ikkje minst Osafestivalen som våga satsa på eit samarbeid med oss !
Så hadde dette ikkje vore mogeleg å gjennomføra uten økonomisk stønad frå Sparebankstiftinga Hardanger og Komponistenes Vederlagsfond, så ei stor takk til dei også !

21/10/2025

KLARGJERING FOR VINTEREN PÅ HUSTVEIT

Etter ein god dugnadsdag med rydding både i husa og tunet, oppspikring av kledningsbord på bualoftet og brenning av nokre gamle materialar, kan vinteren koma på Hustveit. Ei stor takk til Asle N, Kjell K, Svein Jarl H og Ingjerd D A !

Me ser med takksemd tilbake på eit svært godt år for Hustveitprosjektet der ufatteleg mykje arbeid er lagt ned på både husa i tunet og på stølen !

02/10/2025

VELKOMEN TIL EI LITTERÆR-MUSIKALSK FRAMSYNING OM HUSTVEIT OG UTVANDRINGA TIL AMERIKA !

Endeleg skal me få realisera draumen om eit kulturarrangement om David Hustveit, den kunnskapsrike og brubyggjande bonden som vart Voss sin fyrste ordførar i 1836 !

Me er no svært glade for å kunna ynskja velkomen til ei flott litterær-musikalsk framsyning under Osafestivalen 26. oktober. Framsyninga om David og etterkomarane hans som utvandra til Amerika, er ei spanande blanding av tekst, musikk og historiske foto. Teksten er skriven av Dag Helleve og Irene Tillung har komponert ny musikk for både akkordeon, hardangerfele, gitar og kontrabass. Det er eit nydeleg ensemble av dyktige skodespelarar og musikarar som står for framføringa.

Me gler oss og vonar å sjå mange av dykk i Idrettshallen denne sundagskvelden !

https://osafestivalen.ticketco.events/no/nb/e/osafestivalen_2025

30/09/2025

HELSET/ LEIDALSSTØLEN
Restaureringa av stølshuset på Helset er nesten som eit lite mirakel der ei falleferdig "rønne" er forvandla til eit praktbygg gjennom sommaren. Me takkar alle dugandsfolka pluss Terje Øvsthus som har bidrege til dette !
Me er så glade for et me for kort tid sidan kunne visa fram stølen til Lars Hustveit, ein av etterkomarane etter David.

Dugnadssesongen på Hustveit lir no mot slutten for i år og stiftingsstyret vil få takka alle som har lagt ned uendeleg mykje godt arbeid gjennom våren og sommaren.

No gler me oss til den litterær-musikalske utvandringshistoria om Hustveit og etterkomarane etter David, Voss sin fyrste ordførar, som finn stad under Osafestivalen sundag 26. oktober. Vonar å sjå mange Hustveitvener der !

15/09/2025

OPE HUS PÅ HUSTVEIT

I striregn og skodde fann 29 personar vegen til Hustveit på sundag.
Me var særleg imponerte over dei 7 etterkomarane etter David Hustveit som tok turen heilt frå Sunnfjord og Sogn. Snakk om !

Tilstellinga var ein del av Kulturverndagane i indre Vestland og Friluftslivets år. I staden for dei planlagde aktivitetane ute på tunet, fyrde me opp i ovnen i nyastovo og hadde ei triveleg stund inne med orientering om garden, David, stiftinga, utført restaureringsarbeid, etterkomarar etter David og dei som utvandra til Amerika. Etterpå vart det kaffi og kaker før me avslutta med omvisning i dei ulike husa. For ein kjekk dag dette vart med mange hyggelege Hustveitvener!🙂

04/09/2025

FAMILEDAG/ OPE HUS PÅ HUSTVEIT 14. SEPTEMBER

I samarbeid med Kulturvfestivalen i indre Vestland og Friluftslivets år, ynskjer me alle velkomne til Hustveit denne sundagen kl 12. Kulturinnslag, aktivitetar for born, lettare servering og guida tur til stølen på Helset for dei som ynskjer.

Parkering nede ved vegen og ca 1 time vandretid i merka stiar oppover til tunet. Hugs gode sko og kle dersom regn !

Påmelding på SMS til 99151500 eller [email protected] innan torsdag 11. septmeber kl 12.

10/07/2025

Etter eit år der dugnadsfolka våre har lagt ned imponerande mange dugnadstimar, var det på sin plass med ein dugnadsfest hjå Liv og Per i Sævelid nyleg. I år har me 10-års jubileum for vårt engasjement på Hustveit og dermed hadde me ekstra mykje å feira😊🎉. For ein triveleg kveld det vart!

25/06/2025

STORE FRAMSTEG PÅ HUSTVEIT

Også i sommar har det vore imponerande stor aktivitet både i tunet på Hustveit og på stølen vår Helset/Leidalsstølen.

Snøen hadde snapt smelta før nyastovo endeleg fekk ny utvendig listing rundt vindaugo. Dette arbeidet har stått på planen i fleire år, så tusen takk til Asle N, Svein Jarl H og Eivind H som tok fatt i dette !

Ved påsketider var også dei dyktige folka til Oppheim Gravemaskinstasjon på plass att og tok til på hovudprosjektet vårt i år, nemleg vøla av den utglidne muren under bualoftet. Utstyrt med både minigravar og ATV, gjekk arbeidet unna ! Men også her vart ein del uforutsett avdekka undervegs, og m.a. fleire sylstokkar måtte bytast ut før dei kunne halda fram. Framleis står ein del arbeid att før muren er ferdigvølt i løpet av sommaren, men dette vert bra ! Takk til dei flinkefolka frå Oppheim Grevemaskinstasjon så langt !

Gamlastovo har som kjendt vore igjennom ei stor restaurering dei siste åra og står no og skin som ein juvel i tunet. I år byter me den rotne kledningen i nordveggen, og tusen takk til Asle N og Svein Jarl H for nedtaking av gamal kledning og til Eivind H for oppatt setjting.

Så er stølshuset vårt på Helset/Leidalsstølen ikkje til å kjenna att etter den store vøla i sommar. Med manglande vedlikehald over lang tid, stod huset med omfattande roteskadar og forfall. Dermed bestemte styret seg for å ta fatt på også stølshuset i år.
Her er det meste med unntak av taket bytt ut og vøla vart dermed vesentleg større og dyrare enn me hadde planlagt. Men du så flott stølshuset vert no ! Terje Øvsthus har ein svært dyktig bas og ansvarshavande under heile arbeidet, og har saman med Asle N, Svein Jarl H og Olav R gjordt ein fenomenalt god jobb i stort sett kun regnfulle dagar. Ein STOR takk til alle dei og også til Eira, Tuva, Dag H m.fl ! Ein særleg takk til dugnadskarane som har gått opp og ned til stølen dag etter dag i sommar !

Me vil til slutt også få takka Voss Utferdslag og Voss Sogelag som tok turen opp til Hustveit i sommar. Det vart in triveleg dag !

02/05/2025

DET ER VÅR PÅ HUSTVEIT
Tunet på Hustveit er no på sitt vakraste med fleire blomster i rekordtidleg bløming, lauvtre med frodig lauvmanke og yrande fuglekvitter.

Dei dyktige og imponerande dugnadsfolka våre har allereie starta opp att arbeidet for å gjera Hustveit "great again".Takk til Asle N, Eivind H og Svein Jarl H for utvendig listing av vindaugo i nyastovo og Terje Ø for saging av store grantre som har opna opp utsikta nedover dalen !
Rett etter 17.mai tek me til med restaurering av den utglidne grunnmuren under bualoftet. Så vert det graving etter vatn og etablering av brønn, kleding av nordveggen på gamlastovo og sist, men ikkje minst ei større vøla av stølshuset på Helset/Leiddalsstølen. Me ser føre oss ein travel sommar på Hustveit der både innleige handverkarar og dugnadsfolk bidreg.

Alt dette arbeidet er kun mogeleg å få utført takka være den økonomiske stønaden me har moteke frå Voss Sparebank, Vekselbanken og dei andre medlemene i HustveitLauget pluss Uni-stiftinga, Voss Herad og Kulturminnefondet. Tusen takk til dei alle !

06/03/2025

HUSTVEITLAUGET
I fjor etablerte me HustveitLauget der både privatpersonar, bedrifter og bankar kan stø opp om det omfattande restaureringsarbeidet på Hustveit. Pr i dag har me 16 medlemer og der halvparten bidreg med varer og tenester. Resten bidreg med ein årleg sum på 10 000 -50 000 i 5 år (2024-28). Nyleg fatta stiftingsstyret vedtak om å innføra ein tredje kategori på 5 000 pr år for mindre bedrifter og private i 4 år. Me tilbyr medlemene to møte/samkomer pr år med oppdatert info om arbeidet, lettare servering og underhaldning. I tillegg vil medlemene få ein flott "diplom", verta lista på ei tavle på Hustveit og elles verta profilert ulike stadar. Torsdag 13. mars vert vårmøtet for HustveitLauget arrangert hjå Liv Osa i Sævelid og dette vert kombinert med ei feiring av 10 års jubileet vårt.
Me vonar mange av dykk ynskjer å bidra til arbeidet på Hustveit, lokaldemokratiets vogge på Voss, i åra framover. Nye medlemer er sjølvsagt velkomne til samkoma i Sævelid neste veke !
Ta kontakt med styreleiar Ingjerd på tlf 99151500 eller [email protected] for meir informasjon 😊

11/02/2025

10 ÅRS JUBILEUM !

På denne dato for 10 år sidan vart gnisten for å redda Hustveitgarden tend. Då samla Liv Osa eit knippe folk heime hjå seg i Sævelid då ho hadde lese at Voss Kommune sysla med tanken om å selja Hustveitgarden. Skulle me sitja roleg og sjå på at eitt av dei mest symboltunge kulturminna på Voss vart seld ? Her hadde Voss sin første ordførar David Hustveit vakse opp og budd heile sitt liv, og i 1952 hadde garden vorten gjeven som gåve til Voss Kommune for å heidra David sitt minne !
Snart byrja snøballen å rulla og etter kort tid vart det klart for oss at garden og husa også måtte reddast frå det omfattande forfallet som herja. Eit interimstyre og venelag vart etablert, og i 2017 fatta politikarane på Voss vedtak om å overføra garden til den nyskipa Stiftinga Hustveitgarden. I 2018 fekk me konsesjon, så no vart eigarskapet godkjend.
Gjennom alle dei 10 åra som har gått, har mange svært entusiastiske Hustveitvener lagt ned tusenvis av dugnadstimar både i administrativt- og praktisk arbeid av ulikt slag. Dei første åra prioriterte me å få t***e tak då vasslekkasjane i fleire av bygga var omfattande. Løo fekk mellombels platetak og både i nyastovo og bualoftet vart rotne takbjelkar bytt ut før skiferen kom på att. Kledning og vindauger i fleire bygg har vore skrapa og måla. Nyastovo har også fått ny pipe og overbygg over trappa. Løo har fått nylafta florsdel, men her står svært mykje arbeid att. Så har stiar og vegar jevnt og trutt vorte rydda slik at me kjem oss fram.
Gamlastovo frå 1600 eller 1700-talet er sjølve juvelen i tunet og har vore hovudprosjektet vårt dei to siste åra. Gamle rotne laftestokkar har vorte bytt ut, det meste av den utglidne muren riven ned og bygt opp att, nytt golv i lemstovedelen og sist, men ikkje minst nytt torvtak.
I år fortset me arbeidet med ferdigstilling av gamlastovo. I tillegg skal utgliden mur under bualoftet vølast, og truleg får me også vølt stølshuset på Helset/Leidalsstølen og laga ny brønn ovafor tunet.
Me er evig takknemlege for all god økonomisk støtte gjennom alle desse åra og ei særleg takk til alle som bidreg gjennom medlemskap i HustveitLauget. Så hadde me ikkje fått utført mykje på Hustveit utan alle gode og entusiastiske Hustveitvener som legg ned svært mykje godt dugnadsarbeid. Dei er gull verdt !
Så kva med Hustveit framover ? Vårt store ynskje er at Hustveit etter kvart kan verta ein enno meir attraktiv møteplass og utferdsmål for både bydgdafolk og tilreisande i alle aldrar. Ver velkomne til Hustveit, enten for turen sin del eller for å bidra !

Adresse

Vossevangen
5710

Nettsted

facebook.com

Varslinger

Vær den første som vet og la oss sende deg en e-post når Hustveitgarden legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Hustveitgarden:

Snarveier

Vil du plassere din bedrift på toppen av Møbelbutikk-listen i Vossevangen?

Del

Our Story

Hustveit har sidan 1952 vore eigd av Voss kommune, då dei fekk den i gåve frå etterkommarane til David Hustveit. Målsettinga med gåva, var at kommunen skulle heidra David Hustveit sitt minne, då han var Voss sin fyrste ordførar.

Kommunen har opp gjennom desse åra lånt ut Hustveit til ymse formål (speidarbevegelsen, m.fl), men sidan 2003 har private paktarar hatt hånd om eigedomen.

I løpet av 2018 vert Hustveit overført til stiftinga “Hustveit veneforeining”, som i fortsettinga skal forvalta eigedomen og ivareta vedlikehaldet av bygningane. Det er fem verneverdige bygningar på garden, samt eit sel på stølen Helset.

Litt historikk: David Larsson Hustveit (1796-1870), vart som nemt Voss sin fyrste ordførar, då formannskapslovene var innført i 1837. Han var ordførar i to periodar (tidsrommet 1837-41 og 1850-57). Frå Vossaboki bind 2: Hustveit Namnet på denne garden vert i 1695 skrive Henrichstuedt. Det vert no sagt Hèndéstveitè; han búr pao, è tao Hèndéstvèit'né, ska pao Hèndéstveitè. Dette namnet er samansett av mannsnamnet Hendrik og tveit (slåtte, rudning). Det nye namnet Hustveit er vel ei nylaging. Hustveit er ikkje ført upp i 1661. I 1723 er garden skriven for Hendrikstvedt, hadde då ein brukar og 1 pund i skyld, skog til husvøling og til brensel. Garden var tungvinn og årvand, og hadde ei flaumkvern. Skyldi var likeins i 1838 og er då umskrivi til 2 dalar 15 skill. Der var då og brennefang. Samanlikningstalet var 320. Matrikkelen 1865 fører upp 8¾ mål åker, 2 mål dyrka eng, 10,5 mål god, 6 mål medels natureng og 10 mål skrapebø. Vårhamni var ring, men sumarhamni medels. Der var vedaskog og noko lite timber. Garden var svært tungvinn, utsett for sviding og var dyrka som vanleg. For 1918 vantar uppgåvor. På Hustveit budde 6 menneske i 1801, 10 i 1865 og 3 i 1920. Fødnad og avling (i tunnor) på Hustveit. Hestar Storfe Småfe Korn Potetor 1723 1 7 9 4 ½ 1865 1 8 20 20 16 Henrikstveit ser ein ikkje nemnt i noko manntal fyrr 1664. Då budde Jon Hallsteinson der. Skyldi var 1 pund. Det vert fortalt at Henrikstveit fyrst var rudt til husmannsplass, og at det må ha vore ein Henrik som har bygt og rudt der. Lars Sjurson var leiglending på Munkelivgodset på Hustveit i 1661. Kongen har i 1662 skøytt 1 pund Munkelivgods til Hermann Garmann. Klas Miltzow fekk skøyte på garden i 1677 frå Hermann Garmanns ervingar. Olav var brukar i 1691. Nils Leiddal var eigar og brukar i 1695. Lars Samsonson er skriven som odelsbonde i 1701. Han var f. 1662, g. m. Ingebjørg Knutsdr. og døydde 1741. Segni segjer at han skulde vera frå Hefte og ho frå Leiddal. Dei hadde fire born: Samson, Brita f. 1704, g. 1730 med Lars Gudleikson Gjøastein, Ingebjørg g. 1735 med Lars Torkjelson Røyrlidi og kom til Skår i Seims sokn, Nordhordland, Gjertrud f. 1714. Bruttomidelen ved skifte 1741 var 57 rd. Samson Larsson f. 1699, g. 1728 med Anna Gudleiksdr. fekk skøyte frå far sin på garden i 1737 for 40 rd. Samson døydde 1782 og hadde to døtter, Sisselja og Brita. Ho Brita var f. 1733 og g. 1769 med Lars Knutson Tøn. Dei kjøpte gard på ei øy nordanfor Bergen og skal ha mange etterkomarar. Ho Sisselja var f. 1729, g. 1756 med David Ivarson Kvårmo f. 1729. Han var frå Nedre Klyve og fekk halve garden hjå far hennar i 1756 og resten i 1769. Sju born: Lars f. 1758, Eiliv f. 1768, budde på Hjellen 1795, Gudve f. 1756, g. 1786 med Lars Olavson Gjøastein, paktar i Brekke i Granvin 1795, Ingebjørg f. 1761, g. 1787 med Styrk Anderson Haug, husmann på Leiddal i 1795, Anna f. 1770, g. 1796 med Per Person Kvilekvål, Gjertrud f. 1774, G**o f. 1778, g. 1819 med Knut Isakson Lae. Lars Davidson f. 1758, g. 1. 1794 med Ragnhild Tormodsdr. Brattåker, 2. 1807 med Kari Torkjelsdr. Lund og døydde 1846. Lars fekk garden i 1790. Han hadde med Ragnhild sonen David og med Kari sonen Torkjel f. 1813, død ugift 1840. David Larsson Hustveit f. 1796, var gift 1829 med Anna Monsdr. Bokkatun, og døydde 1870. Han fekk farsgarden i 1808 og 1812. David var skulemeister, fyrste ordføraren på Voss, forlikskommissær, valmann, formann i matrikkeleringsnemndi for Voss i 1830-åri og var mykje på takstar og skyn. David studerte på eigi hand framande språk, serleg tysk, umsette frå tysk og skreiv tysk. Stor boksamling hadde han av religiøse bøker, språkbøker, skulebøker og andre. Bygdi sette minnesmerke på gravi hans. Seks born: Lars, Mons f. 1832, g.m. Ingjerd Knutsdr. Afdal, gardmann i Holmedal og fylkesagronom i Sogn og Fjordane, Tormod f. 1834, død ugift 1905, Anders f. 1836, g. 1879 med Gjertrud Ivarsdr. Grjotland, Torkjel f. 1841, g. m. Sigvor Knutsdr. Jernes, lensmann i Granvin, Ivar f. 1844, g. m. Brita Davidsdr. Leiddal, skulelærar, Amerika. Lars Davidson f. 1830, fekk garden i 1862, men selde han 1875 til Torkjel, bror sin, for 1000 spd. og flytte til Tvinno, der Lars er meir umtala. Torkjel selde garden att for same pris til Anders, bror sin, i 1878. Han var g. m. Gjertrud Ivarsdr. Grjotland og døydde 1916. Sonen Lars, f. 1894, har no garden. Hustveit var fyrr mtrnr. 74, lnr. 151 med gamal skyld 1 pund, urevidert 2 dalar 15 skill., revidert 1 dalar 4 ort 6 skill. Ny skyld mark 2,69. Støl. Stølen var ¼ mil frå garden i 1723 er det sagt. Han heiter Helset eller Leiddalsstølen og er i bruk. Ei kvern var det på Hustveit i 1723 og 1776. Ho vart rivi i slutten av 1800-talet. Utskifting var halde i 1897. Bumerke teikna på Hustveit. Lars Henrikstveit 1716, 1720 tavle 4 nr. 5. David Henrikstveit 1767, 1772, 1779 t. 4 nr. 53. Kjelde: Vossaboki II