26/11/2025
🎖 ЭКО МОГУЛ ХХК-ИЙН ГҮЙЦЭТГЭХ ЗАХИРАЛ Л.УРАНЦЭЦЭГ “ХУДАЛДААНЫ ГАВЬЯАТ АЖИЛТАН” ЦОЛООР ШАГНАГДЛАА
Монгол Улсын Ерөнхийлөгч У.Хүрэлсүх Анхдугаар Үндсэн хуулиа баталж, Бүгд Найрамдах Улс тунхагласан өдрийг тохиолдуулан төрийн дээд цол, одон, медаль гардууллаа.
Энэ эрхэм үйл ажиллагааны хүрээнд Эко Могул ХХК-ийн гүйцэтгэх захирал Л.Уранцэцэг “Худалдааны гавьяат ажилтан” цолоор шагнагдсан баярт мэдээг та бүхэндээ хүргэж байна.
Л.Уранцэцэг захирал маань худалдаа, агуулахын салбарт 36 жил тасралтгүй ажиллаж, 2010 оноос “Эко Могул” ХХК болон Амгалан захын үйл ажиллагааг удирдан 600 гаруй иргэнийг тогтмол ажлын байртай байлгаж, салбартаа бодит хувь нэмэр оруулж буй манлайлагчдын нэг юм.
Түүний хичээнгүй хөдөлмөр, зарчимч зан, хамт олноо манлайлах чадвар нь өнөөдрийн энэхүү шагналын гол үнэ цэнэ болж байна.
Эко Могул ХХК-ийн хамт олон болон Амгалан зах, агуулахын түрээслэгчдийн нэрийн өмнөөс
Захирал Л.Уранцэцэгт баяр хүргэж, цаашдын ажил үйлсэд нь улам өндөр амжилт хүсье!