Луалди бол дээд зэргийн чанартай хаалга, интерьрийн гоёмсог шийдэл, модуль систем, тусгаарлах хана, гүйцэг хаалга, ханын систем үйлдвэрлэгч Италийн тэргүүлэгч брэнд юм. Бүтээгдэхүүн үйлдвэрлэлдээ гайхалтай инновац, техникийн дэвшлийг шингээсэн шинэлэг дизайнуудыг нэвтрүүлдгээрээ дэлхийн тансаг зэрэглэлийн хаалганы зах зээлийн тэргүүлэгч хэмээн хүлээн зөвшөөрөгддөг.
Анх Итали улсад 1880-аад онд м
ужаан, гар урлалын уламжлал дээр суурилан үйл ажиллагаагаа явуулж эхэлсэн бөгөөд odoo одоо тав дахь үедээ залгамжлан амжилттай ажилласаар байна. Хагас зууны модон эдлэл хийсэн туршлагатай Луалди гэр бүл дайны дараах Милан хотийг дахин сэргээн босгох их үйлсэд цонх үйлдвэрлэн гар гар бие оролцож байсан түүхтэй. 60-аад оны эхээр Бруно Луалди гэр бүлийнхээ бизнесийг өргөжүүлж Тайлор мэйд буюу хэрэглэгчийн хүссэн хэмжээ загвараар бүтээгдэхүүнийг үйлдвэрлэдэг системд шилжиж барилгын салбартаа чанараар тэргүүлж эхлэв. Энэ шинэчлэлийн хүрээнд архитекторуудын эхний сонголтод багтан маш олон алдартай төслүүдийн нэг хэсэг болж байв.
Гялгар лакан будалттай загварыг анх удаа зах зээлд оруулж ирж байсан нь өнөөг хүртэл тус брэндийн өндөр борлуулалттай бүтээгдэхүүний нэг хэвээр байна.
Брэндийн хөгжлөөс жишээлбэл дөрвөлжин хурц ирмэгийг эвдэн анхны дугуй ирмэгтэй хаалга, хүрээ нь үл харагдах далд суугддаг хүрээтэй хаалгыг хагас зуун жилийн өмнө зах зээлд анх нэвтрүүлсэн ба гялгар лакан будалтаа улам төгөлдөржүүлсээр байна.
Одоо хувийн вилла, хотхон, олон мянган айлийн нийтийн орон сууцны төслүүдээс эхлээд тансаг зочид буудлууд, оффисууд, банкууд болон дэлгүүрүүд зэрэг бүх хэрэглэгчдэд хүрч хүссэн бүтээгдэхүүнийг нь нийлүүлж байна.
Мөн олон жилийн ур чадвар, туршлагадаа суурилан орчин үеийн интерьрийн шинэлэг шийдэл болох гоёлын хана, гүйцэг шилэн систем, орон зай тусгаарлагч, хаалга болон ханыг нэгтгэсэн модуль систем, хувцасны өрөө,орон зай ашиглалтыг уян хатан болгож таны ажиллаж, амарч, хооллож буй орчинг ухаалгаар холбож өгөх өргөн сонголтуудыг санал болгож байна.
