24/01/2022
Furniture တွေကို အခန်းထဲမှာ အစီစဥ◌်တကျ သပ်သပ်ရပ်ရပ် ထားတာဟာ အနုပညာတစ်ခုပါပဲ။ 🪄
ကိုယ်နေမယ့် အခန်းလေးထဲမှာ ကိုယ်ပိုင်အနုပညာတစ်ခုကို ဖန်တီးချင်တဲ့ လူတစ်ယောက်ဆို ဒီစာလေးကို ဆုံးေအာင် ဆက်ဖတ်စေချင်ပါတယ်။
1️⃣ Think about Function
ကိုယ့်ရဲ့ အိပ်ခန်းလေးကို သပ်သပ်ရပ်ရပ်ဖြစ်အောင် ပြင်ဆင်တဲ့အခါ ပထမဆုံးအနေနဲ့ သိထားရမှာက အခန်းထဲမှာ ကိုယ်နေမယ့် အချိန်ပါပဲ။ တစ်နေ့လုံး အပြင်သိပ်မထွက်ပဲ အခန်းအောင်းပြီး နေတတ်တာလား? အကြောင်းအမျိုးမျိုးကြောင့် အပြင်မှာပဲ အချိန်ကုန်တာများလို့ အိပ်တဲ့အချိန်ပဲ အခန်းကို အသုံးပြုမှာလား? ဒါမှ ကိုယ့်အတွက် အခန်းထဲမှာ ဘယ်ပစ္စည်းကလိုပြီး၊ ဘယ်ပစ္စည်းက မလိုဘူးဆိုတာ သိမှာပါ။
2️⃣ Draw it out
စိတ်ကူးထဲမှာ ကိုယ်လိုချင်တဲ့ အိပ်ခန်းပုံစံလေးကို အရင်ဆုံး ပုံဖော်ကြည့်ပါ။ ပြီးရင် အိပ်ခန်းထဲမှာ ကိုယ်ထားမယ့် ပစ္စည်းလေးတွေကို အစဥ◌်လိုက်ချရေးကြည့်ပါ။ ကုတင် ဘေးမှာ အဝတ်ဗီဒိုထားမှာလား? ဒါမှမဟုတ် ကုတင်ဘေးမှာ မှန်တင်ခုံလေးထားပြီး အဝတ်ဗီဒိုကို တခြားဆန့်ကျင်ဘက်နံရံမှာ ကပ်ပြီးထားမှာလား? အဲလို စိတ်ကူးနဲ့ အရင်ပုံဖော်ကြည့်ပါ။
3️⃣ ‘Start with The Bed’
အခန်းတစ်ခန်းမှာ 🛏️ အိပ်ရာက အခရာပါပဲ။ အဲဒါကြောင့် ကိုယ့်အခန်းကို ပြင်ဆင်ချိန်မှာ အခန်းအကျယ်အဝန်းနဲ့ သင့်တော်တဲ့ ကုတင် Frame မျိုးကိုပဲ ရွေးချယ်ပါ။ တခြားပစ္စည်းတွေကို နေရာမချခင် ပထမဆုံး ကုတင်ကို အခန်းရဲ့ ဘယ်နေရာမှာ ထားမယ်ဆိုပြီး ကြိုပြီးစဥ◌်စားပါ။
4️⃣ ‘Use only Necessary Furniture’
သပ်သပ်ရပ်ရပ်ရှိပြီး နေချင်စဖွယ်ကောင်းတဲ့ အခန်းလေးတစ်ခန်းဖြစ်ဖို့ဆိုတာ ပစ္စည်းတွေ ပြည့်ကျပ်မနေဖို့ လိုပါတယ်။ မှန်တင်ခုံ၊ စာကြည့်စားပွဲ နဲ့ အဝတ်ဗီဒိုတို့လို ကိုယ့်မှာ ရှိပြီးသား Furniture လေးတွေကို အခန်းထဲမှာ အရင်ဆုံး နေရာချပါ။ စာအုပ်စင် ကစလို့ အဝတ်လှန်းတဲ့စင် အဆုံး ကိုယ့်အတွက် တကယ်လိုအပ်မယ့် ပစ္စည်းကိုပဲ ရွေးချယ်ပြီး အခန်းထဲမှာ ထပ်ဖြည့်ပါ။
Shane Mahar က အခုပြောပြခဲ့တဲ့ အချက်လေးချက်အတိုင်း ကိုယ်နေမယ့် အခန်းလေးကို ပြင်ဆင်မယ်ဆို မျက်စိပဒါသဖြစ်ပြီး နားနေချင်စရာ အိပ်ခန်းလေးတစ်ခန်း ဖြစ်သွားမယ်ဆိုတာ 💯 သေချာပါတယ်။
