https://www.facebook.com/103213901090068/

Zaw, Monywa (2026)

17/09/2020

အောင်မြင်သူ နှင့် မအောင်မြင်သူ
➖⭕️➖⭕️➖⭕️➖⭕️➖
တစ်ချို့လူများ အောင်မြင်ကြသည်။ အများစုက မအောင်မြင်ကြ။

အဘယ်ကြောင့်နည်း-----
အောင်မြင်သူ သည် မိမိ ဘာကိုအလိုရှိကြောင်း ကောင်းစွာသိသည်။ အလိုရှိရာကို ရယူရန် နည်းလမ်း အကြံအစည်လည်း ရှိသည်။ မိမိ၌ ရယူ နိုင်စွမ်းရှိသည် ဟုလည်း ယုံကြည်သည်။ ပြီး မိမိ နေ့စဉ်ဘ၀၏
အချိန်ကာလအများစုကို မိမ်ိလိုရာ ရရှိရေးကိစ္စထံတွင် နှစ်မြုပ်သုံးစွဲသည်။

မအောင်မြင်သူ ၌ ဘ၀ရည်မှန်းချက် တိတိကျကျမရှိ။ အောင်မြင်မှု မအောင်မြင်မှု ဟူသည် ကံအကြောင်း တရားသာ ဖြစ်သည်ဟု သူ ယုံကြည်သည်။ ထို့ကြောင့် မလွှဲမရှောင်သာသည့်အခါ မျိုးမှတစ်ပါး ကိုယ်စွမ်းကိုယ်စ ထုတ်လေ့မရှိ။

အောင်မြင်သူ သည် စည်းရုံးရေးသမားကောင်းဖြစ်သည်။ မိမိ ပစ္စည်း မိမိအလုပ်ကို အစွံထုတ်ရောင်းချတတ်သူဖြစ်သည်။ မိမိလုပ်ငန်းအစီအစဉ်တွင် သူတစ်ပါးတို့ အားတက်သရော ဝိုင်း၀န်းပါ၀င်လာအောင် စည်းရုံးသိမ်းသွင်းတတ်သူဖြစ်သည်။

မအောင်မြင်သူ ကား အပြစ်ရှာသမားဖြစ်သည်။ တစ်ဖက်သား စေတနာပျက်အောင် လုပ်သူမျိုးဖြစ်သည်။ မိမိနှင့်ဆက်ဆံရသူ မှန်သမျှထံ အဆိုးမြင်စိတ်တွေ ကူးစက်ပျံ့နှံ့အောင် သူ အားထုတ်နေတတ်သည်။

အောင်မြင်သူ သည် စဉ်းစားပြီးမှ စကားပြောသူဖြစ်သည်။ သူ့စကားလုံးတွေကို အလွန်ချင့်ချိန်သည်။ တစ်ဖက်လူများနှင့် ပတ်သက်၍ နှစ်သက်စရာ ချီးကျူးစရာများကို အထူးဂရုပြုဖော်ထုတ်သည်။ မိမိ မနှစ်သက်သည်ကို တတ်နိုင်သမျှ သိမ်းဆည်း သိုသိပ်သည်။ ဝေဖန်ပြစ်တင်စကား မဆိုမိအောင် သတိထားသည်။

မအောင်မြင်သူ ကား ၎င်းနှင့် ဆန့်ကျင်ဘက်။ မစဉ်းစား စကားတွေပြောမည်။ သူ့စကားကြောင့် တစ်ဖက်လူ စိတ်ထိခိုက်ရမည်။ မိမိကို မုန်းတီးစေမည်။ အဲသည်က ဆင့်ပွားလာသည့် ဆိုးကျိုးတွေကို မိမိပင် တစ်
နေ့ခံစားရမည်။

အောင်မြင်သူ သည် အကြောင်းကိစ္စရပ်များနှင့် ပတ်သက်၍ ပြည့်စုံလုံလောက်စွာ သိရှိပြီးသည့်အခါမှသာ ယင်းတို့နှင့် စပ်လျဉ်းသည့် မိမိအမြင်ကို သူတစ်ပါးရှေ့၌ ကျိုးကြောင်းသင့်မြတ်စွာ တင်ပြပြောဆိုသည်။

မအောင်မြင်သူ ကား သေချာစွာ စူးစမ်းလေ့လာမှု မပြုဘဲ ဝေဖန်မည်။ မှတ်ချက်ချမည်။ မိမိ လုံး၀နားမလည်သည့် ကိစ္စကိုလည်း ၀င်ရောက်စွက်ဖက်ပြောဆိုမည်။

အောင်မြင်သူ သည် အချိန်ကိုလည်းကောင်း၊ ငွေကိုလည်းကောင်း စနစ်တကျ စီမံခန့်ခွဲသုံးစွဲသည်။

မအောင်မြင်သူ ကား အချိန်ကိုတန်ဖိုးမထား။ ငွေကိုလည်း မလေးစား။ ပစ်စလက်ခတ် ပရမ်းပတာ ဖြုန်း
တီးပစ်တတ်သည်။

Original up-loader ( < --- Credit )
Shared from ရေးမိရေးရာလေးများ (FB)
Dhamma Wizayaမျှဝေဗဟုသုတ

03/08/2020

ဒုတိယဝါဆိုလပြည့် ဓမ္မစကြာ အခါတော်နေ့မှာ သတ္တဝါအားလုံး ကျန်းမာချမ်းသာပြီး လိုရာပြည့်ပါစေကြောင်း ဆုတောင်းလိုက်ပါသည်။

23/06/2020

EQ နဲ့ IQ အကြောင်း
~•~•~•~•~•~•~•~•

ကျနော်တို့ငယ်ငယ်က I.Q ဆိုတဲ့ ဝေါဟာရ တော်တော် ခေတ်စားတာ မှတ်မိသေးတယ်။ I.Q ဆိုတာ Intelligent Quotient ဉာဏ်ရည်ကို တိုင်းတာတဲ့့အညွှန်းကိန်းပေါ့။ I.Q မြင့်ရင် ဉာဏ်ကောင်းတယ်ပေါ့..စာတော်တဲ့သူ။ ကျောင်းမှာ ထူးချွန်တဲ့သူဆို ရင် I.Q မြင့်တယ်တယ်လို့ပြောကြတယ်။

=================================

လွန်ခဲ့တဲ့ (၁၅) နှစ် လောက်ကစပြီး E.Q ဆိုတာ ခေတ်စားလာတယ်။ E.Q ဆိုတာ Emotional Quotient လွယ်လွယ်ပြောရင် မိမိရဲ့ စိတ်ခံစားမှုကို ထိန်းသိမ်းနိုင်တဲ့စွမ်းရည်။ တနည်း စိတ်ရင့်ကျက်မှု အညွန်းကိန်းပေါ့။ ဘာလို့လဲဆိုတော့အောင်မြင်တဲ့သူတွေ ရဲ့ I.Q ရော၊ E.Q ရော တိုင်းကြည့်တဲ့့အခါ I.Q မြင့်တဲ့သူတွေထက် E.Q မြင့်တဲ့သူတွေဟာ ဘ၀မှာ ပိုအောင်မြင် တာ တွေ့ရတယ်။ ဆိုလိုတာက ဘ၀မှာ အောင်မြင်ဖို့ဆိုရင် ဉာဏ်ကောင်းဖို့ထက် စိတ်ဓါတ်ရင့်ကျက် ခိုင်မာမှုက ပိုအရေး ကြီးတယ်ဆိုတဲ့ သဘောပေါ့။

=================================

Harvard Business Review စာအုပ်ထဲက Daniel Goleman ရေးတဲ့ What makes a Leader? (ဘယ်အရာက ခေါင်းဆောင် ဖြစ်စေသလဲ) ဆိုတဲ့ ဆောင်းပါးထဲမှာ E.Q မြင့်အောင် ဘယ်လို လေ့ကျင့်နိုင်တယ် ဆိုတာ ပြောပြထားတယ်။ “အဖွဲ့အစည်း တွေမှာ သိပ်တော်တဲ့ခေါင်းဆောင်တွေနဲ့ သာမန် ခေါင်းဆောင်တွေကို ကွဲပြားစေတဲ့အရာက technical skill အတတ်ပညာ ကျွမ်းကျင်မှု မဟုတ်ပါဘူး။ တကယ်တော့E.Q လို့ခေါ်တဲ့ မိမိရဲ့ စိတ်ခံစားမှုကို ထိန်းသိမ်းနိုင်တဲ့ စွမ်းရည်။ တနည်း စိတ်ရင့်ကျက်မှုပါပဲ။ E.Q မြင့်တဲ့ ခေါင်းဆောင်တွေ အုပ်ချုပ်တဲ့ အဖွဲ့အစည်း တစ်ခုဟာ တစ်နှစ်ကို အောင်မြင်မှု (၂၀%) ပိုတိုးတက်တာတွေ့ ရပါတယ်" လို့ ဆိုထားပါတယ်။

=================================

E.Q/E.I (Emotional Intelligence) စိတ် ဓါတ်ရင့်ကျက်မှု အညွန်းကိန်းမှာပါတဲ့ စွမ်းရည်တွေကတော့…

(၁) Self-awareness; (မိမိကိုယ်ကို သိတာ)
~•~•~•~•~•~•~•~•~•~•~•~•~•~•~•~•
မိမိရဲ့အားသာချက်၊ အားနည်းချက်တွေ။ အပြောအဆို အပြုအမူတွေက သူတပါး အပေါ် ဘယ်လို သက်ရောက်မယ် ဆိုတာ ကို သိတာ..

(၂) Self-regulation (မိမိကိုယ်ကို ထိန်းသိမ်းနိုင်တာ)
~•~•~•~•~•~•~•~•~•~•~•~•~•~•~•~•~•~•~•~•~•
(စိတ်ဆိုး၊ စိတ်ညစ်၊ ဒေါသထွက်စရာ တွေရှိရင်) မိမိကိုယ်ကို ထိန်းချုပ်နိုင်တာ။ ဒါမှမဟုတ် အာရုံပြောင်း နိုင်တာ.

(၃) Motivation
~•~•~•~•~•~•~•
စိတ်ပျော်ရွှင်မှု။ စိတ်တက်ကြွမှုကို ထိန်းသိမ်းနိုင်တာ.

(၄) Empathy
~•~•~•~•~•~•
သူတပါးရဲ့ စိတ်ခံစားချက်ကို နားလည်တာ.

(၅) Social skill
~•~•~•~•~•~•~
အခြားသူတွေနဲ့့ဆက်ဆံရေးကောင်းမွန်၊ ယုံကြည်မှု တည်ဆောက်ပြီး ကိုယ်လို ချင်တဲ့ ပန်းတိုင်ကို ဦးဆောင်နိုင်တာ..

=================================

ကျနော်တို့အားလုံးမှာ..အဲဒီ စွမ်းရည် (၅) ခုက မွေးကတည်းက ရှိကြပါတယ်။ အချို့ စွမ်းရည် တွေမှာ အားနည်းနေတာ၊ အချို့ စွမ်းရည်တွေမှာ မြင့်နေတာတော့ရှိ တတ်ပါတယ်။ အဲဒီ စွမ်းရည်တွေကို ပိုမို အားကောင်းအောင် လေ့ကျင့်လို့ ရပါတယ်။

လေ့ကျင့်ဖို့နည်းတွေကတော့ ~~~
ဇွဲရှိရှိနဲ့ လေ့ကျင့်တာ၊ မိတ်ဆွေတွေ လေ့ကျင့်ပေးတဲ့ဆရာတွေဆီက ဝေဖန် အကြံပေးမှုတွေ တောင်းခံတာပါပဲ။

=================================

ဟားဗတ်တက္ကသိုလ်မှ ပါမောက္ခကြီး Howard Gardner ရဲ့ "Theory of multiple Intelligence" ဆိုတဲ့ ဆောင်းပါးထဲမှာ တိုင်းတာလို့ရသော ဉာဏ်စွမ်းရည် (၇) မျိုးရှိတယ်လို့ ဖော်ပြထားပါတယ်။

၁။ ခွဲခြမ်းစိတ်ဖြာနိုင်စွမ်းရည် (Analytical Intelligence)
~•~•~•~•~•~•~•~•~•~•~•~•~•~•~•~•~•~•~•~•
စာမေးပွဲများ၊ အိုင်ကျူများနှင့် တိုင်းတာကြောင်း။

၂။ ပုံဖော်နိုင်စွမ်းရည် (Pattern Intelligence)
~•~•~•~•~•~•~•~•~•~•~•~•~•~•~•~•~•
အရာ၀ထ္တုများ၏ သဏ္ဍန်ကိုသိခြင်း၊ ပုံသဏ္ဍန်ကို တီထွင်နိုင်ခြင်းများ ဖြစ်ကြောင်း။ သချာင်္ပညာရှင်များ၊ ကွန်ပျုတာ ပရိုဂရမ်များ၊ အနုပညာရှင်များ တွင်ရှိသော စွမ်းရည်မျိုးဖြစ်ကြောင်း။ သူတို့မှာ ပုံဖော်စွမ်းအင်၌ စွမ်းရည်မြင့်မား လှသော်လည်း သာမန်အတန်းတင် စာမေးပွဲများ၌ ကျရှုံးနိုင်ကြောင်း။

၃။ ကာယစွမ်းရည် (physical intelligence)
~•~•~•~•~•~•~•~•~•~•~•~•~•~•~•~•~•
ဘောလုံးသမားများ၊ ရေကူးသမားများ၊ ဂေါက်သမားတို့တွင် ရှိတတ်၍ သူတို့တွင် အခြားစွမ်းရည် ရှိချင်မှ ရှိမှာ ဖြစ်ကြောင်း။

၄။ ဂီတစွမ်းရည် (Musical intelligence)
~•~•~•~•~•~•~•~•~•~•~•~•~•~•~•~•
တေးဂီတများကို တီထွင်ဖန်တီးနိုင်သော ပညာရှင်များတွင်သာရှိကြောင်း။

၅။ လက်တွေ့စွမ်းရည် (Practical Intelligence)
~•~•~•~•~•~•~•~•~•~•~•~•~•~•~•~•~•~•~•~•
တီဗွီတစ်လုံးကို လမ်းညွှန်လွှာမပါပဲ ဖြုတ်၍ ပြန်တပ်နိုင်သော စွမ်းရည်တစ်မျိုး ဖြစ်ကြောင်း၊ အစိတ်အပိုင်းနာမည်ကို ခေါ်တတ်ချင်မှ ခေါ်တတ်မှာ ဖြစ်ကြောင်း။

၆။ ခံစားသိနိုင်စွမ်းရည် (Interpersonal Intelligence)
~•~•~•~•~•~•~•~•~•~•~•~•~•~•~•~•~•~•~•~•
ငြိမ်ငြိမ်သက်သက်နေတတ်၊ မျှဝေခံစား တတ်၍ ကဗျာဆရာများ၊ အတိုင်ပင်ခံ (Counsellors)များ ဖြစ်လာတတ် ကြောင်း။

၇။ သဟာယစွမ်းရည် (Interpersonal Intelligence)
~•~•~•~•~•~•~•~•~•~•~•~•~•~•~•~•~•~•~•~•
အများနှင့်လုပ်တတ်၊ နေတတ်၊ ကိစ္စ ပြီးမြောက်အောင် ဆောင်ရွက်တတ်သော မန်နေဂျာများတွင် ရှိရမည့် စွမ်းရည်မျိုး ဖြစ်ကြောင်း ရေးသားဖော်ပြထားပါတယ်။

=================================

အဲဒီ စာကနေ ဆက်တွေး ကြည့်မိတယ်။ ကိုစိုးသူတို့၊ ဖြူဖြူကျော်သိန်းတို့၊ ဆရာမဂျူး၊ ဆရာဖေမြင့်တို့ဟာ့ဆရာ၀န် တွေပေမယ့် သူတို့ရဲ့ Intelligence က အနုပညာ ဖန်တီးတဲ့ဘက်မှာ အားသန် တော့ အဲဒီဘက်မှာ မြှုပ်နှံလုပ်ကြတော့ နိုင်ငံကျော် အနုပညာ ရှင်တွေ။ စာပေ ပညာရှင်တွေ အဖြစ် အောင်မြင် ထူးချွန် နေကြတာ နေမှာ။ ဆရာ မောင်စိန်၀င်း (ပုတီကုန်း)၊ ဆရာ အော်ပီကျယ်တို့ ဆိုရင် အင်ဂျင်နီယာတွေပါပဲ။ သူတို့ အားသန်တဲ့ စွမ်းဆောင်ရည် Intelligence ကို ရှာတွေ့ပြီး အဲဒါကို ဖွံ့ဖြိုးအောင် လုပ်ခဲ့့ကြလို့သာ အောင်မြင်ကြတာ။

=================================

တကယ်တော့ကျနော်တို့မှာ မွေးကတည်းက ကိုယ်အားသန်တဲ့ Intelligence ဉာဏ် စွမ်းဆောင်ရည်လို့ ခေါ်တဲ့ "ဇ"လေးတွေ ပါလာပုံရတယ်။ ကိုယ်ရဲ့ Intelligence က ဘာလဲဆိုတာ မြင်အောင်ကြည့်ပြီး ဖွံ့ဖြိုးအောင် လေ့ကျင့်နိုင်ရင် ထူးချွန် အောင်မြင်သူတွေ ဖြစ်လာမှာပဲ။

=================================

Credit: ဒေါက်တာ အောင်မျိုး

14/06/2020

အချိန်မလွန်ခင် အမြန်ကုသသင့်တဲ့ ရောဂါ (၅) ခု
------------------------------------------------------------

(1) ပထမရောဂါရဲ့နာမည်က "ခဏ”

ရောဂါလက္ခဏာ ……။
ခဏ မနက်ဖြန်မှလုပ်မယ်…။
ခဏ မနက်ဖြန်မှစကြိုးစားမယ်……။
ခဏလေးထားလိုက်အုံးနောက်မှလုပ်မယ်……။
နောက်ဆုံးကျတော့ ဘယ်တော့မှ ပြောသလိုမျိုးမလုပ်တဲ့ရောဂါ။

ကုနည်း>>> ခဏ ဆိုတဲ့စကားကို အခုဆိုပြီးပြောင်းလိုက်ပါ။
သူများလို အောင်မြင်ချင်တယ်ဟုတ်၊ ရတယ် ခုချက်ချင်းပြောင်းပါ။

(2) ဒုတိယရောဂါနာမည်က "လို့”

ရောဂါလက္ခဏာ >>>
ငါ့ကိုကူညီပေးမယ့်သူ မရှိလို့ ……။
မွေးလာတာ ကံမကောင်းလို့၊ သူများက ငါ့ထက်တော်ပြီးသားမို့လို့
သူတို့က ငါ့ထက်ပိုက်ဆံရှိလို့၊ ကျောင်းကောင်းကောင်းတက်နိုင်လို့
ဒီနေ့ဈေးရောင်းမကောင်းတာ မိုးရွာလို့ စသဖြင့် ……

ကုနည်း >>> (Bill Gates) ပြောခဲ့တဲ့စကားကိုမှတ်ထားပါ။
"ခင်ဗျာမွေးလာကတည်းက ဆင်းရဲရင် အဲ့ဒါခင်ဗျာအပြစ်မဟုတ်ဘူး။ ဒါပေမဲ့ ခင်ဗျာ ဆင်းဆင်းရဲရဲနဲ့ သေရရင်တော့ အဲ့ဒါခင်ဗျာအပြစ်ပဲ ပြောရလိမ့်မယ်တဲ့”

ကိုယ့်ရဲ့ဘဝကို ကိုယ်တိုင်တာဝန်ယူပါ။ကိုယ်မအောင်မြင်အောင် အကြောင်းပြချက်တွေပဲ လိုက်ရှာမနေနဲ့ နည်းလမ်းမှန်မှန်ကြိုးစားရင် အောင်မြင်ကြတာပဲ "လို့” မနေနဲ့ လက်တွေ့ "လုပ်”ပါ ။

(3) တတိယ ရောဂါကတော့ " စောင့်ချင်တဲ့ရောဂါ”

အဆင်သင့်ဖြစ်တဲ့ထိ စောင့်ပြီးမှ ………။
ပိုက်ဆံရှိတဲ့အထိ စောင့်ပြီးမှ ………။
ဟိုအရာရှိမှ ဒီဟာရှိတဲ့အထိစောင့်ပြီးမှ ………။
သေချာကြိုးစားမယ်တဲ့ ……။
နောက်ဆုံးကျတော့ ဘယ်တော့မှအဆင်သင့်မဖြစ်ခဲ့ဘူး။
အဲ့တော့ စောင့်ရင်းစောင့်ရင်းနဲ့ ဘဝကအရင်နေရာပဲ ကွက်ကွက်တောင်မရွေ့ဘူး။

ကုနည်း >>> လွယ်လွယ်လေး အချိန်မရပ်မချင်း ဘယ်တော့မှမစောင့်နဲ့ ။

ရောဂါနာမည် (၄)နာမည်က ---- တွန့်ဆုတ်တွန့်ဆုတ်

လူအများကပြောတယ်။ အောင်မြင်တဲ့လူအများစုက ဆုံးဖြတ်ချက်ချတာမြန်တယ် ၊ စိတ်ပြောင်းလဲဖို့ခက်တယ် ။

(သူတို့သေချာတဲ့ Information မရမချင်းပေ့ါ )
အောင်မြင်တဲ့လူအနည်းစုက ဆုံးဖြတ်ချက်ချဖို့ နှေးတယ် ၊ စိတ်ပြောင်းလဲလွယ်တယ်။

ဒီနေ့ဒီအရာကိုရွေးလိုက်တယ် ၊ မနက်ဖြန် နောက်အရာတစ်ခုကိုပြောင်းတယ်။ ဒီနေ့ ဒီအရာလုပ်ဖို့ဆုံးဖြတ်လိုက်တယ် ၊ မနက်ဖြန်ကျတော့ နောက်တစ်ခုလုပ်ဖို့ စိတ်ပြောင်းတယ် ။

ဒီနေ့ အားကစားသမားဖြစ်ချင်တယ် မနက်ဖြန်ကျတော့ စီးပွားရေးသမားဖြစ်ချင်ပြန်ရော ၊နောက်ရက်ကျတော့ ဘာမှမလုပ်တော့ဘူး သာသနာဘောင်ထဲ ဝင်မယ်ပေါ့။

အဲ့လိုမျိုးပဲ ဘာမှသေသေချာချာမရှိဘူး ဒါကြောင့် ဒီလိုမျိုးသူတွေက ဘယ်အရာအပေါ်ကိုမှ (Focus) လုပ်လို့မရဘူးပေါ့။

ကျွန်တော်တို့ ရည်မှန်းချက်ပြောင်းလို့မရဘူးလိုိ့ ဆိုလိုတာမဟုတ်ဘူးနော်။ ရည်မှန်းချက်ပန်းတိုင်က ပြောင်းလို့ရပါတယ် ။ ကျွန်တော်တို့ပန်းတိုင်ကို ကြိုးစားနေတဲ့ချိန်မှာ နောက်ပန်းတိုင်တစ်ခုက ပိုကောင်းတယ် ပိုပြီးတော့လိုချင်တယ်ဆိုရင်ပေါ့ ။ ဒီနေ့တစ်မျိုး နောက်နေ့တစ်မျိုး တွန့်ဆုတ်တွန့်ဆုတ်တော့မလုပ်ပါနဲ့။

ကုနည်း ---- ဘာလိုချင်လဲဆိုတာ ကောင်းကောင်းစဉ်းစားပါ ။ပြီးတော့ ပြတ်ပြတ်သားသားဆုံးဖြတ်ပါ။

(5) ရောဂါနံပါတ် (၅) ---- လွယ်လွယ်နဲ့ အရှုံးပေးတတ်……။
နည်းနည်းအခက်အခဲတွေ့တာနဲ့ အရှုံးပေးမယ်……။
နည်းနည်းပြဿနာတွေ့တာနဲ့ နောက်ဆုတ်မယ်ဆိုတာပဲ……။

စာရေးဆရာ ဖြစ်ချင်တယ်။
တစ်ပတ်လောက်ရေးပြီး စာတင်လိုက်တယ်။
ဖတ်တဲ့လူမရှိတော့ စာမရေးတော့ဘူးဆိုပြီး အရှုံးပေးမယ်။

စီးပွားရေးလုပ်ငန်းရှင် ဖြစ်ချင်တယ်တဲ့ ။
စာအုပ်တစ်အုပ်ဖတ်ပြီး စလုပ်တော့ ပြဿနာနည်းနည်းတွေ့တော့ မလုပ်တော့ဘူးတဲ့။

ချမ်းသာချင်တယ်တဲ့ ကိုယ်ပိုင်စီးပွားရေးရှိချင်တယ်တဲ့ ။
လက်တွေ့ချလုပ်တော့ ကိုယ်ထင်သလောက်မလွယ်တဲ့အချိန်ကျတော့ အရှုံးပေးချင်လာရော။

ပန်းတိုင်ကိုကြည့်လိုက် အကြီးကြီးပဲ ဒါပေမဲ့ သူတို့ရဲ့စိတ်က သူ့ပန်းတိုင်လောက် မကြီးနိုင်ဘူး ။

ကုနည်း >>> ကိုယ့်ရဲ့ Persistence (မဆုတ်မနစ်ကြိုးစားမှု) ကိုလက်စွဲထားပါ။ အကယ်လို့ ခင်ဗျာဆုံးဖြတ်ထားတဲ့အရာက မှန်တယ်လို့ ယုံကြည်တယ်ဆိုရင်……နောက်မဆုတ်ပါနဲ့၊ အကယ်လို့ အလုပ်မဖြစ်ရင် နည်းလမ်းပြောင်းပါ။မအောင်မြင်မချင်းကြိုးစားပါ နောက်မဆုတ်ပါနဲ့ ။

ဒါက လူအများဖြစ်တတ်တဲ့ရောဂါ (၅) ခုပါ
ကုနည်းရော ထည့်ပေးထားတယ်။

ကိုယ်နဲ့တိုက်ဆိုင်တဲ့အချက်ကို ကြိုက်သလိုရွေးပြီးတော့ သုံးလို့ရပါတယ် ။

ဒီရောဂါဖြစ်ပြီး ကိုယ်တိုင်မသိတဲ့ သူတွေအတွက်ပါ ။
ကောင်းသောနေ့လေးဖြစ်ပါစေ………။

Crd; Original Writer

______________________________________________

14/06/2020

လူတစ်ယောက် ရင့်ကျက်တယ် မရင့်ကျက်ဘူးဆိုတာ အသက်နဲ့လည်း မဆိုင်ဘူး။
ပျော်ပျော်နေတတ်တာ ခပ်တည်တည်နေတတ်တာနဲ့လည်း မဆိုင်သလို ဘွဲ့ဘယ်နှစ်ခု ရထားတယ်ဆိုတာနဲ့လည်း မပတ်သက်ဘူး။

တကယ်တော့ ရင့်ကျက်မှုဆိုတာ အတွေ့အကြုံကနေ ဖြစ်လာတဲ့ ခံယူချက်တစ်ခုပဲ။

ကျနော်အကြိုက်ဆုံးကတော့ ဆရာလင်္ကာရည်ကျော် ပြောဖူးတဲ့စကားလေး
“ရင့်ကျက်တယ်ဆိုတာ တခြားလူဘက်က တွေးပေးတတ်တာကို ခေါ်တာ”တဲ့။

ဆရာပြောမှ ရှင်းသွားတယ်။
ရည်းစားထားစဆို တစ်ယောက်နဲ့တစ်ယောက် သဝန်တိုကြတယ်။ ဟိုဟာမဝတ်နဲ့ ဒီလိုမဝတ်နဲ့ ချုပ်ချယ်ကြတယ်။
ကြီးလာတော့ သူ့ရဲ့ လွတ်လပ်ခွင့်ဆိုတာကို နားလည်ပေးနိုင်လာကြတယ်။

ငယ်ငယ်က ကိုယ်ဖြစ်ချင်တာ ကိုယ်လိုချင်တာပဲ သိတယ်။ မိဘကိုပူဆာတယ်။ မိဘနဲ့ ပြသနာတွေ ဖြစ်တယ်။
ကြီးလာတော့ ဒါတွေနည်းသွားတယ်။
ဘာလို့ဆိုတော့ မိဘရဲ့နေရာကို ဝင်ကြည့်တတ်လာလို့ပဲ။

အလုပ်မှာလည်း ဒီလိုပဲ။
မရင့်ကျက်ရင် အလုပ်မှာ အဆင်ပြေနိုင်မှာ မဟုတ်ဘူး။
ငါ ဒီလောက်လုပ်ပေးရက်နဲ့ ငါ ဒီလောက်အဆင်ပြေပြေ နေရက်နဲ့ သူတို့က ဘယ်လိုလို့ တွေးတတ်ကြတယ်။
ကိုယ့်အောက်ကလူတွေအပေါ် မညှာမတာ မာန်မဲတတ်တယ်။
ကိုယ့်အထက်လူကြီးတွေကိုလည်း ဒါတွေ ဒါတွေ မလုပ်ပေးရကောင်းလား ဆုံးဖြတ်တာကလည်း နှေးလိုက်တာ မပြတ်သားလိုက်တာ ပျော့လိုက်တာ စသဖြင့် အပြစ်တင်မိတတ်တယ်။

အဲဒါမျိုးတွေ ပြန်စဉ်းစားကြည့်

ပြောင်းလဲလာတာတွေ အများကြီးရှိတယ်ဆို ဒါ ကိုယ် ရင့်ကျက်လာတာပဲပေါ့။
အဲ့လိုမဟုတ်ဘဲ အရင်ကလည်း ဒီစိတ် ခုလည်း ဒီစိတ်ဆိုရင်တော့ အချိန်တွေသာကုန်သွားတယ် ရင့်ကျက်မလာဘူးပဲ ပြောရမှာပါပဲ။

ကိုယ်ချင်းစာတယ်ဆိုတာ EQ ရဲ့ အစိတ်အပိုင်းတစ်ခုလည်းပဲ ဖြစ်တယ်။

ဒီခေတ်မှာ EQ ဟာ အောင်မြင်ဖို့အတွက် အရေးကြီးကြောင်း တော်တော်လေး ပြောလာကြပြီ။

ဒါကြောင့် ကိုယ် ဘယ်လောက်ရင့်ကျက်သလဲ။ တစ်နည်းအားဖြင့် ကိုယ်ဘယ်လောက် ကိုယ်ချင်းစာတတ်သလဲ။ ကိုယ်ဘယ်လောက် တခြားလူဖက်က လှည့်တွေးပေးနိုင်သလဲဆိုတာက

မယုံမရှိပါနဲ့။

တချိန်မှာ ကိုယ့်အနာဂတ်အတွက် အရေးပါလာပါလိမ့်မယ်။

“ဒါဆို သင် ရင့်ကျက်လာပြီ”

ငယ်ငယ်တုန်း ကတော့
ကြိုးစားရင် ဘာမဆို ဖြစ်နိုင်တယ် လို့
ယုံကြည် ခဲ့ ဖူးပါတယ်။

လက်တွေ့ ဘဝ မှာတော့
ဘာတွေကို ကြိုးစားရမယ်။
ဘာတွေကို လျစ်လျှူ ရှု တတ်ရမယ် ဆိုတာ သဘောပေါက် သွားခဲ့ပြီ။

ဒါဆို သင် ရင့်ကျက်လာပြီ။

အရှုံး ဆိုတာ
နာကျင်စရာ မဟုတ်သလို၊
အဆုံးသတ်လည်း မဟုတ်ဘူးဆိုတာ သိသွားပြီ။

အရှုံးတွေနဲ့ မကြာခဏ ဆိုသလို
ရင်းနှီး လာရ ပေမယ့် အရှုံးသမားဆိုတဲ့
တံဆိပ်ကပ် မခံရအောင်
သင်ခန်းစာတွေ ယူတတ်လာခဲ့ပြီ။

ဒါဆို သင် ရင့်ကျက်လာပါပြီ။

ဟိုးတုန်းက
သင်ယူတယ် ဆိုတာ
ဂုဏ်ယူနိုင်ဖို့ ဆိုတဲ့ ဦးတည်ချက်ပဲ ရှိခဲ့ပါတယ်။

နောက်ပိုင်းမှာတော့ သင်ယူတယ် ဆိုတာ
အသုံးချဖို့၊
မျှဝေဖို့၊
စတဲ့ တိကၱဲ့
အကြောင်းအရင်းတွေနဲ့
သင်ယူ လာတယ်။

ဒါဆို သင် ရင့်ကျက်လာပြီ။

၀မ်းနည်း နေပေမယ့် ပြုံးနေမိတယ်။

ရင်ထဲ ဝမ်းသာပေမယ့်
တည်ငြိမ်အောင် နေနေ ပါ တယ်။

ဒါဆို သင် ရင့်ကျက်လာပြီ။

လူဆိုတာ
အကောင်းနဲ့အဆိုး ရောနေတဲ့
သူတွေ မှန်း သိလာရတယ်။

ဒါပေမယ့်
ကောင်းတဲ့အချက်တွေကိုပဲ
မြင်အောင်ကြည့်ပြီး ဆိုးတာတွေကို
လျစ်လျူ ရှုတတ် လာပါမယ်။

ဒါဆို သင် ရင့်ကျက်လာပြီ။

အစပိုင်းမှာ
လူတွေ သတ်မှတ် ထားတဲ့
အောင်မြင်မှုကို ရှာတယ်။

နောက်ပိုင်း မှာတော့
ကိုယ့်ရင်ထဲက ယုံကြည်နေတဲ့
အောင်မြင်မှုကိုပဲ ရှာတော့တယ်။

ဒါဆို ရင့်ကျက်လာပြီ။

ဘယ်အချိန်မှာ ပြောရမယ်။

ဘယ်အချိန်မှာ နှုတ်ဆိတ်နေရမယ်။
သင်ကောင်းကောင်း သိလာပြီ။

ဒါဆို သင် ရင့်ကျက်လာပြီ။

လူတွေရဲ့ စကားကို
ဂရု မစိုက်တတ်ဘူး။

ဒါပေမယ့်
ကိုယ့်ရဲ့ သိက္ခာ တရားကိုတော့
ဂရုစိုက် တတ်လာပြီ။

ဒါဆို ရင့်ကျက်လာပြီ။

အဆိုးတွေ နဲ့ ကြုံရတိုင်း
ဝမ်းမနည်း တတ်တော့ဘူး။

ဒါတွေဟာ အခိုက်အတန့်ပဲ ဆိုတာ
သိ သွားပြီ။
ဒါဆို သင် ရင့်ကျက်လာပြီ။

ဆရာကြီးဦးအောင်သင်းအား
အစဉ်လေးစားလျက်

Crd; Original Writer

______________________________________________

04/05/2020

#ဘဝမှာ အောင်မြင်ချင်ရင် အတိတ်ဖြစ်စဉ်တွေမှာပဲ နစ်မြုပ်မနေပဲ ပုရွက်ဆိတ်တွေရဲ့ ဒဿန လေးခုဖြစ်တဲ့…
======================

1) Never Give Up (ယုံကြည်ရာကို လက်မလျှော့ပါနဲ့)
2) Look Ahead (ရှေ့ကိုကြည့်ပါ)
3) Stay Positive (အကောင်းဘက်မှာနေပါ)
4) Do All You Can (လုပ်နိုင်တာမှန်သမျှလုပ်ပါ)

ဆိုတာကို ခါးဝတ်ပုဆိုးလို စွဲစွဲမြဲမြဲ လိုက်နာကျင့်ကြံမယ် ဆိုရင် အောင်မြင်ဖို့ရာ သေချာပါတယ်..။
=========

#ပုရွက်အတွေး

ကမ္ဘာ့ အံ့ဖွယ် သတ္တဝါ တစ်မျိုးအကြောင်းပြောပါ ဆိုရင် ပုရွက်ဆိတ်တွေ အကြောင်းပြောရမှာပါ…ပဲ.။ သူတို့ဟာ ကမ္ဘာပေါ်မှာ ရှိနေခဲ့ကြတာ နှစ်ပေါင်း ၉၂သန်း တောင်ရှိကြပြီ ..တဲ့..။
သူတို့မှာ အုပ်ချုပ်ရေး စနစ်ရှိတယ် (Administration System).. တည်ဆောက်ရေးစနစ်
(Construction System) ရှိတယ်.. ရိက္ခာစုဆောင်းရေး နဲ့ သယ်ယူပို့ဆောင်ရေး စနစ်ရှိတယ် (Logistics System).
ကာကွယ်ရေး စနစ်ရှိတယ်
(Defence System)..
မျိုးဆက်ပြန့်ပွားရေး စံနစ်
(Breading System)ရှိတယ် ။ သူတို့ရဲ့ အုပ်ချုပ်ရေး ယန္တရားကို
ဘုရင်မ (Queen) ကဦးဆောင်တယ်..။

မျိုးဆက်ပြန့်ပွားရေးကို Drone လို့ခေါ်တဲ့ ပုရွက်ထီးတွေက တာဝန်ယူတယ်..။
လုပ်သားပုရွက်ဆိတ်တွေက တည်ဆောက်ရေးတို့ သယ်ယူရေးတို့ လုပ်ရတယ်..။
ထောက်လှမ်းရေး နဲ့ ကာကွယ်ရေးကို စစ်သားပုရွက်ဆိတ် (Soldier Ants) တွေက လုပ်ရတယ်..။
ဘယ်နားမှာ ရိက္ခာရှိတယ် သယ်ယူဖို့ အင်အားဘယ်လောက်လိုမယ် ဆိုတာကို ထောက်လှမ်းရေး ပုရွက်တွေက ရှာဖွေထောက်လှမ်းပြီး နောက်ကြောင်းဋ္ဌာနချုပ်ကို ပြန်သတင်းပို့ရတယ်..။
သတင်းပို့ချက်ကို ရတာနဲ့ လုပ်သား ပုရွက်တွေက ချက်ချင်းပဲ တန်းစီပြီး ရိက္ခာရှိရာကို သွားကြတယ်..။

ထောက်လှမ်းရေးပုရွက်ဆိတ်က
သယ်လာတဲ့ သတင်းအချက်အလက်အပေါ်မှာ စစ်ဆင်ရေး ပုရွက်ဆိတ်တွေက တုံ့ဆိုင်းမနေပဲ ချက်ချင်း
အကောင်အထည် ဖေါ်ကြတာပါ..။

ကမ္ဘာပေါ်မှာ ပုရွက်ဆိတ် မရှိတဲ့ နေရာရယ်လို့ မရှိဘူး..။
ကမ္ဘာရဲ့ ဘယ်အစိတ်အပိုင်းမှာပဲ နေနေ ပုရွက်ဆိတ်ကို သိကြတယ်..။
ပင်ဂွင်း တွေကို လူတိုင်းမမြင်ဖူးဘူး..။ ရေခဲဝက်ဝံတွေကို လူတိုင်းမမြင်ဖူးဘူး..။ နှင်းကျားသစ်ကို လူတိုင်းမမြင်ဖူးဘူး..။ သားမင်းကို လူတိုင်းမမြင်ဖူးဘူး..။ ငါးလိပ်ကျောက်တွေ ကို လူတိုင်းမမြင်ဖူးဘူး..။
ဝေလငါးကို လူတိုင်းမမြင်ဖူးဘူး..။ ဒါပေမယ့် ပုရွက်ဆိတ်ကိုတော့ လူတိုင်းသိတယ် မြင်ဖူးတယ်..။

ကောင်းပြီ ဒါဆိုရင် ပုရွက်ဆိတ်တွေဟာ ကမ္ဘာ့ နေရာ အနှံ့အပြားမှာ ရှင်သန် နေထိုင်နိုင်ကြတာ ဘာကြောင့်များပါလိမ့်...

ရှိပါတယ်...
သူတို့ရှင်သန်ရခြင်းရဲ့ အကြောင်းရင်းက သူတို့မှာ အတွေးအခေါ်ရှိလို့ပါ..။
ဘယ်လို အတွေးအခေါ်တွေများပါလိမ့်..။

၁။ ပုရွက်ဆိတ်တွေဟာ ဘယ်တော့မှ နောက်ဆုတ်ထွက်ခွာမသွားပါဘူး.။
(Ants Never Quit)
သူတို့ဟာ တစ်နေရာရာကို ဦးတည်ပြီးသွားနေကြချိန်မှာ
ဟန့်တားဖို့ ကြိုးစားကြည့်လိုက်ပါ..။ အဲဒီအဟန့်အတားကို သူတို့ ကွင်းရှောင် ကျော်လွှားပြီး ဆက်သွားကြပါလိမ့်မယ်.။

သူတို့ဟာ သူတို့ရဲ့ ခရီးပန်းတိုင်ကို ရောက်ဖို့အတွက် ကျော်လွှားခြင်း.. ငုံ့လျှိုးခြင်း.. ကွင်းရှောင်ခြင်း ဆိုတဲ့ နည်းဗျူဟာတွေကို သုံးပြီး ဆက်သွားကြပါတယ်..။
ဒါကြောင့် ပုရွက်ဆိတ်ရဲ့
အတွေးအခေါ် နံပါတ်၁ က ရတဲ့ သင်ခန်းစာက
“ကိုယ်သွားလိုရာကို ရောက်အောင်သွားဖို့ အရေးမှာ နည်းလမ်း တစ်ခုထဲ ရှိနေတာမဟုတ်ပါဘူး..။ တခြားနည်းလမ်းကို ရှာပါ..။ မရှောင်လွှဲလိုက်ပါနဲ့” …………..။

၂။ ပုရွက်ဆိတ်တွေဟာ နွေရာသီတစ်လျှောက်လုံးမှာ ဆောင်းတွင်းအတွက် စဉ်းစားနေကြပါတယ်..။
(Ants think winter all summer)
သူတို့ဟာ သူတို့အတွက်နွေရာသီဟာထာဝရ ဖြစ်နေလိမ့်မယ်လို့ မျှော်လင့်မထားကြပါဘူး..။ ဒါကြောင့်မို့ သူတို့ဟာ နွေရာသီ အလွန်မှာ ရောက်လာမယ့် ချမ်းအေးတဲ့ ကာလအတွက် ရိက္ခာကို နွေကာလရဲ့ အလယ်မှာပဲ စတင်စုဆောင်းကြပါတယ်..။
“သဲသောင်ပြင်မှာ နေရောင်ခြည်နဲ့ နွေးထွေးသာယာနေချိန်မှာ အေးစိမ့် လာတော့မယ့် ကျောက်စိုင်ကျောက်ခဲတွေ ကိုသတိရပါ”

၃။ ပုရွက်ဆိတ်တွေဟာ ဆောင်းရာသီတစ်လျှောက်လုံး နွေရာသီအကြောင်းစဉ်းစားနေကြပါတယ်..။
(Ants think summer all winter)
ပုရွက်ဆိတ်တွေဟာ သိပ်အေးတဲ့ ဆောင်းရာသီအခါမှာ တစ်ကောင်နဲ့ တစ်ကောင်ပူးကပ်နေထိုင်ကြရင်း သူတို့ကိုယ်သူတို့ သတိပေးနေကြတာက “ဆောင်းတွင်းဟာ ထာဝရ မဖြစ်နိုင်ဘူး.. မကြာခင်မှာ နွေရာသီ ရောက်လာပြီးတို့တတွေ ဒီနေရာက ထွက်ခွာနိုင်ကြလိမ့်မယ်” လို့ ဖြစ်ပါတယ်..။ ဆောင်းတွင်းဟာ သူတို့အတွက် ပြင်းထန် လှပါတယ်..။ သူတို့ဟာ သူတို့ စောင့်စားနေခဲ့တဲ့ ပူနွေးတဲ့ နွေရာသီရဲ့ ပထမဆုံးနေ့မှာပဲ သူတို့ရဲ့ ခိုအောင်းရာ အသိုက်အမြုံ ကနေ ထွက်လာခဲ့ကြပါတယ်…။ တကယ်လို့များ မိုးလေဝသ အခြေအနေဟာ သူတို့ ထင်သလို မနွေးထွေးပဲ စွတ်စိုလာတယ် ဆိုရင်လဲ သူတို့ရဲ့ အသိုက်အမြုံ ရှိရာကို ပြန်ဝင်ပြီး နေကြတာပါပဲ..။ ပူနွေးလာမှသာ ပြန်ထွက်လာကြပါတယ်.။
ဒါကြောင့် ပုရွက်ဆိတ်တွေရဲ့
သုံးခုမြောက် ဒဿနက
“ မမြဲခြင်းသဘောကိုဆင်ခြင်ပြီး အမြဲတန်း အကောင်းမြင်စွာနေထိုင်ခြင်း” ပဲ ဖြစ်ပါတယ်..။

၄။ ပုရွက်ဆိတ်တွေဟ ပုရွက်ဆိတ်တွေဟာ ဖြစ်နိုင်သမျှကို အကုန်လုပ်ကြပါတယ်..။
(All that you possibly can)
ပုရွက်ဆိတ်တွေဟာ နွေရာသီမှာ ဆောင်းတွင်းအတွက် ရိက္ခာစုဆောင်းကြရာမှာ ဘယ်လောက်များ သယ်ယူစုဆောင်းလေ့ရှိကြပါသလဲ..။ သူတို့ဟာ သူတို့ တတ်နိုင်သလောက် မခိုမကပ်ပဲ အင်အား အကုန်သုံးပြီး စုဆောင်းကြပါတယ်..။
ဒါကြောင့် သူတို့ရဲ့ ဒဿနက “လုပ်နိုင်သလောက် အကုန်လုပ်ပါ.. ပြီးတော့ နဲနဲ ပိုလုပ်ပါ” လို့ ဖြစ်ပါတယ်..။

ဒါကြောင့်မို့ ဘဝမှာ အောင်မြင်ချင်ရင် အတိတ်ဖြစ်စဉ်တွေမှာပဲ နစ်မြုပ်မနေပဲ ပုရွက်ဆိတ်တွေရဲ့ ဒဿန လေးခုဖြစ်တဲ့…

1) Never Give Up

2) Look Ahead

3) Stay Positive

4) Do All You Can…ဆိုတာကို ခါးဝတ်ပုဆိုးလို စွဲစွဲမြဲမြဲ လိုက်နာကျင့်ကြံမယ် ဆိုရင် အောင်မြင်ဖို့ရာ သေချာပါတယ်..။

Credit #

01/05/2020

အလုပ်သမားများနေ့အား ကြိုဆို ဂုဏ်ပြုလိုက်ပါတယ်

23/04/2020

" တိတ်ဆိတ်ခြင်းဟာ ပညာပဲ"
---------------------
"ဒေါသမရှိဘူးတော့ ဘယ်ဟုတ်ပါ့မလဲ
ရှိတာပေါ့ ရှိပေမယ့်လည်း...
ဒီဒေါသကို ထုတ်မပြနိုင်တာက ပညာပဲ''

"မခံစားရဘူးတော့ ဘယ်ဟုတ်ပါ့မလဲ
ခံစားရတာပေါ့ ခံစားရပေမယ့်လည်း...
မျက်နှာမှာ မပေါ်လွင်အောင် ထိန်းချုပ်နိုင်တာက ပညာပဲ''

"ဝမ်းမနည်းတတ်တာတော့ ဘယ်ဟုတ်ပါ့မလဲ
ဝမ်းနည်းတတ်တာပေါ့ ဝမ်းနည်းပေမယ့်လည်း...
လူတကာကို လှပ်ပြပြီးပြောပြမနေတော့တာက
ပညာပဲ''

"လူပဲ ခံစားချက်ကတော့
အသက်ရှင်နေသ၍ ရှိနေဦးမှာပဲ
ဘယ်လို ပညာသားပါပါ ဖော်ထုတ်ပြမလဲဆိုတာပဲ
ကွာသွားကြတယ်''

"ဖေါ်ပြလို့ မထူးဘူးဆိုရင်
ဒီလိုပဲ အဆင်ပြေအောင် ကျိတ်မှိတ်ကျော်လွှားရမှာပဲ''

"ဒေါသရှိတိုင်း ထုတ်ပြရင် ကိုယ်ပဲ
ဒေါသကြီးတယ်ဆိုတဲ့ နာမည်ရသွားမယ်
ဘာကြောင့် ဒေါသတွေကြီးလဲ ဆိုတာကိုတော့...
သိကြမှာ မဟုတ်ဘူး''

"ခံစားချက်တိုင်း ထုတ်ပြနေရင်
ကိုယ့်အားနည်းချက် လူသိတာပဲ အဖတ်တင်တယ်
ကိုယ်ခံစားရတာ သူတို့က
ပြေလည်အောင် လုပ်ပေးနိုင်တာမှ မဟုတ်တာ''

"ဝမ်းနည်းတိုင်း ငိုပြနေရင်
ကိုယ်အားပျော့တာပဲ လူသိတယ်
ဖေးမကူညီမှာထက် ဝေဖန်တဲ့လူတွေက ခပ်များများဆိုတော့ နေတတ်အောင်နေမှ နေပျော်တဲ့ ဘဝလေးကိုရမှာ''

"လူဖြစ်လာပေမယ့်လည်း
ဒီလူတွေနဲ့နေဖို့ဆိုတာ တော်တော်လေး
အထာကျပြီး ရင့်ကျက်နိုင်မှ တော်ကာကျတယ်''

"ဒီလိုရင့်ကျက်အောင် နေနိုင်ဖို့ ဆိုတာကလည်း
တော်တော်လေးကို ခက်တာ''

"တိတ်ဆိတ်နေနိုင်ဖို့ ဆိုတာဟာ တကယ့်ပညာပါဘဲ
လောကအလယ်...
ရင့်ကျက်ဖို့ သင်ယူကြရပေဦးမည်
ဒီကြားထဲတော့...
အတတ်နိုင်ဆုံး တိတ်ဆိတ်နေလိုက်ပါ့မယ်''

Crd'' @ orginal uploader

15/04/2020

အားလုံးသတိထားဖို့ မျှဝေပေးလိုက်ရပါတယ်

12/03/2020

သတိပြုကြဖို့ 👍👍👍

30/01/2020

💥၂၀၁၉ မှာ ဘာတွေအောင်မြင်ခဲ့လဲ❓...........................................
၂၀၁၉ ခုနှစ်ကတော့ ကုန်ဆုံးသွားပါပြီ။
၂၀၁၉ မှာ ဘာတွေအောင်မြင်ခဲ့လဲဆိုတာ
ပြန်လည်းသုံးသပ်ကြည့်ရအောင်။

💥ကျန်းမာရေးကောင်းအောင်နေနိုင်ခဲ့လား❓

၂၀၁၉ ကျန်းမာရေးကောင်းအောင် နေနိုင်ခဲ့လား?
သင့်ကိုယ်သင် ပြန်မေးဖို့လိုပါတယ်။ ကျန်းမာရေး
ကောင်းအောင် အားကစား၊ လေ့ကျင့်ခန်းတွေ
လုပ်ခဲ့လား? ကျန်းမာရေးနဲ့ညီညွတ်တဲ့
အစားအသောက်တွေစားခဲ့လား? အချိန်မှန်မှန်
အိပ်ခဲ့ရဲ့လား? အချိန်မှန်မှန်စားခဲ့ရဲ့လား? စတဲ့
မေးခွန်းတွေ သင့်ကိုယ်သင် မေးခွန်ထုတ်ဖို့လိုပါတယ်။
ငွေကြေးထက်တန်ဖိုးကြီးတဲ့အရာက ကျန်းမာရေး
ဖြစ်ပါတယ်။ ၂၀၂၀ မှာရော ကျန်းမာရေးလိုက်စားတဲ့
လူတစ်ယောက်ဖြစ်ဖို့ ဆုံးဖြတ်ပြီးပြီလား?

💥လုပ်ငန်းခွင်မှာ အောင်မြင်ခဲ့ရဲ့လား❓

အခုခေတ်မှာ လုပ်ငန်းခွင်ဆိုတာ လူတိုင်းရဲ့
ဒုတိယအိမ်လိုတောင်ဖြစ်နေပါပြီ။ သင့်ရဲ့တန်ဖိုးရှိတဲ့
အချိန်တော်တော်များဟာ လုပ်ငန်းခွင်မှာ
ကုန်ဆုံးနေတာဖြစ်ပါတယ်။ ဒါကြောင့် လုပ်ငန်းခွင်မှာ
ပျော်ရွှင်မှုရှိခဲ့ရဲ့လား? သင်လုပ်နေတဲ့အလုပ်ကရော
သင်တကယ်စိတ်ဝင်စားတဲ့အလုပ်မျိုးလား? ဆိုတာ
ပြန်လည်သုံးသပ်ဖို့လိုပါတယ်။ ကိုယ်တကယ်ဝါသနာပါတဲ့
အလုပ်ဆိုရင်ရော ဘယ်လိုမျိုးအောင်မြင်မှုတွေ
ရခဲ့လဲဆိုတာကို ပြန်လည်သုံးသပ်ဖို့လိုပါတယ်။

💥လူမှုရေးမှာရော အောင်မြင်ခဲ့ရဲ့လား❓

၂၀၁၉ မှာ မိသားစုကို အချိန်ပေးဖြစ်ခဲ့ရဲ့လား?
မိဘကို စိတ်ချမ်းသာအောင်ထားနိုင်ခဲ့လား?
သူငယ်ချင်းတွေကို အချိန်ပေးဖြစ်ခဲ့လား? ချစ်သူ၊
အိမ်ထောင်ဖက်တွေရော အချိန်ပေးဂရိုစိုက်ပေးခဲ့လား?
ဆိုတာ ပြန်လည်သုံးသပ်ဖို့ လိုပါတယ်။ နောက်တစ်ကြိမ်
ပြန်မရနိုင်တဲ့အရာတွေထဲမှာ သင့်ကို ချစ်တဲ့လူတွေလည်း
ပါဝင်ပါတယ်။ ၂၀၂၀ မှာရော သင်ချစ်တဲ့လူတွေကို
အချိန်ပေးဂရုစိုက်ပေးဖို့ ဆုံးဖြတ်ပေးပြီးပြီလား?

💥ဝင်ငွေရော အဆင်ပြေခဲ့ရဲ့လား❓

ပိုက်ဆံက အရာရာတော့မဟုတ်ပါဘူး။ ဒါပေမဲ့
ပိုက်ဆံပိုရှာနိုင်တဲ့လူကတော့ ဘဝကို ပိုပြီး အဆင်ပြေပြေ
ဖြတ်သန်းနိုင်ပါတယ်။ ၂၀၁၉ မှာရော သင်လိုချင်တဲ့
ဝင်ငွေမျိုးရရှိခဲ့ရဲ့လား? ပိုက်ဆံရော
စုဆောင်းနိုင်ခဲ့ရဲ့လား? ၂၀၂၀ မှာရော အလုပ်ကို
ပိုကြိုးစားပြီး ဝင်ငွေကောင်းအောင် လုပ်မယ်လို့
ဆုံးဖြတ်ပြီးပြီးလား?

💥ပညာရေးရော အောင်မြင်ခဲ့ရဲ့လား❓

၂၀၁၉ မှာ သင် ဘယ်ပညာရပ်တွေ တတ်မြောက်အောင်
လေ့လာခဲ့လဲ? ဘာသင်တန်းတွေတက်ခဲ့လဲ?
စာအုပ်ဘယ်နှအုပ်ပြီးအောင် ဖတ်နိုင်ခဲ့လဲ? ၂၀၂၀ မှာရော
ဘယ်လိုပညာရပ်တွေ လေ့လာသွားမယ်လို့ ဆုံးဖြတ်ထားလဲ?

😉၂၀၁၉ မှာ ဘယ်အချက်တွေကို အောင်မြင်အောင်
လုပ်နိုင်ခဲ့လဲ? ၂၀၂၀ မှာရော ဘယ်အရာတွေကို
ပိုကောင်းအောင် လုပ်သွားချင်လဲ? ဆိုတာကို
အောက်မှာဖြေသွားပေးဦးနော်။😉😉
Crd:🥰

21/11/2019

တိုက်တန်းနစ် သင်္ဘောကြီး မြုပ်တော့ အနီးအနားမှာ သင်္ဘော ၃စီး ရှိနေခဲ့ပါတယ်။

တစ်စီးကတော့ "ဆမ်ဆွန်" ဆိုတဲ့ သင်္ဘော ဖြစ်ပြီး တိုင်းတန်းနစ် နဲ့ ၇ မိုင်အကွာမှာပဲ ရှိနေခဲ့တာပါ။ အန္တရာယ်ကျရောက်နေကြာင်း အချက်ပြတဲ့ မီးကျည်တွေကို သူတို့ မြင်နေခဲ့ပါတယ်။ ဒါပေမယ့် သူတို့ဟာ ပင်လယ်ဖျံတွေကို တရားမဝင် ခိုးဖမ်းနေတဲ့ သင်္ဘော ဖြစ်နေတော့ အဖမ်းမခံချင်တာကြောင့် တိုက်တန်းနစ် နဲ့ ဆန့်ကျင်ဘက်ကို လှည့်ထွက်သွားခဲ့ပါတယ်။ ဒီသင်္ဘောဟာ တခြားသောသူတွေ အကူအညီ လိုအပ်နေချိန်မှာ အသိအမှတ် မပြုနိုင်ဘဲ နေစိမ့်တဲ့၊ ကိုယ့်အကုသိုလ်နဲ့ကိုယ် အလုပ်များနေတဲ့ လူတွေနဲ့ အလားတူပါပဲ။

နောက်တစ်စီးကတော့ "ကယ်လီဖော်နီးယန်း" ဆိုတဲ့သင်္ဘောပါ။ တိုက်တန်းနစ်ကနေ ၁၄ မိုင်အကွာမှာ ရှိနေတာပါ။ ကပ္ပတိန်က အပြင်ထွက်ကြည့်တဲ့အခါ အချက်ပြမီးကျည်တွေကို မြင်ပေမယ့်လည်း သင်္ဘောပတ်ပတ်လည်မှာ ရေခဲတောင်တွေနဲ့ ပိတ်နေတာမို့ အခြေအနေက အခွင့်မသာ၊ မှောင်ကလည်း မှောင်နေတာကြောင့် မနက်ကျမှ သွားတော့မယ်ဆုံးဖြတ်ပြီး အခန်း ပြန်အိပ်နေခဲ့ပါတယ်။ သင်္ဘောသားတွေလည်း 'ဘာမှ မဖြစ်နိုင်ပါဘူးလေ ဆိုပြီး ကြိုးစား စိတ်ဖြေနေရတာပေါ့။ အဲဒီသင်္ဘောကျတော့ 'အခုလောလောဆယ်တော့ ဘာမှ မလုပ်နိုင်ဘူး' လို့ ပြောတတ်တဲ့ လူတွေကို ကိုယ်စားပြုနေတာပေါ့။ အခြေအနေတွေက သိပ်ကောင်းသေးတာ မဟုတ်ဘူး။ အခြေအနေတွေ ပြည့်စုံကောင်းမွန်မှ ထွက်မယ်ဆိုပြီး စောင့်နေတဲ့ လူမျိုးတွေပေါ့။

နောက်ဆုံးသင်္ဘောကတော့ "ကာပါသီယာ" ပါ။ တကယ်တမ်းက ရေဒီယိုကနေ ဘေးအန္တရာယ်ကျရောက်လို့ ကယ်ဆယ်ဖို့ ပန်ကြားချက် ကြားရတဲ့ အချိန်မှာ အဲဒီသဘောင်္ာဟာ တိုင်တန်းနစ်ကနေ ၅၈ မိုင်အကွာအဝေးမှာ ရှိနေပြီး တောင်ဘက်ကို ဦးတည်ခုတ်မောင်းနေတာပါ။ သင်္ဘောကပ္ပတိန်ဟာ တိုင်းတန်းနစ်သင်္ဘောရှိရာဘက်ကို မျက်နှာမူ ဒူးထောက်ထိုင်ချလိုက်ပြီး ဘုရားသခင်ထံ ဆုတောင်းပါတယ်။ ပြီးတာနဲ့ သင်္ဘောကို တစ်ပတ်ပြန်လှည့်၊ ရေခဲတောထဲက ဖြတ်ပြီး စက်ကုန်ဖွင့် မောင်းခဲ့ပါတယ်။ အဲဒီသင်္ဘောကနေ တိုင်းတန်းနစ်သင်္ဘောက သေကံမရောက်သက်မပျောက် ကျန်ရစ်သူ ၇၀၅ ယောက်ကို ကယ်ဆယ်နိုင်ခဲ့ပါတယ်။

နှိုင်းယှဉ်သုံးသပ်ချက်…တာဝန်မယူချင်လို့ အကြောင်းပြချက်ပေးတာတွေ၊အတားအဆီးတွေကတော့ အမြဲ ရှိနေတာပါပဲ။ဒါပေမယ့် အဲဒါတွေကို လက်ခံပြီး လုပ်စရာရှိတာ လုပ်သင့်တာ လုပ်တဲ့သူတွေကိုတော့ လူတွေရဲ့ ရင်ထဲမှာ အမြဲ အမှတ်ရနေကြမှာပါ။ဘဝမှာ ဆမ်ဆွန် နဲ့ ကယ်လီဖော်နီးယန်း တို့လို မဟုတ်ဘဲ ကာပါသီယာသင်္ဘောသားတွေလို ကျွန်တော်တို့အားလုံး ဖြစ်နိုင်ပါစေလို့ တကယ့်ကို ဆန္ဒပြုပါတယ်။အဲဒါဆို ဒီကမ္ဘာကြီးဟာ နေချင်စရာကောင်းပြီး ပိုမိုလှပတဲ့နေရာတစ်ခု ဖြစ်လာမှာပါ။

ခရက်ဒစ် ဘာသာပြန်သူ

There were three ships which were nearby when the Titanic sunk.

One of them was known as the Sampson. It was 7 miles away from the Titanic and they saw the white flares signaling danger, but because the crew had been hunting seals illegally and didn't want to be caught, they turned and went the opposite direction away from the Titanic. This ship represents those of us who are so busy in our own sin and lives that we can't recognize when someone else is in need.

The next ship was the Californian. This ship was only 14 miles away from the Titanic, but they were surrounded by ice fields and the captain looked out and saw the white flares, but because the conditions weren't favorable and it was dark, he decided to go back to bed and wait until morning. The crew tried to convince themselves that nothing was happening. This ship represents those of us who say I can't do anything now. The conditions aren't right and so we wait until conditions are perfect before going out.

The last ship was the Carpathia. This ship was actually headed in a southern direction 58 miles away from the Titanic when they heard the distress cries over the radio. The captain of this ship knelt down, prayed to God for direction and then turned the ship around and went full steam ahead through the ice fields. This was the ship that saved the 705 survivors of the Titanic.

ANALOGY -Obstacles and reasons to avoid responsibility shall always be there, but those who accept it always find a place in the hearts to be remembered for the world of good they do.I really wish that we all could be Carpathians in life, unlike more Sampsons and Californians... this world could be a more beautiful place to live in.

Crd org writer
photo Titanic movie
Sharing fm #သူစင်ကြယ်
Crd ;

Zaw

17/09/2020

03/08/2020

23/06/2020

14/06/2020

14/06/2020

04/05/2020

01/05/2020

23/04/2020

15/04/2020

12/03/2020

30/01/2020

21/11/2019

Address

Telephone

Website

Alerts

Contact The Business

Shortcuts

Share

Category