Универзитетски стоматолошки клинички центар "Свети Пантелејмон"

15/08/2026

🦷 **Болка во виличниот зглоб, шкрипење со забите или чести главоболки?**

Бруксизмот (стискање и шкрипење со забите) и нарушувањата на темпоромандибуларниот зглоб – може да предизвикаат болка во вилицата, ушите, главата и вратот, како и истрошување на забите.

На Клиниката за мобилна и фиксна стоматолошка протетика се врши индивидуална проценка и дијагностика на пациентите, вклучително и со **3Д компјутерска томографија** кога е потребно.

💻 Во нашиот клинички центар е овозможен целосно дигитален протокол:
🔹 интраорален отпечаток
🔹 дигитален дизајн
🔹 3Д принтање на индивидуален оклузален сплинт

Оклузалните сплинтови можат да помогнат кај:
✔️ бруксизам
✔️ болка и нарушувања на ТМЗ
✔️ девијација на мандибулата
✔️ намалена вертикална димензија и истрошени заби

👩‍⚕️ **Секој пациент е различен.
** Видот на сплинтот, времетраењето на терапијата и контролите ги определува стоматологот според индивидуалната состојба и постигнатите резултати.

Современа дијагностика, дигитална технологија и индивидуализиран пристап за подобра функција и квалитет на живот.

09/08/2026

🙏 Свети Пантелејмон, заштитник на лекарите и исцелителите, патрон на нашата клиника и симбол на хуманост, грижа и посветеност кон здравјето.

На сите вработени им го честитаме патрониот празник, со желби за добро здравје, лична среќа и многу професионални успеси.

🏅 По повод празникот, беа доделени јубилејни благодарници на вработените за нивниот долгогодишен труд, професионалност и придонес во развојот на Клиниката.

✨ Нека ни е честит патрониот празник!

02/08/2026

Честит Илинден!

Илинден нè потсетува на храброста и идеалите на илинденците, но и на Крушевската Република – симбол на стремежот кон слобода, еднаквост и заедништво, чии вредности и денес нè инспирираат. Денес со гордост им оддаваме почит на сите кои ја испишаа оваа значајна страница од нашата историја.

По повод 2 Август – Илинден, Универзитетскиот стоматолошки клинички центар „Свети Пантелејмон“ упатува искрени честитки до сите граѓани.

Нека илинденскиот дух нè инспирира да продолжиме да градиме општество исполнето со човечност, солидарност и надеж. За многу години Илинден!

17/06/2026

📚🦷 Континуирана едукација и следење на современите дигитални трендови во стоматологијата

Забни техничари од Универзитетскиот стоматолошки клинички центар „Свети Пантелејмон“ имаа можност да присуствуваат на курс за дигитален дизајн на фиксни протетски помагала со Exocad DentalCAD, кој се одржа во Интердент – Белград.

Едукацијата претставува значаен чекор во континуираното стручно усовршување и следењето на современите дигитални технологии во денталната медицина.

14/06/2026

Универзитетскиот стоматолошки клинички центар „Свети Пантелејмон“ беше домаќин на претставници на Стоматолошката комора на Хрватска, при што се разговараше за можностите за идна меѓусебна соработка.

Колегите од Хрватска изразија големо задоволство од професионалноста на персоналот, современите практики и посветеноста на медицинските тимови во обезбедувањето квалитетна дентална грижа.

Посетата беше реализирана во рамки на 17. Меѓународен стоматолошки конгрес што се одржа во Скопје, на кој Македонија беше домаќин на еден од најзначајните стручни настани во областа на денталната медицина во регионот.

УСКЦ ѝ го честита на Стоматолошката комора на Македонија јубилејот – 30 години успешна работа во унапредувањето на стоматолошката професија.

26/05/2026

Голема благодарност до компанијата Реплек за донацијата на медицински мантили за ЈЗУ Универзитетски стоматолошки клинички центар „Св. Пантелејмон“ – Скопје.
Оваа поддршка е значаен придонес за нашата установа.
Со потпишувањето на договорот за научно-истражувачка соработка се отвораат нови можности за заеднички развој на современи здравствени решенија.

Благодариме за довербата, партнерството и општествената одговорност. 🤝

24/05/2026

По повод големиот празник „Свети Кирил и Методиј“, Универзитетскиот стоматолошки клинички центар „Свети Пантелејмон“ упатува искрени честитки до сите граѓани, здравствени работници, студенти и просветни дејци.

Овој ден е симбол на писменоста, духовноста и културниот развој на словенските народи, а делото на светите браќа претставува темел врз кој се граделе образованието, науката и националниот идентитет низ вековите.

Светите Кирил и Методиј со својата мисија оставиле непроценливо наследство, создавајќи ја глаголицата и отворајќи го патот кон ширење на писменоста и знаењето на мајчин јазик. Нивната просветителска дејност и денес претставува инспирација за сите институции кои се посветени на образованието, науката и хуманоста.

Нека делото на Светите Кирил и Методиј продолжи да биде поттик за нови успеси, духовен развој и почитување на културното наследство. Честит и благословен празник!

22/05/2026

Со длабока тага се простуваме од нашиот почитуван колега и доктор, д-р Ристо Стефанов,

Неговата човечност, професионалност, посветеност и благ пристап кон
најмладите пациенти ќе останат засекогаш во нашите сеќавања. Беше колега кој остави трага со својата работа, добрина и почит кон сите нас.

Нека му биде вечен споменот.

Од вработените
при ЈЗУ Универзитетски стоматолошки клинички центар
„Св. Пантелејмон“ – Скопје

16/05/2026

In memoriam: проф. д-р Катарина Дирјанска

Со големо жалење и длабока почит се простуваме од проф. д-р Катарина Дирјанска, лекар во ЈЗУ Универзитетски стоматолошки клинички центар „Свети Пантелејмон“ – Скопје и редовен професор на Стоматолошки факултет во Скопје, која денес, 16.05.2026 година, тивко и ненадејно нè напушти.

Проф. д-р Дирјанска беше исклучителен професионалец, посветен лекар, почитуван професор, колешка и соработник, која со својата работа, знаење и човечност остави значаен белег во стоматолошката дејност, образованието и грижата за пациентите.

Посмртните останки ќе бидат изложени утре, 17.05.2026 година, во капелата на Градските гробишта во Бутел, во периодот од 13:30 до 14:30 часот.

Во име на вработените на ЈЗУ Универзитетски стоматолошки клинички центар „Свети Пантелејмон“ – Скопје, изразуваме искрено сочувство до семејството

15/05/2026

https://www.facebook.com/share/p/1GhLdQH1cb/

📢 ОТВОРЕН ПОВИК ЗА НАБАВКА
Фондацијата д-р Верица Механџиска објавува јавен повик за доставување понуди за стоматолошка и медицинска опрема.
🗓 Рок за аплицирање: 04.06.2026 до 15:00 часот.
🔗 Детали и документација: Најдете го повикот на следниов линк https://zeginkariera.mk/fondacija-dr-verica/