12/06/2022
كتير من الناس بيعتقد أن عقوبة ربنا للظالم بتكون بعد ظلمه مباشرة , ودا خطأ !
الظالم بيمر بأربع مراحل وضحها القرآن .. افهمها وتلذذ بمعناها ف الآتي ..
المرحلة الأولى :
=========
الإمهال والإملاء : { وَأُمْلِي لَهُمْ إِنَّ كَيْدِي مَتِينٌ }
وفيها ربنا بيمهل الظالم ع ظلمه يمكن يتوب ويرجع عن اللى بيعمله !
لانه ساعتها بيكون لسه ف أول طريق ظلمه !
المرحلة الثانية :
=========
الاستدراج : {سَنَسْتَدْرِجُهُمْ مِنْ حَيْثُ لَا يَعْلَمُونَ }
ودا مش معناه ان الدنيا بتضيق عليه !
بالعكس دي بتفتح عليه من وسع وترتفع بيه الدرجات وتُبسَط عليه اللذات
ويعطيه الله ما يطلب ويرجو بل وفوق ما يطلب !
لأن لفظ الدَرج يدل علي الإرتفاع , اما الدَرك يدل على النزول والهبوط !!
المرحلة الثالثة :
=========
التزيين : { وَزَيَّنَ لَهُمُ الشَّيْطَانُ أَعْمَالَهُمْ }
وفيها قلب الظالم بيموت ...
فبيبدأ يشوف ظلمه علي انه هو الصح بل هو الواجب اللي المفروض انه يتعمل !
تقريباً لان النفس الأماره بالسوء .. طغت علي النفس اللوامه بشكل يلاشيها !
المرحلة الرابعة :
=========
الأخذ {وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ}
وفيها العقوبة بتتنزّل من المولي ع الظالم وتكون شديدة جداً ( أليم شديد )
الظالم انواعه كتيره .. واولهم .. ظُلمك لنفسك وللي حواليك بأعمالك !
لكل شخص اتظلم .. راقب اللى ظلمك ف انهي مرحله واستني حقك (Y) !
ولكل شخص ظلم .. انت ادري بنفسك ومرحلتك الحالية , فحاول ترجع !!
ولا حول ولا قوه الا بالله ..
