09/04/2023
ඔබේ නිදන කාමරය කෙසේ විය යුතුද?
දිශාව
නිදන කාමර ඕනෑම දිශාවක ස්ථානගත කිරීමට හැකියාවක් ඇතත් වාස්තු විද්යානුකූලව ප්රධාන නිදන කාමරය ඊසාන සහ ගිණිකොණ හැර වෙනත් ඕනෑම දිශාවක ස්ථානගත කිරීමට ඉඩ සලසා ඇත. එයිනුත් නිරිත දිශාවේ මාස්ටර් ප්රධාන නිදන කාමරය ඉතාම සුදුසු බවට නිගමනය කොට ඇත.
වාතය සහ හිරු එළිය
නිදන කාමර සඳහා නිසි පරිදි වාතාශ්රයක් ලැබිය යුතුය. මේ සඳහා නීත්යානුකූල පරිමාණයන් ද දක්වා ඇත. හිරු එළිය සහ වාතය නිසි පරිදි නොලැබෙන විට එම ස්ථානය අසාර්ථක වේ. මන්ද එම ස්ථානයන් හි ක්රියාකාරිත්වය වැඩි වීමට විශ්ව බලපෑම ඇති වන හෙයිනි විශ්ව බලපෑම් ඇති කරනු ලබන්නේ හිරු එළිය සහ වාතය නිසා ඒවා නිසි පරිදි ලබා දීමට ඔබ උත්සාහ ගත යුතුය.
වෙනත් නිවාස වල පිහිටීම
සැලසුම සකස් කිරීමේ දීම තම ඉඩම ආසන්නයේ පිහිටන නැතහොත් යාබද ව පිහිටන නිවාසවල ලක්ෂණය කෙරෙහි දැඩි අවධානයක් යොමු කළ යුතුය. විශේෂයෙන්ම එහිදීය තම නිදන කාමරවල දොර ජනෙල් අවට පිහිටන නිවාසවල බැල්කනි හෝ වැරන්ඩා වලට විවෘත වන්නේද යන්න මෙන්ම තම වැසිකිලි වල ෆෑන් ලයිට් ද එවැනි අවස්ථාවකට මුහුණ දෙන්නේ ද යන්න විමසිලි සහගතව සොයා බැලිය යුතුය.
දිග සහ පළල
ප්රධාන නිදන කාමරයක දිග සහ පළල ඔබට ඕනෑම ප්රමාණයක් ගැනීමට හැකියාව ඇත ඔබ මතක තබා ගත යුත්තේ ඒ අනුව සාපේක්ෂකව නිවස ඉදි කිරීමේ වියදම ඉහළ යන බවය. සාමන්යයෙන් නිදන කාමරයක් අඩි 12 ක් 14 ක් වැනි ප්රමාණයක් සුදුසු වන අතර තමන්ගේ අවශ්යතාවයන් අනුව අඩි 12,16,14,16,18 වැනි ප්රමාණයන්ට ඔබට ලබාගත හැකිය. මෙහිදී මතක තබා ගත යුත්තේ තමන්ගේ මුල්යමය හැකියාවන් මෙන්ම කාමරය පරිහරණය කරන්නේ කවුරුන් ද යන්නත් ගැන ඔබ සැලකිලිමත් වීම හරහාය. වර්තමානයේ බොහෝ විට තම දරුවන් අවුරුදු දහයක් පමණවන තුරුම තම කාමරයේ තබාගැනීමට උත්සාහ කරන බවක් ඇත. එය වර්තමනයට ඉතාම සුදුසු තත්ත්වයකි. එවැනි අවස්ථාවක තමන් නිදන කාමර පරිමාණයෙන් විශාල කර ගැනීම සුදුසුය. එහෙත් වයස ඉක්මවූ යුවළකට එවැනි විශාල නිදන කාමරයක් අත්යවශ්යම නොවනු ඇත. මෙම ප්රමාණයන් කෙරෙහි බලපාන අනෙකුත් කාරණය වන්නේ එම කාමරයට ඇතුලත් කරනු ලබන ගෘහ භාණ්ඩවල පරිමාණය හා වර්ගය. සාමන්යයෙන් ඇදක දිග පළල එකිනෙකට වෙනස් වන අතර තමන්ට අවශ්ය වන ප්රමාණය ද එය ලබා ගැනීමට ඔබ උත්සුක විය යුතුය.
ගෘහ භාණ්ඩ
වර්තමානයේ Master Bedroom මෙහි තබන ගෘහ භාණ්ඩ අතරට නිදන ඇද දරුවන්ගේ ඇද, කෝට් එක, අල්මාරිය, මේසයක්, පුටුවක්, සෝෆා, කණ්නාඩියක්, Dressing Table වැනි අයිතමයන් දැකගත හැකිය.
මීට අමතරව ඇඳුම් දැමීම සදහා rack එකක් ද තිබෙන අතර සමහර අවස්ථාවල Chest of Drawers දක්නට පුළුවන. මෙවැනි අයිතමයන් විශාල වශයෙන් කාමරේ තුළ තැබීමෙන් බොහෝ විට අවහිරතා ඇතිවීමට ඉඩකඩ ඇත.
ඇඳ ඇතිරිලි
ඇඳ ඇතිරිලි දැන් වීමේ දී සුදුසු වර්ණ සහිත රෙදි භාවිතා කළ යුතුය. විවිධාකාර වූ ගොරහැඩි ඇඳ ඇතිරිලි භාවිතා කිරීම නොකල යුතුය. විවිධ මනස විකාර කරුණු ලබන රූප සහිත ඇඳ ඇතිරිලි නුසුදුසුය. විශේෂයෙන් මානසික ආබාධිත ළමුන් සිටින නිවාසවල මේ කෙරෙහි දැඩි සැලකිල්ලක් දැක්විය යුතුය. තද වර්ණ සහිත විවිධ හැඩතල යෙන් යුත් මෝස්තර වලින් සමන්විත ඇඳ ඇතිරිලි මේ අනුව අහිතකර බව සැලකිල්ලට ගත යුතුය.
පිරිසිදුකම
විශාල වශයෙන් ගෘහ භාණ්ඩ තබා ගැනීම නිසා පිරිසිදුකම පවත්වා ගැනීමට අපහසුවක් විය හැකිය. ඒවා යට ශුද්ධ පවිත්ර කිරීමට අපහසු වීම නිසා දිනෙන් දින කල් යෑමෙන් දූවිලි මෙන්ම කුණු විශාල වශයෙන් ගොඩගැසීම ඔබේ සෞඛ්යය තත්වයන් අඩාල කිරීමට හේතු වේ. එම නිසා තමන්ට අවශ්ය ප්රමාණය තබා ගැනීමටත් අයිතමයන්ගේ ප්රමාණයට අනුව කාමර විශාල කර ගැනීමටත් ඔබ උත්සාහ කර ගත යුතුය.
නාන කාමරය
වර්තමානයේ බොහෝ නිවාසවල ප්රධාන නිදන කාමරයට අල්ලා නාන කාමරය ඉදි කිරීමක් දක්නට පුළුවන. එහි කිසිදු වරදක් නැත. එහෙත් එහි පවත්නා දුර්ගන්ධයන් ඉක්මනින් ඉවත් කර ගැනීම සඳහා ෆෑන් ලයිට් නිසි පරිදි තබා ගැනීමට වග බලා ගත යුතුය.
තවත් දොරක්
කාමරයක් සඳහා සාමාන්යයෙන් දොරක් පමණක් පිහිටුවීම සිදු කෙරේ. අවශ්යතාවයන් පරිදි නිදන කාමරයෙන් පිටතට තවත් දොරක් තබාගැනීම වැඩදායකය වාසි සහගතය. තම නිදන කාමරය රෙදිපිළි අවුවට දැමීමට මෙන්ම තම නාමය කාමරය භාවිතා කිරීමෙන් පසු තමන්ගේ තුවා ආදිය ඉක්මනින් අවුවට දැමීම සඳහා මෙම දොර පාවිච්චි කළ හැකිය. තවද මෙම දොර සකස් කිරීමේදී කොටස් දෙකකට සකස් කර ගතහොත් බොහෝවිට උදෑසන අවදි ව කටයුතු කරන තම බිරිඳට වැඩ ඉවර කොට සවස් වරුවෙහි පොඩි නින්දට යෑමට මෙමගින් අවස්ථාව සලසා දිය හැකිය. එහිදී එම දොරෙහි උඩ කොටස පමණක් විවෘත කොට අහ ලෝකය සහ නැවුම් වාතාශ්රය කාමරයට ලැබීම තුළින් සෞඛ්ය සම්පන්න නින්දකට අවකාශය සැලසිය හැක.
කැටයම්
බොහෝ නිවාස වල භාණ්ඩයන්හි කැටයම් සිදු කර ඇත. කැටයම් සහිත ගෘහ භාණ්ඩ මිලදී ගැනීමේදී ඔබ වඩාත් සැලකිල්ලක් දැක්විය යුතුය. කිසිවිටක භයානක රූප සහිත විකෘති රූප සහිත ගෘහ භාණ්ඩ මිලදී නොගත යුතුය. එවැනි බොහෝවිට වර්තමානයේ පවතින නිසා ඇඳ අල්මාරි වැනි විශේෂ ගෘහ භාණ්ඩ වල දී ඔබේ අවධානය යොමුවිය යුතුය.
ජනෙල් රෙදි
නිවසක අලංකාරය ගෙන දීමට ජනෙල් රෙදි ද උපකාරි වේ. මෙහිදී විශේෂයෙන් නිදන කාමර වැදගත් වනු ඇත. දොර ජනෙල් රෙදි තේරීමේදී ඝනකමකින් යුක්ත රෙදි තෝරා ගැනීමට උත්සාහ කළ යුතුය. අධික හිරු එළිය ලැබෙන ස්ථානයකදී මෙන්ම හිරු එලිය අඩු ස්ථානයකදී ජනෙල් රෙදි තේරීමේදී ඔබ විශේෂයෙන් සැලකිල්ලක් දැක්විය යුතුය.
ජනෙල් රෙදි තේරීම, පොළොවේ ටයිල් වල වර්ණය, ගෘහ භාණ්ඩ වල වර්ණය, බිත්ති වල වර්ණය හා සිවිලිමෙ වර්ණය කෙරෙහි ද අවධානය යොමු කළ යුතුය.
වර්ණ
නිවසකට වර්ණ ඉතා වැදගත් වේ. ඒ තුළින් නිවසේ ශක්තිය අඩු හෝ වැඩි කිරීමට හැකියාවක් ඇත. වර්ණ වලට එම ගුණය පිහිටා ඇති නිසා ඔබගේ කැමැත්ත, හිරු එළිය සහ විශාලත්වය යනාදී කරුණු කෙරෙහි අවධානය යොමු කරමින් වර්ණය තෝරා ගත යුතුය. නිදන කාමර සඳහා ඉතාම සැහැල්ලු තද නොවන වර්ණයන් යොදා ගත යුතුය.
Tiles
තද වර්ණ සහිත ටයිල් කිසිවිටකවත් නිවසකට සුදුසු නැත. ප්රධාන නිදන කාමරය සඳහා ළා වර්ණයෙන් යුත් ටයිල් ඉතාම ප්රයෝජනවත් වේ. නිවස අඳුරු පැහැයෙන් ගලවා ගැනීමට ටයිල් වලට හැකියාව ඇත.
විවිධ වර්ණ සහිත විවිධ කැටයම් සහිත ටයිල් නුසුදුසු වන අතර හැකි පමණ වර්ග ප්රමාණයෙන් ඉහළ ටයිල් යොදා ගැනීම නිසා ඔබට ශුද්ධ කිරීමට ගතවන කාලයත් අඩු කරගැනීමට හැකියාව ලැබේ. සුදු වර්ණය, cream, Lilly white, ලා රෝස පාට ඉතාම සුදුසුය.
වහල හෝ ස්ලැබ්
තම නිවසේ කාමර ඉහලින් යන වහලය රැඳවීම සඳහා යොදනු ලබන යටලී බාල්ක කිසිවිටකත් තමන්ගේ හිසට උඩින් නොයන පරිදි තමන්ගේ ඇද තබාගත යුතුය. තවද තම හිස උතුරු දිශාවට වැටෙන පරිදි ඇඳ තබා ගෙන නිදා ගැනිම නොකළ යුතුය. මන්ද උතුරු දිශවේ චුම්භක ශක්තිය ඉහළ බැවින් එය ශරීරයට අහිතකර බව විද්යාත්මකව සොයාගෙන ඇත.
ප්රධාන නිදන කාමරය සඳහා විදුලි ලාම්පු සැකසීමේදී රාත්රීයට නිසී ආලෝකයක් ලැබෙන විදුලි ලාම්පු සකස් කිරීම සුදුසුය. වර්තමානයේ බොහෝ විට සිවිලිමට ලාම්පු ඇල්ලීම වෙනුවට බිත්තියෙහි ඇල්ලීම බොහෝ විට සිදු කරනු ලැබේ.
සිවිලිම
නිදන කාමරයේ සිවිලිම ඉතාම සැහැල්ලු විය යුතුය. එය අඳුරු වර්ණයෙන් වර්ණවත් නොකළ යුතුය. එමෙන්ම සවිශක්තිය යුක්ත විය යුතුය.
කාමරේ එල්ලන පින්තූර
නිවසක අලංකාරය සඳහා පින්තූර එල්ලිම අතීතයේ සිට පැවත එන සිරිතකි. එහෙත් ඒවා සෘණාත්මක සිතුවිලි නැගෙන පින්තූර නොවිය යුතුය. ධනාත්මක පින්තූර වාසනාවන්ත පින්තූර ලෙස හැඳින්වේ. ස්වභාවික සෞන්දර්ය මතුකරන, එහි අර්ථයන් කියාපාන ශක්තියෙහි මව වන, හිරු නැගීම අදාල වූ පින්තූර ධනාත්මක පින්තූර ලෙසට ගැනේ. තාම අවශ්යතාවයන් පරිදි කුඩා ළමුන්ගේ පින්තූර එල්ලීමත් තම මංගල ඡායාරූප නිසි පරිදි එල්ලීමත් තබාගැනීමටත් ඔබට හැකියාව ඇත.
නුසුදුසු පින්තූර හා ප්රතිමා
කිසිවිටෙක ඊජිප්තුවේ මමී පින්තූර හෝ ඒ ආශ්රිත කලාවන් නිවසකට සුදුසු නැත. ප්රධාන නිදන කාමරයට ඉතාම අහිතකරය. ඒවා වෙනත් බලවේගයන් සමග ගනුදෙනු කරන නිසා තමාට ඉන් වන අහිතකර බලපෑම ඉතා ඉහළය.
තාක්ෂණික උපකරණ
මෙහිදී විශේෂයෙන්ම ඔබ දැනුවත් වී ඇති පරිදි geopathic stress සම්බන්ධයෙන් යම් සැකයක් තිබේ නම් එම ස්ථානයේ ඒ මත ඇඳ තැබීමෙන් වැලකිය යුතුය.
මාස්ටර් රූම් එක තුළ ඉලෙක්ට්රොනික තරංග නිකුත් කරන උපකරණ තබාගැනීම ඔබේ ශරීර සෞඛ්යයට හානිකර ය. මේවා අතරට ටෙලිවිෂනය රැහැන් රහිත දුරකතන රවුටර්ස්, display වැනි අංගයන් ඇතුලත් වේ. මේ නිසා සෞඛ්යය තත්වය පිරිහෙන බව විද්යාත්මකව පිළිගෙන තිබේ.
අවසානය
සරල අලංකාර ලස්සන නිදන කාමරයක් සකස් කර ගැනීම ඔබගේ මූලික අරමුණ කරගතහොත් ඒ තුළින් තමන්ගේ සෞඛ්ය තත්ත්වයන්ද ඉහළ නංවා ගැනීමට ඔබට හැකියාවක් තිබෙන බව මින් පැහැදිලි වනු ඇත. සන්සුන් භාවය නිදහස් බව තම කාමරය තුළ රජ කරවීම ඔබගේ හැකියාව මත පවතී.
Visit Our Blogger Post - https://vastulanka.com/wp/
