https://www.facebook.com/112873320615472/

Tech Insider, Phnom Penh (2026)

16/05/2026

រថភ្លើងដឹកទំនិញបុករថយន្តក្រុងនៅបាងកក ស្លាប់យ៉ាងហោចណាស់ ៨នាក់ និងមានអ្នករងរបួសជាង២០នាក់!

មនុស្សយ៉ាងហោចណាស់ ៨នាក់បានស្លាប់ និងជាង២០នាក់រងរបួស បន្ទាប់ពីរថភ្លើងដឹកទំនិញបុករថយន្តក្រុងសាធារណៈមួយគ្រឿង នៅទីក្រុងបាងកក ប្រទេសថៃ កាលពីរសៀលថ្ងៃទី១៦ ឧសភា ២០២៦ នេះបើយោងតាមការរាយការណ៍របស់ Reuters និង AP។

ហេតុការណ៍នេះកើតឡើងប្រហែលម៉ោង ៣:៤០ រសៀល ម៉ោងកម្ពុជា នៅលើផ្លូវ Asok-Din Daeng ជិតស្ថានីយ Makkasan របស់ Airport Rail Link។ The Nation Thailand រាយការណ៍ថា ការបុកគ្នានេះបណ្ដាលឱ្យរថយន្តក្រុងឆេះ និងប៉ះពាល់ដល់រថយន្តឯកជន ព្រមទាំងម៉ូតូជាច្រើននៅកន្លែងកើតហេតុ។

AP បានរាយការណ៍ដោយយោងមជ្ឈមណ្ឌលវេជ្ជសាស្ត្របន្ទាន់ Erawan ថា មានមនុស្សស្លាប់យ៉ាងហោចណាស់ ៨នាក់ និងអ្នករងរបួសជាង២០នាក់។ Reuters រាយការណ៍ថា ចំនួនអ្នករងរបួសមាន ២៥នាក់ ដោយក្រុមសង្គ្រោះ និងពន្លត់អគ្គិភ័យបានចូលជួយជនរងគ្រោះ និងគ្រប់គ្រងភ្លើងនៅកន្លែងកើតហេតុ។

តាម The Nation Thailand ក្រុមមន្រ្តីបានមកដល់កន្លែងកើតហេតុប្រហែលម៉ោង ៣:៥១ រសៀល ហើយស្ថានការណ៍ត្រូវបានគ្រប់គ្រងនៅប្រហែលម៉ោង ៣:៥៩ រសៀល។ ប៉ូលិស និងអាជ្ញាធរពាក់ព័ន្ធបានបិទតំបន់សម្រាប់សុវត្ថិភាព ដើម្បីស៊ើបអង្កេតមូលហេតុ កំណត់អត្តសញ្ញាណជនរងគ្រោះ និងប្រមូលភស្តុតាង។

មូលហេតុពិតប្រាកដនៃការបុកគ្នានេះ មិនទាន់ត្រូវបានបញ្ជាក់ជាផ្លូវការនៅឡើយទេ។

ប្រភព
Reuters, AP, The Nation Thailand, Bangkok Post.

11/05/2026

ថាក់ស៊ីន ត្រូវបានដោះលែង តែមិនទាន់មានសេរីភាពពេញលេញទេ!

លោក ថាក់ស៊ីន ស៊ីណាវ៉ាត្រា ត្រូវបានដោះលែងពីពន្ធនាគារក្លងព្រេម នៅព្រឹកថ្ងៃទី១១ ឧសភា ២០២៦។ Reuters រាយការណ៍ថា ការដោះលែងនេះធ្វើឡើងក្រោមលក្ខខណ្ឌនៃការដោះលែងមុនកំណត់ ខណៈAP អះអាងថា លោកថាក់ស៊ីន នឹងត្រូវពាក់ឧបករណ៍តាមដានអេឡិចត្រូនិក (EM)។
អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា ត្រូវបានដោះលែងពីពន្ធនាគារក្លងព្រេម ក្នុងទីក្រុងបាងកក នៅព្រឹកថ្ងៃចន្ទ ទី១១ ឧសភា ២០២៦ បន្ទាប់ពីជាប់ពន្ធនាគារប្រហែល៨ខែ។
តាម AP ក្រសួងយុត្តិធម៌ និងនាយកដ្ឋានពន្ធនាគារថៃបានអនុម័តការដោះលែងនេះ ដោយយោងលើអាយុរបស់លោក ថាក់ស៊ីន ការបំពេញលក្ខខណ្ឌជាប់ទោស និងការវាយតម្លៃហានិភ័យ។ លោកត្រូវពាក់ឧបករណ៍តាមដានអេឡិចត្រូនិក ឬ EM ហើយស្ថិតក្រោមការត្រួតពិនិត្យរយៈពេលបន្ត។
លោក ថាក់ស៊ីន អាយុ៧៦ឆ្នាំ បានត្រឡប់ទៅប្រទេសថៃក្នុងឆ្នាំ២០២៣ បន្ទាប់ពីរស់នៅនិរទេសខ្លួនជាច្រើនឆ្នាំ។ គាត់ធ្លាប់ត្រូវបានផ្តន្ទាទោស៨ឆ្នាំ ពាក់ព័ន្ធនឹងករណីអំពើពុករលួយ និងការបំពានអំណាច ប៉ុន្តែទោសត្រូវបានបន្ថយមក១ឆ្នាំដោយព្រះរាជទានអភ័យទោស។ កាលពីឆ្នាំ២០២៥ តុលាការកំពូលថៃបានសម្រេចថា ពេលវេលាដែលគាត់ស្នាក់នៅមន្ទីរពេទ្យមិនអាចរាប់ជាពេលជាប់ពន្ធនាគារបានទេ។
ការដោះលែងនេះកើតឡើងខណៈនយោបាយថៃនៅតែមានភាពរសើបជុំវិញគ្រួសារស៊ីណាវ៉ាត្រា និងគណបក្សភឿថៃ។ នៅខាងក្រៅពន្ធនាគារ មានក្រុមអ្នកគាំទ្រមកស្វាគមន៍ ប៉ុន្តែការវិលត្រឡប់របស់លោក ថាក់ស៊ីន នៅតែស្ថិតក្រោមការតាមដានយ៉ាងជិតស្និទ្ធពីសាធារណជន។
ប្រភព: Reuters, AP, Thai PBS, Thairath

09/05/2026

ឡាវ កំពុងបង្កើនការបង្ក្រាបបណ្តាញឆបោក Online Scam!

ប៉ូលិសឡាវបានផ្ទេរជនសង្ស័យ ៦០៥នាក់ ពាក់ព័ន្ធករណីឆបោកតាមកុំព្យូទ័រ ពីខេត្តសុវណ្ណាខេត ទៅកាន់រដ្ឋធានីវៀងចន្ទន៍ កាលពីល្ងាចថ្ងៃទី៧ ខែឧសភា ឆ្នាំ២០២៦។ នេះបើយោងតាមការរាយការណ៍របស់ The Laotian Times និងប្រភពព័ត៌មានសន្តិសុខឡាវ។
តាមព័ត៌មានដំបូង អាជ្ញាធរឡាវបានចុះប្រតិបត្តិការនៅមជ្ឈមណ្ឌលមួយក្នុងខេត្តសុវណ្ណាខេត ដែលត្រូវបានសង្ស័យថាពាក់ព័ន្ធនឹងសកម្មភាពឆបោកអនឡាញ។ ប្រភពឡាវបានអះអាងថា ជនសង្ស័យមានច្រើនសញ្ជាតិ រួមមានចិន ថៃ កម្ពុជា មីយ៉ាន់ម៉ា វៀតណាម តៃវ៉ាន់ ម៉ាឡេស៊ី និងកូរ៉េខាងត្បូង។ ទោះយ៉ាងណា ព័ត៌មានអំពីតួនាទីជាក់លាក់របស់មនុស្សនីមួយៗ និងចំនួនតាមសញ្ជាតិមិនទាន់មានការបញ្ជាក់ឯករាជ្យពីសារព័ត៌មានអន្តរជាតិធំៗនៅឡើយ។
ករណីនេះកើតឡើងក្នុងបរិបទដែលឡាវកំពុងបង្កើនការប្រយុទ្ធប្រឆាំងបណ្តាញឆបោកអនឡាញ។ សារព័ត៌មាន Xinhua បានរាយការណ៍ថា ឡាវបានបើកដំណើរការមជ្ឈមណ្ឌលប្រឆាំងការឆបោកអនឡាញនៅចុងឆ្នាំ ២០២៥ ដើម្បីពង្រឹងការសម្របសម្រួលរវាងអាជ្ញាធរ និងខេត្តនានា។
អាជ្ញាធរឡាវនៅមិនទាន់ប្រកាសលម្អិតអំពីការចោទប្រកាន់ផ្លូវការ ឬដំណើរការផ្លូវច្បាប់បន្ទាប់នៅឡើយ៕

09/05/2026

ក្រុមសង្គ្រោះជាង១០០នាក់ កំពុងបើកប្រតិបត្តិការស្វែងរកអ្នកឡើងភ្នំ ៣នាក់ ខណៈភ្នំភ្លើង Dukono នៅតែបន្តសកម្មភាពផ្ទុះ!

នៅថ្ងៃសៅរ៍ ទី៩ ឧសភានេះ អាជ្ញាធរឥណ្ឌូណេស៊ីបានបន្តប្រតិបត្តិការស្វែងរកអ្នកឡើងភ្នំ ៣នាក់ បន្ទាប់ពីភ្នំភ្លើង Dukono លើកោះ Halmahera ខេត្ត North Maluku ផ្ទុះកាលពីថ្ងៃសុក្រ។
យោងតាម Reuters ភ្នំភ្លើងបានផ្ទុះនៅម៉ោង ០៧៖៤១ព្រឹក(ម៉ោងក្នុងតំបន់) ដោយបញ្ចេញផេះឡើងខ្ពស់ប្រហែល ១០គីឡូម៉ែត្រ។ ប្រតិបត្តិការស្វែងរកត្រូវបានផ្អាកមួយរយៈដោយសារសកម្មភាពភ្នំភ្លើងនៅតែបន្ត ប៉ុន្តែត្រូវបានបន្តវិញជាមួយកម្លាំងសង្គ្រោះ យោធា និងប៉ូលិសជាង ១០០នាក់ ព្រមទាំងដ្រូនចាប់កម្តៅ។
អ្នកបាត់ខ្លួនត្រូវបានរាយការណ៍ថា មានជនជាតិសិង្ហបុរី ២នាក់ និងជនជាតិឥណ្ឌូណេស៊ី ១នាក់។ Reuters រាយការណ៍ថា អ្នកឡើងភ្នំ ១៧នាក់ត្រូវបានជួយសង្គ្រោះ។ AP រាយការណ៍ថា អ្នកឡើងភ្នំ ៣នាក់បានស្លាប់ ប៉ុន្តែ Reuters បានបញ្ជាក់ថា នៅពេលនោះភ្នាក់ងារសង្គ្រោះមិនទាន់បញ្ជាក់របាយការណ៍ស្លាប់ទាំងនោះទេ។
ទីភ្នាក់ងារភ្នំភ្លើងឥណ្ឌូណេស៊ីបានព្រមានប្រជាពលរដ្ឋ និងភ្ញៀវទេសចរឱ្យជៀសវាងសកម្មភាពនៅក្នុងរង្វងចម្ងាយ ៤គីឡូម៉ែត្រពីពីមាត់ភ្នំភ្លើង Dukono។
ប្រភព: Reuters, AP, CNA, PVMBG/អាជ្ញាធរឥណ្ឌូណេស៊ី

07/05/2026

សម្តេចបវរធិបតី និងស្ត្រីទី១កម្ពុជា ទៅដល់ទីក្រុងសេប៊ូដោយសុវត្ថិភាព!

នៅរសៀលថ្ងៃព្រហស្បតិ៍ ទី៧ ខែឧសភា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត រួមជាមួយនឹងភរិយា បានដឹកនាំគណៈប្រតិភូរាជរដ្ឋាភិបាលកម្ពុជា មកដល់អាកាសយានដ្ឋាន MCIA General Aviation (Gen-Av) ទីក្រុងសេប៊ូ ប្រទេសហ្វីលីពីន ដោយបានការទទួលស្វាគមន៍ពីសំណាក់ ឯកឧត្តម Francisco Tiu Laurel Jr. រដ្ឋមន្ត្រីកសិកម្មហ្វីលីពីន។

សូមជម្រាបថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដឹកនាំគណៈប្រតិភូរាជរដ្ឋាភិបាលកម្ពុជា អញ្ជើញចូលរួមកិច្ចប្រជុំកំពូលអាស៊ានលើកទី៤៨ និងកិច្ចប្រជុំកំពូលពាក់ព័ន្ធ ចាប់ពីថ្ងៃទី០៧ ដល់ថ្ងៃទី០៨ ខែឧសភា នៅទីក្រុងសេប៊ូ ប្រទេសហ្វីលីពីន”៕

07/05/2026

ជុំវិញរឿងទុរេនដែលកំពុងផ្ទុះការវែកញែក សម្តេចតេជោ ហ៊ុន សែន មានប្រសាសន៍ថា សម្តេចជាអ្នកកំពង់ចាម ទុរេនកំពង់ចាម មិនទាន់មានលទ្ធភាពផ្គត់ផ្គង់ទៅបាត់ដំបងនោះទេ។
តាកែវ ០៧ ឧសភា ២០២៦

07/05/2026

65- WHO ពង្រីកការតាមដានអ្នកដំណើរតាមយន្តហោះ បន្ទាប់ពីផ្ទុះHantavirus លើនាវា MVHondius សម្លាប់មនុស្ស ៣នាក់។

នាវាទេសចរណ៍ដែលមានមនុស្សជាង ២០០នាក់ (អ្នកដំណើរនិងបុគ្គលិក) ដែលកំពុងធ្វើដំណើរលើមហាសមុទ្រអាត្លង់ទិចត្រូវបានដាក់ក្រោមការ ត្រួតពិនិត្យចតាលីស័ក្ត ខណៈអាជ្ញាធរអន្តរជាតិកំពុងស៊ើបអង្កេតប្រភពឆ្លងនិងតាមដានអ្នកប៉ះពាល់ដោយផ្ទាល់។

ជាក់ស្តែង អង្គការសុខភាពពិភពលោក WHO និងអាជ្ញាធរសុខាភិបាលជាច្រើនប្រទេស កំពុងតាមដានករណីជំងឺ hantavirusដែលពាក់ព័ន្ធនឹងនាវាទេសចរណ៍ MV Hondius បន្ទាប់ពីមានអ្នកស្លា.ប់៣នាក់និងអ្នកជំងឺបញ្ជាក់ ឬសង្ស័យជាច្រើនករណី។

ប្រភពពី WHO អោយដឹងថា ក្រុមអ្នកដំណើរដែលមានជំងឺផ្លូវដង្ហើមធ្ងន់ធ្ងរលើនាវា ត្រូវបានរាយការណ៍តាមថ្ងៃទី ២ ឧសភា ២០២៦។គិតត្រឹមថ្ងៃទី ៤ ឧសភា WHO បានកត់ត្រា ៧ ករណី ក្នុងនោះ២ករណីបញ្ជាក់ដោយមន្ទីរពិសោធន៍ និង ៥ ករណីសង្ស័យ។ AP រាយ
ការណ៍បន្ថែមថា ចំនួនករណីដែលបានកើនដល់៨ករណី ក្នុងនោះ ៥ករណីបញ្ជាក់ដោយមន្ទីរពិសោធន៍។

គួររម្លឹកដែរថាករណីដែលធ្វើអោយភ្ញាក់ផ្អើលខ្លាំង គឺដោយសារករណីស្ត្រីម្នាក់ដែលបានទៅដល់Saint Helena ជាមួយសា.ក.ស.ពស្វាមីរបស់នាង។ នាងមានរោគសញ្ញាពោះវៀននៅថ្ងៃទី២៤ មេសា ហើយស្ថានភាពសុខភាពនាងខ្សោយទៅៗ នៅលើយន្តហោះធ្វើដំណើរទៅទីក្រុង Johannesburg រហូតចូលដល់ថ្ងៃទី ២៥ មេសានាងក៏បានទទួលមរណៈភាព ត្រឹមតែប៉ុនន្មានថ្ងៃប៉ុណ្ណោះ។ លទ្ធផលបន្ទាប់មកបានបញ្ជាក់ថានាងវិជ្ជមាន hantavirus ដែលនាំឱ្យក្រុមអ្នកជំនាញពង្រីការតាមដាន ទ្រង់ទ្រាយធំទៅលើអ្នកដំណើរទាំងអស់ដែលជិះលើយន្តហោះជាមួយស្ត្រីរូបនេះ៕

ប្រភព៖WHO Disease Outbreak News

06/05/2026

64- ថៃ យក គំរូតាមកម្ពុជា ដោយដាក់ផែនការបង្ក្រាបក្រុម Online Scam ជាអាទិភាព ដើម្បីស្តារកេរ្តិ៍ឈ្មោះ។

រដ្ឋាភិបាល លោក Anutin និយាយថា បានបង្កកទ្រព្យជាង ២០ពាន់លានបាត និងពង្រីកកិច្ចសហការជាមួយអាមេរិកប្រឆាំងឧ.ក្រិដ្ឋកម្មអនឡាញ។ការស៊ើបអង្កេតក៏ត្រូវបានពង្រីកទៅក្រុមផ្សេងទៀតដែលត្រូវបានសង្ស័យថាប្រើថៃជាមូលដ្ឋានសម្រាប់លាងលុយ។

រដ្ឋាភិបាលថៃ បានដាក់ការបង្ក្រាបបណ្ដាញឧ.ក្រិដ្ឋ.កម្មឆ្លងដែន ជារបៀបវារៈជាតិ ខណៈបញ្ហាបោកប្រាស់អនឡាញ និងការជួញដូរមនុស្សកំពុងក្លាយជាប្រធានបទសំខាន់ក្នុងតំបន់អាស៊ីអាគ្នេយ៍។

បើតាមអ្នកនាំពាក្យការិយាល័យនាយករដ្ឋមន្ត្រីថៃ អោយដឹងថា លោក Anutin Charnvirakul បានប្រកាសក្នុងសេចក្តីថ្លែងការណ៍គោលនយោបាយទៅរដ្ឋសភាថា ការបង្ក្រាបបណ្ដាញឧ.ក្រិ.ដ្ឋកម្មឆ្លងដែន និងក្រុមបោកប្រាស់អនឡាញ គឺជាអាទិភាពជាតិ៕

ប្រភព៖ en.vietnamplus.vn

06/05/2026

63- ក្រោយកម្ពុជាមានព្រលានធំហើយទំនើប ថៃ ជះលុយវិនិយោគជាង៨០ពាន់លានបាត ពង្រីកព្រលានយន្តហោះធំៗ របស់ខ្លួន។

គម្រោងសំខាន់ៗនៅ Suvarnabhumi, Don Mueang និង Phuket ត្រូវបានដាក់ជាផ្នែកនៃផែនការជំរុញថៃឱ្យក្លាយជាមជ្ឈមណ្ឌលអាកាសចរណ៍តំបន់របស់ប្រទេសថៃផងដែរ។

ថៃកំពុងរៀបចំផែនការវិនិយោគប្រហែល ៨០ពាន់លានបាត ក្នុងរយៈពេល ៥ឆ្នាំ ដើម្បីពង្រីកសមត្ថភាពព្រលានយន្តហោះសំខាន់ៗ ខណៈតម្រូវការធ្វើដំណើរតាមអាកាសកំពុងកើនឡើងវិញ និងរដ្ឋាភិបាលចង់ជំរុញប្រទេសឱ្យក្លាយជាមជ្ឈមណ្ឌលអាកាសចរណ៍ក្នុងតំបន់។

បើយោងតាម សារព័ត៍មានក្នុងស្រុកថៃ លោក Phiphat Ratchakitprakarn រដ្ឋមន្ត្រីក្រសួងដឹកជញ្ជូនថៃ បានណែនាំឱ្យអាជ្ញាធរដែលពាក់ព័ន្ធពន្លឿនផែនការពង្រីកព្រលានយន្តហោះ និងរៀបចំសំណើសម្រាប់ការអនុម័តពីគណៈរដ្ឋមន្ត្រី។

គម្រោងដំបូងដែលត្រូវបានរំពឹងថានឹងដំណើរការក្នុងឆ្នាំនេះ គឺការពង្រីកផ្នែកខាងកើតនៃព្រលានយន្តហោះ Suvarnabhumi ដែលមានតម្លៃប្រហែល ១២ពាន់លានបាត។ ការដេញថ្លៃត្រូវបានរំពឹងថានឹងធ្វើឡើងនៅចុងឆ្នាំនេះ ហើយការសាងសង់អាចចាប់ផ្តើមនៅដើមឆ្នាំ ២០២៧ ដោយមានគោលដៅបើកប្រើប្រាស់នៅឆ្នាំ ២០៣០។

យ៉ាងណាមិញ អាជ្ញាធរដែលពាក់ព័ន្ធ ក៏កំពុងជំរុញគម្រោងពង្រីកដំណាក់កាលទី៣ របស់ព្រលាន Don Mueang ដែលថវិកាបានកើនឡើងដល់ប្រហែល ៦៩ពាន់លានបាត ដោយប្រហែល ៣០ពាន់លានបាតនឹងប្រើក្នុងដំណាក់កាលដំបូង រួមទាំងស្ថានីយអ្នកដំណើរថ្មីផងដែរ៕

ប្រភព៖ u.s. international trade administration

06/05/2026

62- ចេញពីចិត្តឬអត់? ថៃ ប្រកាសក្តែងៗ ស្វាគមន៍ជំហានកម្ពុជាទៅ UNCLOS ក្រោយបញ្ចប់ MOU 44 ដោយឯកតោភាគី

នាយករដ្ឋមន្ត្រីថៃ លោក អានុទីន ឆានវីរៈគុល បានស្វាគមន៍ជំហានរបស់កម្ពុជា ក្នុងការប្រើយន្តការ “សម្រុះសម្រួលជាកាតព្វកិច្ច” ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ ឬ UNCLOS បន្ទាប់ពីថៃ សម្រេចបញ្ចប់អនុស្សរណៈឆ្នាំ 2001 ដែលថៃហៅថា MOU 44។

បើតាម Khaosod English លោក អានុទីនបាននិយាយនៅថ្ងៃពុធថា មុននេះប្រទេសទាំងពីរដំណើរការក្រោមក្របខណ្ឌខុសគ្នា ប៉ុន្តែបន្ទាប់ពីថៃលែងមាន MOU 44 ការចរចាបន្តទៅមុខត្រូវតែមានច្បាប់ និងក្របខណ្ឌថ្មីដែលភាគីទាំងពីរព្រមព្រៀងរួមគ្នា។

យ៉ាងណាមិញ Reuters រាយការណ៍ថា រដ្ឋាភិបាលថៃ បានបញ្ចប់អនុស្សរណៈដែលបានចុះហត្ថលេខាជាមួយកម្ពុជាកាលពីឆ្នាំ 2001 ដើម្បីដោះស្រាយតំបន់ទាមទារតំបន់ត្រួតស៊ីគ្នានៅឈូងសមុទ្រថៃ និងបើកផ្លូវសម្រាប់ការគ្រប់គ្រងធនធានសមុទ្ររួមគ្នា។ កិច្ចព្រមព្រៀងនេះបានជាប់គាំងជាច្រើនឆ្នាំ ដោយមិនមានវឌ្ឍនភាពសំខាន់៕
ប្រភព៖ Reuters

ភាគីកម្ពុជា សម្តែងការសោកស្តាយចំពោះការសម្រេចរបស់ថៃ។ រដ្ឋមន្ត្រីការបរទេសកម្ពុជា លោក ប្រាក់ សុខុន បាននិយាយថា កម្ពុជានឹងប្រើយន្តការ UNCLOS ដើម្បីស្វែងរកដំណោះស្រាយដោយសន្តិវិធី និងស្របតាមច្បាប់អន្តរជាតិ។
ប្រភព៖ Reuters

05/05/2026

ផ្អើលឆ្នេរប៉ាតាយ៉ា! បុរសថៃម្នាក់ រងការវា.យ.ប្រ.ហារ ដោយសារណែនាំភ្ញៀវបរទេសកុំឱ្យជក់កញ្ឆាតាមទីសាធារណៈ

ករណីជម្លោះមួយបានកើតឡើងនៅឆ្នេរប៉ាតាយ៉ា ខេត្តឈុនបុរី កាលពីថ្ងៃទី៤ ខែឧសភា ឆ្នាំ២០២៦ បន្ទាប់ពីភ្ញៀវបរទេសម្នាក់ត្រូវបានរាយការណ៍ថា បានវាយប្រហារបុរសថៃម្នាក់ ដែលបានណែនាំគាត់កុំឱ្យជក់កញ្ឆានៅទីសាធារណៈ។

ប្រភពដដែលបន្តថា បន្ទាប់ពីបុរសជនជាតិថៃ ណែនាំបុរសបរទេសរូបនោះរួច គាត់ក៏ងាកត្រឡប់ទៅតុអាហារញ ហើយស្រាប់តែត្រូវភ្ញៀវបរទេសនោះបានចូលមកវាយពីក្រោយ ទើបបង្កឱ្យមានការប្រ.តាយប្រតប់។
សាក្សីនៅកន្លែងកើតហេតុអះអាងថា មុនករណីនេះ ក៏ទើបតែមានក្រុមអ្នកញ៉ាំអាហារថៃមួយក្រុមផ្សេងទៀតក៏បានណែនាំភ្ញៀវបរទេសដដែលរូបនេះ ហើយក៏ត្រូវគាត់វា.យ.ប្រហារដូចគ្នា។

ប៉ូលីសក្រុងប៉ាតាយ៉ាបានចូលអន្តរាគមន៍យ៉ាងឆាប់រហ័ស ដើម្បីបញ្ឈប់ស្ថានការណ៍ និងបំបែកភាគីទាំងពីរ។ ទោះយ៉ាងណា ព័ត៌មានអំពីអត្តសញ្ញាណ សញ្ជាតិរបស់ភ្ញៀវបរទេស ការចាប់ខ្លួន ឬការចោទប្រកាន់ផ្លូវការមិនទាន់ត្រូវបានបញ្ជាក់នៅឡើយទេ៕
ប្រភព៖ AP

Tech Insider

16/05/2026

11/05/2026

09/05/2026

09/05/2026

07/05/2026

07/05/2026

07/05/2026

06/05/2026

06/05/2026

06/05/2026

05/05/2026

Address

Website

Alerts

Shortcuts

Share