27/04/2020
INHLEMNA RAPTHLAK.
~Ebenezar Hmar
Buolmuol, Harangajao.
Tulai chu Technology an sang ta leiin mobile SMS WHATAPPS, MASSENGER hmangin ngaizawng hai le khom second tinin eiin hriet paw thei ta a. Inhma chun hieng ang hi ala um ve ngai naw a, Love Letter Post office a ei thawna, kar khat hnunga dam ei hmu phak cho hlaka, a hluthei em ema, mi hmu hawia khawm tiem ngam loin ek ina dam a rukin sakhmel hlim siu in ei tiem hlak a nih. Khang hunlai khan ngaizawng hmangaina le ringumna khawm kha alo det hle a nih. Tulai chu minutes tinin eiin hriet paw khawma inring hla na in ei sipa, ringumna ei thlasam hle an tah.
Nikhat chu post a thawn nekin BY HAND POST in ka ruolpa lekha thawn kan chawitira, ama chun ka lekhathawn chu hawngin, ka hming chu thai boin a hming a loin chuon el ta a. Ringum takin a lekha chu thlahni neka sei kalo nghak ngat ngata sienkhawm a dawnna hrim ka hmu ta naw lei chun an vangkhuoa a chanchin la ding chun kafe ta. Zana chun an ina kava lenga, ka chanchin mi hril pui ta nekin ka ruolpa chanchin ngawt chu ami hrilpui lem el ta, a ngaina ka hriet ta naw in ka buoisie vel el. Chuonga nihni ka cham hnung chun, abul bal khawm hril loin, "iem chanchin?" kati tawp a, "ieng chanchin am"? tiin ami sang/dawn chu hril ka hai ie. Chuphing chun, lekha thawn chu ava lak suoka, ka hri en chieng chu, ka lekhathawn chu ka lekhathawn ni ta lovin ka ruolpa lekhathawn a lovin chang lem ta a nih. A thu umdan chu iengkhawm ka hrilfie chuong nawh asan chu ka ruoltha ani tlat leiin.
Chuonglai zing chun nunghaknu chun, "ana kalo beisei tak chu nang ini a, sienkhawm i ruolpa ta dinga hma ilo lakpui el hi amak ka tih, i ruoltha ani leiin a tawng ka sel nuom naw a, "aw" kalo ti pek ani kha......a hang ti zet chu, ka mihriem lung pawng a suok țepa ana chu kalan sum hram hram a nih. Khuonu ruot eini chun lan tawng naw mei nim tiin kan threpui tah.
Inhlemna hi ruoltha inthawkin ana bika, eini na hriechiengtu, ei lainat le ei ruoltha takin an mizuk hlem chang hin chu eiin let bur el a nih. Asan chu iem? Ei ruoltha/ngainat an ni leiin an mi hlemna trawngkam kha mihaiin an lo ring hlak a nih. Ruoltha le ei ringzo tak haiin an mi hlem tluka rapthlak inhlemna hi um ngai naw nih.
27th April 2020.
