Club Leabhar Chorcaí

11/11/2018

19.30-20.30 | Gael-Taca | 6ú Nollaig

Teachtaireacht le Colin Ryan

Gearrscéalta a thiteann amach in Astráil an lae inniu. Tá casadh nó dhó le braith sna scéalta seo a choinneodh suim ionat go dtí an leathanach deiridh.

Le fáil ar €8 ó ionad Gael-Taca nó le hordú tríd an leabharlann (féach nasc).

Beimid ag teacht le chéile leis an gcnuasach seo a phlé Déardaoin an 6ú Nollaig ag 19.30

https://librariesireland.iii.com/iii/encore/record/C__Rb2714834__Steachtaireacht__Orightresult__U__X6?lang=eng&suite=def

08/10/2018

An-chuma ar an bhFéile atá á eagrú ag Club Leabhar Chois Fharraige an deireadh seachtaine seo - cainteanna, ceolchoirm, filíocht, gearrscéalaíocht agus imeachtaí na n-óg.

Tuilleadh eolas ar a leathanach nó ar http://www.clubleabharcf.dx.am/feile.html

23/09/2018

19.30-20.30 | Gael-Taca | 18ú Deireadh Fómhair

An Mianadóir - Jackie MacDonncha

Filleann Club Leabhar Chorcaí i ndiaidh briseadh an tsamhraidh agus leabhar tráthúil roghnaithe do chruinniú mí Dheireadh Fómhair.

Díríonn 'An Mianadóir' ar fear atá tagtha ar ais chuig a cheantar dúchais tar éis blianta a chaitheamh thar lear. Le himeacht na mblianta, ní aithníonn sé duine ar bith thart sa gceantar níos mó. Iadsan a raibh aithne orthu tá siad imithe ar shlí na fírinne. Ach an dream atá ina gcónaí san áit anois, an dream óg, go háirithe, amhrasach faoi.

Nuair a théann déagóir óg ar iarraidh, ní fada go mbítear réidh an milleán a chur ar an strainséir.

Mar is iondúil, tá cóipeanna den leabhar le fáil ó shiopa Ghael-Taca nó is féidir teacht air sa leabharlann (nasc thíos).

librariesireland.iii.com/iii/encore/record/C__Rb3558730__Smianadóir__Ff:facetcollections:23:23:Cork City::__Orightresult__X6

01/05/2018

19.30-20.30 | Gael-Taca | 7ú Meitheamh

Gearrscéalta Ár Linne - roghnaithe ag Briain Ó Conchubhair

Cnuasach de phrós comhaimseartha na Gaeilge ó Biddy Jenkinson, Joe Steve Ó Neachtain, Siobhán Ó Súilleabháin agus tuilleadh nach iad. Le ceannach i nGael-Taca (€15) nó ar fáil ón leabharlann (féach nasc).

Beimid ag teacht le chéile len é a phlé Déardaoin an 7ú Meitheamh ag 19.30

http://librariesireland.iii.com/iii/mobile/record/C__Rb1264574__Sgearrsc%C3%A9alta__Ff%3Afacetcollections%3A23%3A23%3ACork

23/03/2018

LEABHAR MHÍ AIBREÁIN - Le plé Déardaoin 19ú Aibreán @19.30 i nGael-Taca

Scáil an Phríosúin le Anna Heussaff - Scéal bleachtaireachta a thugann aird ar stair réabhlóideach na tíre taobh le mistéir chomhaimseartha nuair a faightear beirt marbh in iarPhríosúin Chill Maighneann.

Cóipeanna den leabhar ar fáil i nGael-Taca ar €12

26/01/2018

LEABHAR MHÍ FEABHRA - Le plé 19.30 Déardaoin, 22ú Feabhra i nGael-Taca

'Súil Eile' le Seán Tadhg Ó Gairbhí - Cuntas úr é seo maidir le bunú agus bláthú an stáisiún teilifíse Gaeilge, TnaG (TG4 sa lá inniu). Tá agallaimh le pearsanta lárnacha sa scéal agus súil chomh maith ar a bhfuil bainte amach ag an stáisiún le os comhair fiche bliain anuas.

Cóipeanna den leabhar ar díol in ionad Ghael-Taca. Tá cúpla cóip ag Leabharlanna Chathrach Chorcaí, féach - https://librariesireland.iii.com/iii/encore/record/C__Rb4871240__Ss%C3%BAil%20eile__Orightresult__U__X6?lang=eng&suite=def.

17/01/2018

Beimid ag casadh le chéile chun an leabhar is déanaí 'Kíor Thuathail' a phlé tráthnóna amárach ag 7.30i.n. i nGael-Taca.

Leabhar na míosa seo chugainn le roghnú ann. Fáilte is fiche roimh daoine nua.

20/11/2017

ATHRÚ DÁTA - 30ú Samhain @19.30 i nGael-Taca

A chairde, tá imeacht eile beartaithe i nGael-Taca an Déardaoin bheag seo. Dá bharr sin, beidh an Club anois ag teacht le chéile seachtain níos déanaí - Déardaoin, 30ú Samhain ag 19.30.

Ár leithscéal as an athrú ach tá súil againn sibh a fheiceáil ann.

'I dTír Mhilis na mBeo' an leabhar a bheas á phlé. Is féidir cóip a fháil go fóill i siopa GT, agus tá leagan closleabhair(saor in aisce) ag an nasc a leanas:

Guth nua liteartha ar an bhfód is ea Colm Ó Ceallachain. Seo é a chéad chnuasach gearrscéalta. Ní mar a shíltear a bhítear. An é sin an Pápa a fheicimid ag feitheamh le beirt bhuachaillí óga le linn a

03/11/2017

'i dtír mhilis na mbeo' le Colm Ó Ceallacháin atá faoi chaibidil againn an mhí seo. Cnuasach gearrscéalta atá anseo a bhain gearrliosta Ghradam Uí Shúilleabháin amach i mbliana.

Beimid ag teacht le chéile i nGael-Taca chun é seo a phlé ag 19.30 ar Déardaoin an 23 Samhain.

Tá cóipeanna den leabhar ar fáil ó shiopa GT idir an dá linn agus leagan closleabhar de na scéalta aonair ag an nasc thíos.

Súil againn go mbeidh tú in ann teacht chuige.

Gearrliosta Ghradam Uí Shúilleabháin 2017 Guth nua liteartha ar an bhfód is ea Colm Ó Ceallacháin. Seo é a chéad chnuasach gearrscéalta. Ní mar a shíltear a bhítear. An é sin an Pápa a fheicimid ag feitheamh le beirt bhuachaillí óga le linn a chamchuairt ar Éirinn in 1979? Nó…

13/10/2017

Cuimhnigí go mbeimid ag bailiú le chéile chun An tIriseoir a phlé ag 19.30 an Déardaoin seo chugainn (19ú DFómh).

Dóibh siúd atá críochnaithe leis agus nach féidir fanacht ar chomhrá litríochta, tá eagrán úr de Léirmheas Leabhar ar fáil anois anseo:

Sa tsraith nua seo, déanfaidh léirmheastóirí agus údair léirmheas ar leabhair Ghaeilge nua-fhoilsithe. Á chur i láthair ag Róisín Ní Ghairbhí. Tá an tsraith seo urraithe ag Foras na Gaeilge.