04/09/2026
🧎🧎🧎腦細跪求大家幫手🧎🧎🧎
🙏🏻🙏🏻🙏🏻長文慎入🙏🏻🙏🏻🙏🏻
腦細做napnice接近十年，一直都要搬搬抬抬，經常一個人執倉搬貨大汗疊細汗，綠茶汽水拎黎當水飲簡直家常便飯….就係咁，三年前某日因為腎石痛到死咁滯而去左某私家院急症室求診，其後被診斷出有一粒1cm左右既腎石卡左係尿道，醫院就安排左個泌尿科醫生俾腦細。腦細原本揀左聲波碎石，但臨手術前一晚又因為發燒，個個醫生就話要改用入侵性既手術係尿道用雷射方式碎石。手術做完，三星期後拆左JJ支架，醫生話完全康復，可以過返正常生活。成個手術洗左13萬左右，保險cover左大部份，原本諗住可以做返個正常人，但做野都唔敢飲茶同汽水，基本上都係飲水為主…..
三年後某日因為做野拉傷條腰，去左做檢查，點知醫生話俾腦細知成個左腎黑晒，似係俾尿浸晒….經檢查後成個左腎已經冇晒功能😭😭😭原因竟然係當年做手術個邊尿道有一個位生埋左，成條塞左，啲尿排唔到，浸死左個腎….. 呢個對腦細黎講真係晴天霹靂，好難接受，一時之間真係失晒方寸…..其後經朋友介紹既另一位醫生做檢查，檢查後話個左腎已經冇晒功能，通返條尿道最終都係會塞返，冒險做一個無意義既手術冇乜用…..最簡單都係將個廢腎摘除，因為如果唔摘除，有朝一日發炎會引發併發症，直頭會影響生命安全…😭😭😭腦細仔細老婆嫩，唔敢冒風險，最終又前後洗左三十幾萬切左個腎….腦細當然心有不甘，一粒腎石搞到冇左個腎，從始踏上維權之路…..
大家都知道，維權對星斗市民係幾艱難既事…. 對家係大醫院+醫生+保險律師團隊……腦細搵左個師爺朋友幫手，用最低既成本去向呢個醫生發起訴訟，對方醫生一樣有透過律師回覆既….但呢件事入面，腦細遇到最kick手既問題係：病人需要得到一份其他泌尿科醫生寫既醫生專家報告（主診醫生唔可以寫）。即係話要搵一個唔識既泌尿科醫生幫腦細證明另一個泌尿科醫生出錯。本來腦細覺得呢件事好正常，應該唔難做到，但原來泌尿科醫生既圈子好窄，冇人願意做呢個角色….（或者係腦細仲未遇上）….
係過去呢一年，腦細食左無數白果，眼下已經到左一年，仲未搵到醫生幫手寫專家醫生報告…師爺朋友建議腦細將案件延期，睇下可唔可以再搵下醫生寫報告，點知法庭拒絕延期😩😩😩
依家所有野都火燒眼眉，不得已先出post跪求各方幫手，腦細唔想就咁就放棄追究既權利，真係冇諗過洗咁多錢去浸死自己個腎…..依家對方律師仲出信話叫腦細唔好告，因為佢手上有另一個專家醫生報告話涉事醫生冇錯，告落去就要腦細賠報告費用同埋律師費😔😔😔
講真，腦細真係好明白宏福受災災民個種心情….點解會係我，點解燒既係我既屋苑，點解死既係自己人既家人但唔係害人個個，後面既路究竟要點樣行….. 一粒腎石，身邊幾多人都試過，個個都話聲波碎石好似瞓教咁，瞓醒就通晒，通完又再飲奶茶廢水…點解偏偏腦細就係例外個一個…
真係好唔甘心…真係唔想就咁就算…唔通個腎係死於自然？？ 腦細係度跪求大家幫幫手，問一問身邊有冇泌尿科既醫生，願意了解腦細既個案，幫手寫呢份專家醫生報告，等腦細維權既呢條路可以繼續行落去🧎🧎🧎
由於案件進入左司法程序，唔可以開醫生名，暫時唔可以報東張…另外係切腎既手術中已經排除左癌症等因素…..
如果真係有醫生/醫生朋友願意幫手，請inbox PM, 腦細會親自回覆，感激伸出援手既每一位🙏🏻🙏🏻🙏🏻
願各位點亮一絲微弱既光線，令迷失無助既人可以堅強行落去🙇🏻♂️🙇🏻♂️🙇🏻♂️
