17/01/2017
Heziketa-zikloaren helburu orokorrak:
1. Arotzeriako eta altzarigintzako elementuak fabrikatzeko prozesuak aztertzea, eta zehaztapen teknikoak interpretatzea, faseak eta prozedurak ezaugarritzeko.
2. Mekanizazio-prozesua aztertu ondoren tresnak eta erremintak hautatzea, makinak eta tresneria prestatzeko.
3. Dokumentazio teknikoa prestatzea, instalazioak planifikatzeko metodo konbentzionalak eta informatikoak erabilita.
4. Neurriak eta mailak egiaztatzea, tresna konbentzionalak eta aurreratuak maneiatuta, arotzeriako eta altzarietako instalazioa zuinkatzeko.
5. Erremintak eta tresnak hautatzea, zorrozte- eta doitze-eragiketak eginda, tresneria eta erremintak prest jartzeko.
6. Altzari modularrak eta neurrirakoak osatzea, dokumentazio teknikoa interpretatu ondoren, eta altzariak instalatzeko muntaia-eragiketak egitea.
7. Ateak, leihoak eta estaldurak ipintzea, dokumentazio teknikoa interpretatu ondoren, eta mekanizatu, finkatu eta erregulatzeko eragiketak egitea, arotzeriako elementuak instalatzeko.
8. Zurezko armadurak eta euskarriak muntatzea, dokumentazio teknikoa interpretatu ondoren, eta egiturak instalatzeko finkatze- eta erregulazio-eragiketak egitea.
9. Materialak, produktuak eta osagarriak identifikatzea, horiek biltegiratzeko baldintzak deskribatzea, eta dimentsioak eta zehaztapen teknikoak egiaztatzea, haiek hautatu eta biltzeko.
10. Makinen eta tresneriaren mantentze-beharrak identifikatzea, eta horien garrantzia justifikatzea, funtzionalak izango direla ziurtatzeko.
11. “Bizialdi osoko ikaskuntzarako” dauden baliabideak, eta komunikazio- eta informazio-teknologiak aztertu eta erabiltzea; ikasteko eta ezagupenak eguneratzeko, hobekuntza profesional eta pertsonalerako aukerak antzemanda, eta hainbat egoera profesionaletara eta lanekoetara egokitzeko.
12. Talde-lanak garatzea eta haien antolamendua balioestea, tolerantziaz eta errespetuz parte hartzea, eta taldeko edo banakako erabakiak hartzea; erantzukizunez eta autonomia jokatzeko.
13. Lan-prozesuak garatzean sortzen diren arazo eta gorabeheren aurrean sormenezko irtenbideak hartu eta balioestea, dagokion jardueran izaten diren gertakariak erantzukizunez ebazteko.
14. Komunikazio-teknikak aplikatzea, zabaldu beharreko edukietara, horien helburura eta hartzaileen ezaugarrietara egokituta; prozesuaren eraginkortasuna ziurtatzeko.
15. Lanbide-jarduerarekin lotutako ingurumen- eta lan-arriskuak aztertu eta zerrendatzea, eta horien sorburuekin lotzea, hartu beharreko prebentzio-neurriak oinarritzeko eta dagozkion protokoloak aplikatzeko, nork bere buruari, inguruneari eta giroari kalterik ez egitearren.
16. Irisgarritasun unibertsalari eta “guztientzako diseinuari” erantzuteko beharrezko teknikak aztertu eta aplikatzea.
17. Ikasteko prozesuko lanaren eta erreferentziazko produkzio-sektorearen kalitateprozedurak hobetzeko beharrezko teknikak aplikatu eta aztertzea.
18. Kultura ekintzailearekin, enpresakoarekin eta lanbide-ekimenekoarekin lotutako prozedurak erabiltzea, enpresa txiki baten oinarrizko kudeaketa egiteko edo lan bati ekiteko.
19. Baldintza sozialak eta lanekoak arautzen dituen lege-esparrua kontuan izanda, gizarteko agente aktibo gisa dituen eskubideak eta betebeharrak zein diren jakitea, herritar demokratiko gisa parte hartzeko.
