مكتب البراء لتصميم وتصنيع الأثاث - Albaraa Design furniture Office

01/03/2026

07/02/2026

⚠️ تنبيه مهم قبل اختيار دولاب أو دريسنج روم
كتير من الناس وهي بتشتري غرفة نوم، كل تركيزها بيكون على شكل الدولاب من برّه…
لكن الحقيقة إن القيمة الحقيقية للدولاب في تقسيمته من جوّه.
🔹 في تصميمات كتير بيتم تضخيم سُمك درفة الدولاب، وتفاصيل كتير في الشكل الخارجي،
لكن من الداخل تلاقي: ❌ تقسيمة ضعيفة
❌ مساحة ضايعة
❌ استخدام غير عملي
وده لأن أغلب اللي بيشتري جاهز، بيهتم بالشكل أكتر من الوظيفة.
🔸 عمق الدولاب = راحة في الاستخدام
العمق المناسب للدولاب (جرار أو مفصلي) الأفضل لا يقل عن 60 – 65 سم.
لو العمق أقل:
الشماعات هتعوق حركة الدرف
الملابس هتحتك في الأبواب
اللبس هيطلع برّه
مساحات فاضية تحت الشماعة بدون استفادة
⚠️ ملحوظة:
الرفوف السفلية غالبًا غير عملية.
الأفضل من أسفل: ✔ أدراج
✔ شماعة بطول مناسب
✔ تقسيمة حسب نوع الملابس
🔸 التقسيمة الصح مش رفوف وبس
الدولاب الكويس لازم يجمع بين:
رفوف بمسافات مظبوطة
أدراج
مكان للبلوزات
مكان للفساتين
جزء للأحذية أو الشنط
مساحة للحجاب أو الإكسسوارات
تخزين علوي (ملايات – خداديات – بطاطين)
🔸 مقاس الدولاب حسب الغرفة
مش كل غرفة ينفع لها دولاب كبير.
لازم تراعي:
أبعاد الغرفة
أماكن السرير
مساحات الحركة
فتح الدرف براحة
🔸 الفرق بين الجاهز والعمولة
الجاهز = شكل ثابت + تقسيمة عامة
العمولة = تقسيمة على استخدامك + أبعاد غرفتك + استغلال كل سنتيم
🔸 حل مشاكل الأعمدة والبروز
في العمولة: ✔ العمود يدخل في تصميم الدولاب
✔ يتحول من عائق لميزة
✔ يوفر مساحة ويظبط شكل الغرفة
✅ الخلاصة:
قبل ما تختار دولاب:
اسأل عن التقسيمة قبل الشكل
راجع العمق
فكّر في استخدامك اليومي
الدولاب مش ديكور…
الدولاب أداة استخدام يومي،
والتقسيمة الصح بتفرق في راحتك سنين.

03/02/2026

من جمال النحت اليدوي… تنسى نفسك وتعشق التفاصيل ❤️💫
كل خط معمول بإيد،
وكل تفصيلة وراها وقت وتركيز وصنعة.
مش شغل مكن يطلع نسخة مكررة،
ده شغل يد… كل درفة لها روح وبصمة خاصة 👌

30/01/2026

رفع المقاس مش بداية التنفيذ…
ده بداية التفكير.
ضبط التصميم على ديكور الغرفة،
حساب المسافات والحركة،
وتحديد عدد وأحجام القطع بدقة.
وفي الآخر،
تناسق الخامات والألوان
هو اللي بيخلي الغرفة وحدة واحدة.
جمال في التصميم…
وسلاسة في الحركة.

29/01/2026

https://sg.docworkspace.com/d/sbSaatkDCVBBgWvH_js12rglmj8pmvs5e7k

29/01/2026

مش كل تفصيلة بتبان في الرسمة…
ولا كل حاجة ينفع تتقال في دقيقتين 👀
في شغلي، بشرح للعميل هو شايف إيه،
من باب التأكيد إنه فاهم وشايف التصميم كويس…
وبحاول كمان ألفت نظره لحاجات ممكن ما تكونش في باله:
🔹 طريقة الاستخدام
🔹 أماكن الضغط
🔹 فتح وغلق
🔹 تفاصيل مع الوقت بتفرق
مش علشان أزوّد في الكلام…
علشان بعد التنفيذ ما يبقاش فيه مفاجآت،
ويبقى الاتفاق واضح من الأول 👌
والطريف بقى؟
بعد كل الشرح ده…
برضه ساعات أسمع:
"ما كنتش واخد بالي من الحتة دي!" 😄
بس الحمد لله…
الأحسن إننا ناخد بالنا بدري،
عن إننا نرجع نصلّح متأخر.