27/10/2020
معلومة لازم تبقى معروفة والعميل يبقى فاهمها كويس قوي
(القوايم زان) ....
الكلمه اللي بيضحك بيها علي معظم العملاء
اتربينا علي ان الزان احسن حاجه في الدنيا ,خليني أصدمك
واقولك ان أسطورة الزان دي ملهاش اساس من الصحه .
1- معظم الأثاث دلوقتي مودرن وألترا مودرن مفيش فيه قوايم زان أصلا, ايوه زي ما بقولك مفيش فيه قوايم , امال الشركة الي قالتلي الغرفة بعشرميت الف جنية دي هتعمل ايه ؟
بتتعمل كونتر وده عشروميت نوع وكل نوع ليه كذا مستوى وعالم تاني وكمان هتحط قشاط زان علي الجنب او الضلفة او الرف ودي من اساسيات الشغل .
2:- مفيش حاجه اسمها المطبخ كله زان لان ده زيف مش اكتر , المطابخ والدريسنج اللي بالخشب الطبيعي يا كونتر يا اما كبس وطبعا كل حاجه وليه انواعها
كبيرُه هيعمل الدلفة بس زان. وده مش الجامد يعني في انواع تانية احلي واشيك كمان منه .
3 :- الخشب الزان اللي متواجد حاليا ف السوق فيه نسبه رطوبه يعني مش مجفف أوي
تسألني يعني هيعمل ايه يعني ؟
أقولك ياكبير هيجي مع الوقت المياه اللي فيه تنشف بعد ما حضرتك تستلم منتجك بفتره ويبدأ الياف الخشب نفسه تتحرك بسبب إنه مش مجفف بنسبة معينة , وده هيسيب وراه تنميل ف الدهان واحيانا تفكيك في التجميعات (الكلام ده بيبان اكتر في الكراسي والترابيزات وساعات ظهر السرير ) .
4:- في أنوع خشب كتير مش واخد حقها
مثل خشب العزيزي او البيتش باين و خشب الماهوجني او الموجنه وغيره.
١. ارجو نطلع بره ثقافة الزان واللي بيها اديتوا فرصه لبعض مضللي الحقيقه انهم يطلعوا كلمه زان في اي منتج عشان العميل يطمن وخلاص .
٢. الزان أشتغل بيه في شاسيهات الركن والانترية والصالون .
وفي حاجات معينة كده في العفش بصفة عامة
_ الغرض_
الأرتقاء بالذوق العام.
عدم منح فرصه لبعض مضللي الحقيقه انهم يطلعوا كلمه زان في اي منتج عشان العميل يطمن وخلاص
