17/08/2019
#منقول
شركه TE-Data اللي بقت WE عملت الجلاشه مع كل المشتركين
من 30-7 حولت كل الخطوط إجبارياً علي العروض الجديدة ولو حبيت ترجع لعرضك القديم بيقولولك مينفعش لانه مبقاش متاح في الشركه غير العروض الجديدة... وده كلام خدمه العملاء
هتقوللي طب ايه الخازوق فيها !! دول هيزودوا السرعه و الميجابايت وسعة الاستخدام !!
هما فعلا عملوا كده.... طب ايه الفرق !!
الفرق لو انتا كنت علي عرض 5 ميجا الي معظمنا كان عليه.
كنت بتاخد 100 جيجا داونلود ولما بيخلصوا السرعه بتنزل ل 1 ميجا وهيا سرعة لا بأس بها
اما دلوقتي السرعة 30 ميجا و بيديك 140 جيجا ولما بيخلصوا بتبقي 0.256 ميجا ماتكفيش حتي لعمل محادثة علي الواتس أب ، وطبعا سرعة 30 ميجا دي بتخلص الباقة بسرعة جدا في مدة أقل بكتير عن قبل كده وبكده أنت مجبر أنك تشحن باقات إضافية بتخلص بسرعة الصاروخ برده
انا الباقه عندي خلصت في 10 ايام و تقريبا معظمنا كده
فالحل قدامك ياما ترفعها 250 جيجا ب 210 جنيه وبرده مش هتكمل الشهر
يا ما تغير الشركه او نعمل مقاطعه ل WE خالص