18/05/2026
حابب أ حكي موقف حصل من عميل ب الفعل. وحبين نعرف رائيكو ف اللي حصل لأن مش كل خسارة بتكون خسارة فلوس… في خسارة بتكون في تعبك، وتقديرك، واحترامك اللي بتحاول تحافظ عليه مع الناس 🤍
كان في عميل حاجز أوردر كراسي بار، والعربية وصلتله أول مرة متأخر شوية بسبب ظروف الطريق، والعميل وقتها رفض الاستلام عشان الوقت كان متأخر، واحنا احترمنا رغبته جدًا واتفقنا علي معاد جديد يناسبه.
وفعلًا العربية خرجت تاني مخصوص علشان تسلمه الأوردر، والمعاد كان حوالي 11 بالليل، لكن للأسف طول الطريق كان في استعجال وضغط كبير علي السواق والكلام كان بأسلوب صعب شوية سواء مع السواق أو معانا.
ومن التوتر والاستعجال العربية اتحركت بسرعة، وده تسبب إن كرسي يقع من العربية ويتفقد أثناء الطريق… وده خطأ اتحملناه بالكامل.
ورغم الخسارة عرضنا علي العميل يستلم الكرسيين الموجودين مؤقتًا لحد ما نعوضه عن الكرسي الثالث، لكنه رفض وطلب استرجاع العربون، وتم رجوعه كامل بكل احترام ومن غير أي نقاش.
لكن اللي ضايقنا فعلًا بعد كل ده… إن العميل دخل علي الصفحة وعمل تفاعلات “أغضبني” علي البوستات بدون أي سبب، ولما حاولنا نتواصل معاه بكل ذوق علشان نفهم سبب الموقف كان الرد:
“عشان العربية جتلي متأخر”
وبعدها قفل الخط بأسلوب مكانش لطيف.
احنا مش بنكتب الكلام ده علشان نهاجم حد…
بس علشان الناس تعرف إن ورا أي شغل في تعب ومجهود وبشر بتحاول ترضي العميل للنهاية، وفي الآخر ممكن تخسر أوردر وخسارة شحن وكمان تتقابل بطريقة تجرحك نفسيًا.
ورغم كل ده… هنفضل نحترم أي عميل ونتعامل بأصولنا 🤍
— Haseeb Furniture
دمياط – طريق محور أبو هندية – تقسيم المعلمين – خلف معرض صفوارت – أمام قسم ثاني من على المحور
شحن داخل وخارج مصر
