Creative House

13/09/2024

‏۩ ﷽ ۩

۞ إِنَّ ٱللَّهَ وَمَلائِكَتَهُ يُصَلُّونَ عَلَى ٱلنَّبِىِّ يَٰٓأَيُّـهَا ٱلَّذِينَ أٓمَنُواْ صَلُّواْ عَلَيْهِ وَسَلِّمُواْ تَسْلِيمًا۞

𖣊اللـهُمَّ صَلِّ وَسَلِّمْ علَى نَبِينَا مُحَـــمَّدﷺ𖣊

19/07/2024

﴿ رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا ﴾

17/02/2022

بتحب الكرانيش والبانوهات الجولد مع الكنب الاوبيسون والعواميد الخشب والالوان الصريحه جنزاري بقا وبنيات وجولد والشغل الكلاسيك الدافي التحس انك ف سرايات فؤاد باشا كده ف اوجهه😌❤️❤️
ولا الشغل الهااادي الرااايق البسييييط زي مش طالبه زحمه كتير ودوشه، الألوان الفاتحه والفرش البسيط،
ولا بتحب الاستايل النابع كده من الطبيعه زي البوهو الوان بقا ابيض وزرع اخضر وخشب وجو ريفي هاااادي ، او ممكن العكس الوان كتير وخامات ومبهج وحاجات محبوكه وcautions كبيره على الارض ومكرميات ونابع من ان حد بيسافر كتير ومجمع ديكورات من اكتر من مكان
ولا تدوس ف شغل المودرن وارتفاعات وعراميس واستيل وزوايا حاده والوان غامقه
ولا بتميل للطوب البارز والكمرات باينه من فوقك خشب نازل منها الاضاءات وindustry mood
بص سييييييبك من كل ده بقا
مش مجمع وحاسس انك تااايه، متقلقش هناخدك معانا ف tour through all design styles in details وف الاخر هنعمل زي ملخص بسيط لكله ف بوست واحد عشان يبقو كلهم ادامك وتقدر تختار اليناسبك بسهوله
مش بس كده انت كمان مش هتتعب نفسك تدور على حد ينفذلك الstyle الاختارته عشان احنا مع فريق من مهندسين الديكور المتخصصين دارسين كل style وهنفذهولك زي ما تحب بالظبط وكمان لو حابب ت mix 2 ستايل it's totally okay المهم توصل للحاجه الحاببها وتريحك وانت عايش فيها
stay tuned😌❤️❤️❤️❤️
‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website
http://www.chd-eg.com

09/02/2022

Follow small spaces ideas❤️❤️
تكمله # ازاي نستغل الفراغات كويس جدا لما يكون مساحه البيت صغيره ونقدر نستفيد من كل سنتي فيه 👌

6-استخدم الباب نفسه بقا🚪🥰
حط عليقات ف ضهر كل الابواب فتديك فرصه تستغل المساحه وراه ومكان تعلق عليه اي حاجه انت عايزها (ادوات نظافة .. مناشف .. اكسسوارات .. شنط.. هدوم .. اي حاجه بمعنى اي حاجه حتى ممكن تعمل ضهره ارفف مكتبه.
ومش بس ابواب الغرف ابواب الدواليب بتبقى مكان تخزين عظيم برضو هيوفر عليك كتييير

7-سلالم الديكورات العتيقه وجمالها 🪜❤️
لو عندك اي سلم قديم خشب او حديد او اي حاجه مع شويه زرع 🎍او قطع ديكور بيبقى قطعه لطيفه جدا وتدي روح للمكان، وكمان مكان زياده تقدر تحط عليه اي حاجه مش لاقيلها مكان سواء بقا بطاطين.. Shoeses .. فوط او حتى يتحط ف المطبخ وتحط عليه ادوات بتحتجها ف الاستعمال على طول تبقى جنب ايدك.

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website

08/02/2022

Follow small spaces ideas❤️❤️
تكمله # ازاي نستغل الفراغات كويس جدا لما يكون مساحه البيت صغيره ونقدر نستفيد من كل سنتي فيه 👌
4-استخدم الفراغات الغريبه والزوايا الصغننه المزخنقه🌚😅
الارفف (الخشب او الالوميتال ) بقت متوفره بسهوله دلوقتي وتقدر تجبها من محلات اكسسوارات البيوت أو الادوات المنزليه وكمان حاجه ممكن تعملها بنفسك بسهوله ف البيت وعمليه جدا.
حطها ف الاماكن الصغيره او علقها في الزوايا الغير مستخدمه وتبقى عرفت تستغل المكان وتملاه كويس جدا 🥰

5-استخدم الفراغ فوق الأبواب :
المساحه بين الباب والسقف نحط فيها ارفف برضو ليه لا😅🤭، بتبقى مناسبه جدا تثبت فيها ارفف تحط عليها كتب أو حتى مخزن للباسكت لحاجات مش ضروريه بالنسبالك بس برضو مش هترميها أو الديكورات واللعب الصغيره اي حاجه مش عايزها ارميها فيها😂
لو حاسس انك محتاج مساحه زياده ف البيت افتكر دايما تبص فوق👆🥰
to be continued....

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website

07/02/2022

Follow small spaces ideas❤️❤️
بيتك صغير ومساحته ضيقه وخانقك وحاسس ان مفيش مكان تحط كل حاجه عايزها والبيت مكركب🤷
تعالى اكملك افكار عن ازاي تقدر تستغل الفراغات كويس جدا لما يكون مساحه البيت صغيره وتستفيد من كل سنتي فيه مظبوط 👌
2-الfurniture متعدد الfunctions
اختيارنا لقطع الاثاث متعدده الاغراض بتبقى دايما اختيار فعال جدا في المساحات الصغيره والمحدوده لانها بتديك اكتر من وظيفة، وبتبقى عمليه ومبتاخدش مساحه.
-فمثلا بدل ما تحط طرابيزه في الزاويه جنب الكنبه حط كرسي جانبي فكده هيزود معاك مساحه للجلوس تنفعك لما يبقى عنك ضيوف.
-بدل ما تحط طرابيزه ف النص حط بنش ممكن يتقعد عليها وكمان ممكن تخزن جواه حاجات وطبعا not to mention -قطع الاثاث البتتغير زي الكنبه البتتفتح سرير، أو الطرابيزه البتتفتح من الحيطه، والسرير الفيه ادراج من تحت تنفع للتخزين...خليك دايما زكي في اختياراتك.
3-الfurniture المتغطى من تحت
قطع الاثاث سواء الكنب أو الكراسي أو الطرابيزات البتبقى متغطيه من تحت مش بتبقى بس شيك بس كمان مفيده جدا إنها تداري اي حاجه تتحط تحتها فبتديك مساحه اضافيه للتخزين، لكن الكنبه الرجليها مكشوفه بيبان أي حاجه تتحط تحتها وبيبقى شكلها مكركب ومش حلو.
ف العموم قوايم الكنب الظاهره بتبقى أخف واريح للعين وبتدي اتساع للمكان بس لما تكون محتاج مساحه تخزين ف ليه لا!!
to be continued....

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website
http://www.chd-eg.com

06/02/2022

Small spaces ideas❤️❤️
احلى حاجه ف البيوت الصغننه الدفا واللمه,❤️❤️ بس ممكن صغر المساحه يخنقنا شويه ومنعرفش نحط كل العايزينه او يخلي البيت يكركب بسرعه، ديه شويه افكار تساعدك تعرف تستغل كل مساحه عندك مظبوط وبيبقى دايما عندك فرصه تتعلم حاجه جديده عن ازاي تتعامل مع الفراغ بفاعليه
ومتخليش حاجه توقفك😉
1-استخدم مساحة الحيطه👌
الحيطه دايما بتبقى اكتر مساحه مش مستغله في البيت، ف العادي بتبقى مساحه تحفه للdecorations, portraits, او اي حاجه تتعلق، لكن بقا ف حاله المساحات الصغير لازم نستغلها اكتر من كدا سيكا🤏
-اول حاجه ممكن نحط مكتبه طويله واصله للسقف او مجرد ارفف كدا فوق بعض
-حط عليقات وعلق العجل على الحيطه 🚲
-جرب الزرع على الحيطه بدل ما تحط فازا او زهريه تاخد مكان 🎍
-ممكن تحط كمان قطعه هدوم 👗 بتحبها ايوه قريت صح لو فيه dress او coat شكله مميز ولطيف ممكن تحطه يدي ديكور لطيف وتوفر مكان ف الدولاب، لو فيه حاجه بتحبها وبتحب تشوفها ليه تخبيها
to be continued

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website
http://www.chd-eg.com

02/02/2022

Follow 13(17*) Reasons why
To hire an interior designer 😌❤️
11-عارف البياعين والموردين وازاي يجيب احسن كواليتي بسعر ممتاز 👌😌
فيه stores مبتتعاملش غير مع المختصين بس بحكم ان شغلهم دايما ف المجال فدايما بيجيبو منهم وهو بيبقى عارف الأنواع و الأشكال والqualities المختلفة والأماكن التجيب منها وميتضحكش عليك فبيخليك تاخد quality عاليه، وتقدر تختار من أنواع كتير وأسعار تحفة، وعشان هما بيتعاملو معاه دايما فهيضمنلك صيانه ما بعد البيع لو حصل اي مشاكل ف المنتج فبيوفرعليك لف وتدوير كتير وطبعا مبالغ طائلة ووجع دماغ وتسأل طوب الارض وبرضو مش هتوصل.

12- معاه تيم من الصنايعيه والعمال، سباكيين، نقاشيين ، نجاريين ، مبلطين، .🧑‍🔧👷..ليستاا طويله اوي من الصنايعيه لكل بند من البنود
ايه يضمنلك ان الصنايعي او العامل الهتجيبه هيعمل الحاجه مظبوطه او هل هو حد فاهم ولا هاوي ولو ركب الحاجه وباظت هتعرف تجيبه ولا هيبهدلك الدنيا ويختفي وليه اصلا توجع دماغك باللف عليهم ويا تلاقي يا متلاقيش، المهندس يا سيدي بيبقى معاه التيم بتاعه مش بس صنايعي من كل بند لا اكتر من حد ومجربهم مره واتنين وتلاته غير انهم عارفينه وعارفين هو بيستلم الشغل ازاي ولما يبقو بيعملو الحاجه وعارفين ان العين الهتشوف الكلام ده عين متخصصه وفاهمه غير اي حد عادي ممكن ميلاحظش كل الغلطات او ميعرفش اصلا ديه الصح بتاعها المفروض يبقى ازاي، فهو على مدار سنين الخبره جمع الجانج بتوعه وبنا ثقه معاهم وهو الهيستلم منهم فده يضمنلك ان الشغل يتسلم بنسبه خطأ لا تتعدى 5% ف حين ان لو انت البتابع الشغل ممكن توصل ل 20 و30 و 50% كمان.

13-مسؤول يشتري كل حاجه بقا من الخامات والمواد حتى الصحي والfurniture💺🛋️🛏️ كمان لو حابب ميزه ان يبقى معاك مهندس منفذ وعاملين 3D design ان كل القرارات ف الالوان🎨 والأشكال وكل التفاصيل اتحددت خلاص في ال design phase ف اول مرحله خالص، كل الجاي بعد كده التنفيذ، مهمه الdesigner بقا انه عارف الخامات والأنواع فبيختار اقرب حاجه للتصميم بأحسن quality تتناسب مع الbudget 💵 المحطوطه ويوفر عليكو اعاده ف اي بند، لان التصور خلاص محطوط من الأول خالص وكله بيتم طبعا بموافقتك عليه وهو كمان بيوفر عليك عناء انك تكلم الشركات 📞 وتطلب اوردارات توصيل البضاعه والخامات أو حتى التركيب والصيانه 🔧 في خدمه ما بعد البيع.

بدات تحب الموضوع انا عارف 😉خليك معايا هقنعك بيه اكتر 😌
14-اداره المشروووع ككل بقا : من بدايه الكلام بقولك هو الهيعمل الdesign او هيتعاقد مع مكتب تصميم وهو هيراجعه ويشرف على توافقه مع ذوقك واحتياجاتك، وهو هيبدأ في التنفيذ وهيجيب تيم العماله بتوعه، هيتفق مع الموردين وهيختار البضاعه وهيبقى مسؤول انه يتواصل مع الشركات للتركيب والصيانه. انت واخد بالك ان كل ده هيحصل ف ترتيب معين لازم يكوم مدروس بعنايه عشان هو حرفيا لو تاه ف النص كل حاجه هتبوظ والمشروع كله هيقف وهيتطلب تككاليف لا نهائية لتعوض خساره البنود ف ف الاول وقبل كل حاجه لازم المشروع يكون متخططله كويس جدا قبل ما يبدا ف اي phase ولازم يكون حاطط plan الwhole process وديه كمان point وفرها عليك لان مهما كان زوقك حلو وليك علاقات كتير مجرد process management وترتيب كل البنود والخطوات والتنفيذ هتستنفذ وقتك وطاقتك ولو حصل خطأ ف النص لا قدر الله هتكلف تكاليف باهظه هتزعلك صدقني
نصيحه * ريح دماغك من كللل ده

15- الdesigner الbackbone رزق😊😌
شغال ف تشطيب الشقه عادي جدا وكل حاجه ماشيه فل ..السيراميك الأنت طالبه هوب الاوردر اتكنسل والمورد عمل مشكله مع الشركه😳 وانت يدوب جبت نص الكميه لا منها مكفيه ولا منك عارف تكمل الفراغ، 🤷 هنا بقا ميزه ان يكون معاك support دايما زي بظبط الطوارئ ف المستشفيات 🚑 المهندس هنا دوره انه يلحق الموقف وينقذ ما يمكن انقاذه ويطلع بحل يلم الدنيا ويبقى عنده دايما backup in case اي مشكله حصلت يلاقي دايما بديل ويقدر يحل المشكله😉

16-يمنع حدوث الكوارث مما لا شك فيه بتاتا ان توضيب البيت او اعاده تصميمه وتشطيبه مهمه مزعجه وقميأه ومزريه وبتبقى بتعد الايام عشان الليله ديه كلها تخلص وترجع تاتي لبيتك والدنيا تستقر🌚🙄 بس takecare اوييي اي استعجال او اي محاوله سربعه البنود ممكن تسبب financial disasters 🤕 اعادتها هتاخد اضعاف الوقت لو كانت الدنيا مشيت برتمها الطبيعي فمثلا لو حاولت تشتري برا الstore او انك تقلب بند برا الplan المحطوطه باعتقاد منك انك كدا بتسرع الprocess فده كفيل انه يعمل مشكله كبيره ويسبب تكاليف ماليه انت ف غنى عنها فتحلى بالصبررر للاخر يا ريس هانت اهيه❤️❤️

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website
http://www.chd-eg.com

01/02/2022

Follow 13 Reasons Why
To hire an interior designer😌❤️
6-تحطو خطه للتصميم 📃
مش محتاجه شرح ديه باينه من اسمها بس لسا فيها details اكتر سيكا🤏
اول ما تتحط ال basics دور المهندس انه يبدأ ينفذ واهم حاجه ف المشروع، ان يتحطله تصميم يحل المشاكل، يكون شكله جميل و في نفس الوقت عملي ويلبي احتياجات السكان زي ما قلنا قبل كده ويكون Mix بين اللي حابه العميل او اللي في تصوره والشايفه المهندس صح ومظبوط.👌

7- بيصمملك اللي يناسبك ويناسب style حياتك وظروفك وامكانياتك💸
سواء انت بقا عندك عيله وبتربي اولاد، عازب او حتى مفركش ياسيدي، 🌚😌لسا ناقل مكانك، ايا كانت المرحله الانت فها دلوقتي المهندس الشاطر هيساعدك تجمع ما بين الجمال والوظيفه ويحققلك كل المتطلبات المحتاجها ف المرحله ديه من حياتك وعشان يشيلك كماان سنيين كتير قدام ويكمل معاك للاخر.

8- بيقولك الdesigners دول مجانين وطايره منهم خالص🤭😂🤯
امم ممكن بس دا يا ريس ميزه وعيب، دماغه هتلاقيها بتطير لبعيد ويرجعلك تاني بافكار وحاجات مش out of the box بقا لا احنا شلنا الbox خالص📦، ما هو بواقع دراسته وخبرته شغله عدى عليه بلاوي وشاف كميه افكار عمر ما ربعها حتى هيكون عدى عليك، فسيبه بقا يتكتك ويطلعلك الزبد، هتلاقيه ساعات بيسكت ويتنح كده ويعمل expressions غريبه بوشه ويروح شويه ويرجع ويتحرك من مكان لمكان بسرعه، سيبه متصحيهوش هو كده كويس واتفرج بقا ع الابداعات الهتطلع.😌

9- أوعى ترمي حاجتك القديمة🏚️📺📜
اي بيت بيبقى دايما فيه قطع اثريه وحاجات عدى عليها اجيال وخلاص غالبا قررتو تخلصو منها وانتو بتنقلو
بس استنى انت عارف ان الحاجات ديه الdesigner يقدر يجيبها ويظبطها ويعيد استخدامها بشكل تاني ف مكان تاني بغرض تاني فهتبقى unique piece وتدى روح وطابع تحفه للمكان وممكن تعمل كده old zone للموود القديم والصبح فنجان قهوتك وشغل فيروز ع الاستريو بتاع جدتك📻 وراقب قطرات المطر 🌧️وهي بتنهال على الشباك وادعيلي يا معلم.

10- كل material تتحط فين وازاي وايه يليق مع ايه!!🖌️🧱🚪
طبعا من اهم الحاجات ف اي design ناجح الخامات : انواعها واستخداماتها، وأنهى material تناسب اي فراغ ف البيت دا من القرارت الصعبه الهتتعرضلها وانت بتشطب بيتك لا محاله ، الشكل، المتانه، الصيانه، الحمايه ضد الميا والاتربه، سهوله التنضف...كلها حاجات مهمه واساسيه جدا وانت بتختار تشطيبات بيتك، طبعا المهندس المنفذ بخبرته وخبره العماله المعاه هيظبطلك كل ده ويسهل عليك القرارات عشان ماتتهش كتير وناهيك طبعا عن احسن تنفيذ لكل حاجه مظبوط جدا واستلامها ع الشعره. 👌
To be continued..stay tuned 🥰❤️

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website

Welcome to Creative House See Our Projects Design Doesn’t Have to Be Expensive or Complicated! It Should Be Smart & User Friendly What we do Services 1 Architecture When designing we focus on covering and meeting the needs and demands of the client, to create living spaces, using certain tools, an...

31/01/2022

13 Reasons why
U should hire an interior designer

1-اول حاجه :ليفيل احترافي وخبرة سنين مش هزار😌

بص ياسيدي مصمم الديكور أو مهندس التشطيبات عنده خلفيه رهيبه وموهبه وعدى عليه كميه افكار وأشكال ومشاريع بواقع مجاله، وهيبقى دايما عنده تصور للحاجه هتبقى عامله ازاي بعد ما تخلص،
لأنه من اثناء دراسته اصلا بيبقى اتعلم نظريات وطرق تصميم كتيره واتمرن ازاي يطبقها بطرق مختلفه، وكمان ضيف عليهم خبره شغل طويله شاف وطبق ده على أرض الواقع بعدد شعر راسه.

التصميم مش بس لون سيراميك يليق مع كام لون حيطه واضربلك كام بورتيريه ينورو المكان وشويه gypsum board ف السقف، وطبعا الfurniture على ذوق المدام🌚🤭 لا يا معلم دا دراسه وتكتيك و styles كتير جدا وكل حاجه بتليق مع بقيه العناصر والاشكال ازاي وازاي ف كل فراغ تحقق ال Minimum Requirements اللي تأدي غرض المكان ده.

لازم يكون التصميم المميز بيأدي وظيفته كويس جدا ويريحك ويريح عيلتك كلها، دا المكان العايشين فيه بتستخدموه كل يوم وبتقضي فيه معظم حياتك تاكلو وتشربو وبتربي اولادك فيه وهو البترجعله اخر اليوم بعد يوم شغل طويييييييل عايز تتحدف ع السرير وترتاح ف مكان انت حابه وبيقدملك كل احتياجاتك.

طيب وانت شغال كده ف تشطب بيتك طبعا هيقابلك مشاكل و طبعا بيبقى فيه حلول كتيير جدا لاي مشكله تصميميه بتقابلك، ميزه المهندس الشاطر إنه يلاقي الحل اليناسبك ويناسب عيلتك "مش دايما نفس الحل بينفع كل الناس"،
وهو مش بس بيقفل نفسه على الاتعلمه، مهندس الديكور الشاطر بيكونup to date دايما مع كل التصميمات والtrends والstyles وكل طرق التصميم الحديثه والمميزه طبعا الautomation و الtechnologies عشان يقدر دايما يبقى مميز ف شغله ويقدملك احسن حاجه بما يتناسب مع ذوقك واحتياجاتك اكيد.

2-هيعرف شقتك محتاجه ايه ( التعريف بالمشروع)📝

لما حضرتك تفكر تتفق مع مهندس ديكور فاكيد ف دماغك حاجه من الاتنين ✌️يا اما عايز تجدد بيتك او لسا شاب ف بدايه حياته وبيأسس بيته من الاول (اشتريت شقه تانيه ف مكان تاني احسن وعايز تظبطها )
خلينا نقول مبدأيا انت في الحاله الاولانيه، عايز تجدد بيتك فغالبا بتبقى تايه مش عارف تبدا منين ولا تعمل ايه🤔 وايه يتغير وايه ميتغيرش والتكلفه هتبقى ف حدود كام واجيب صنايعيه منين وازاي اغير لحاجه كويسه من غير ما اشقلب الدنيا وافتح على نفسي فتوحه مالهاااش اخرر !!
بيتك اول ما جهزته وسكنت فيه كان مرحله في حياتك وساعتها هو كان مناسب المرحله ديه وسواء ساعتها كنت عامله بامكانيات عاليه او كانت بسيطه، جبت حد يشرف عليه ولا اشرفت عليه بنفسك، ايا كان ده كان phase
ف حياتك والاتعمل كان مناسبها ساعتها و خلاص المكان مبقاش بيأدي دوره زي ما مطلوب، أو أن من باب التغيير الواحد بيبقى حابب يجرب شكل جديد ويحسن المكان البيبقى دايما راحته فيه.

هنا ياباشا بقا ييجي دور المهندس، عايز تريح دمااغك خاالص وتسلمله بيتك، بيساعدك ان المكان الانت عايش فيه يخدمك احسن في المرحله ديه من حياتك على حسب الاحتياجات الجديده.
جزء من التعريف بالمشروع مش بس تبدا منين بس كمان تقف امتى وفين وازاي أن ممكن تغير بسيط جدا يقلب لتغيير جذري لو ما اتحكمتش فيه كويس 😉
هو هيساعدك ويقسم المشروع لمراحل تناسب راحتك في المكان وطبعا محفظتك.🥰😂

3-يبيقى عنده دايما تصور للتكلفه والوقت الهيتطلبه التنفيذ،💲🕐

من الآخر الميزانيه هي أساس كل حاجه، فحضرتك مجرد بس كلام مبدأي مع مهندس الديكور او المهندس التنفيذي هيديك فكره عن هل اللي ف دماغك او الحابب تعمله يتوافق مع الميزانيه المتاحه والفتره الانت محددها ولا هيتكلف اكتر، لو في الوقت ده وانت مستعجل فتمام، أو لو مش مستعجل فممكن نفس الميزانيه بس مع وقت أطول شويه.

خد بالك ميزه المهندس المختص انه هينزلك على ارض الواقع شويه🏮 ويعرفك على امكانيه تنفيذ توقعاتك ولا الموضوع بعيد ! وايه البدايل المتاحه مثلا لو الحاجه الحابب تعملها تكلفتها عاليه فممكن يفكر ف حاجه تدي نفس المفعول بس تكلفه اقل. 😉
يعني متجيش تقولي عايز تجدد مطبخك كله ف اسبوعين مثلا!! سوري مفيش الكلام ده لازم عشان تطلع حاجه نضيفه تستثمر فيها وقت ومجهود. 😌

4-تحديد الاولويات☑️

حتى لو عرفت تفاصيل المشروع كله لازم يبقى فيه ترتيب تتنفذ بيه البنود
حضرتك كعميل لازم تقول للمصمم ايه مفروض يركز عليه او ايه الاهم يبتدي بيه، ممكن تقولي بدري اوي ع القرارات ديه دلوقتي بس صدقني كل ما تبقو محددين من بدري هيوفر عليكو كتيييير،
فلازم تحطو بلان للمشروع كله سوا عشان تحددوا الاولويات وجدول زمني📑 وايه المفروض يتعمل بعد ايه .

5- تحطو محددات المشروع :

هتقولي ايه هي محددات المشروع او ال boundaries بتاعته؟! 🪧
بص يا سيدي بحب اعرفها بانها القواعد او الguidelines لشغلكو سوا زي scoop المشروع وتحديد مسؤوليات كل طرف والجدول الزمني كل العوامل ديه بيبقى ليها دور كبير لنجاح المشروع، ☑️
وبلاش تنشن كتيير حاولو to keep It fun😉
to be continued....

‏
The way to trust ❤️
Just contact us on the following numbers:
Mob: +201140109487.
Mob:+201202516354.
Tel: 0233555933.
Visit our website

Welcome to Creative House See Our Projects Design Doesn’t Have to Be Expensive or Complicated! It Should Be Smart & User Friendly What we do Services 1 Architecture When designing we focus on covering and meeting the needs and demands of the client, to create living spaces, using certain tools, an...