24/12/2020
عسل نحل الاميره الاصلي مع الليمون يحميكي وأطفالك من الكروانا لانه بيقوي المناعه
المدارس وقفت بس الحماية مابتوقفش ..
عشان تتأكدي كـ أُم إنك مأمنه أولادك محتاجة تراجعي قائمة كدة زي :
بياكلوا كويس ، بمعنى بياكلوا بروتين ، بياكلوا فاكهة منها الكيوي والمانجا والموز والفراولة والبرتقال ،، بتعملي حسابهم في عصير الليمون ..
طيب بيناموا ، بيناموا كويس بين ٨ و ١٠ ساعات ، ووقت النوم بيكونوا متدفيين كويس ومتغطيين كويس ..
لو حد من أطفالك عنده برد ، بتجري على المضادات الحيوية على إعتبار إنها هتنتهي في ٣ أيام وبتتفاجئي إنه مابيخفش ،، عشان مش قادرة تقتنعي إنه دور برد ولازم ياخد دورته بس ممكن تخففيه ،، بالتدفيه وبالسوايل اللي تذوب البلغم وتعالج الكُحه ، والعسل بالليمون اللي هايل للمناعه ..
متأكدة إنك مزوداه بڤيتامين (د) وبـ حديد ..
الوالد في البيت متأكد إنه مانع تدخين على الأقل في وجودهم ..
في وجود أي حد غريب أو حتى لو نزلوا تحت البيت لازم الكمامات ..
وكفاية عزايم للعائلة والأقارب عشان الأقارب ليهم أقارب ومش هنخلص ..
لو جالهم دور حساسية أنف ماتقلقيش .. وطول ما أنتي عامله اللي عليكي ماتخافيش ..
المهم نعمل الصح .. شير وفيدي غيرك عشان حالياً كله همّه صحة أولاده أكتر من أي حاجة ..
دمتم بصحة ♥️
الدكتور أحمد أبو النصر
