(صيانه - برامج - تعريفات - العاب ) Net For All

06/03/2026

😂😂😂😂

👌👌👌😂😂

03/03/2026

31/12/2025

😡 أزمة الفِكّة مش عذر لزيادة سعر تذكرة المترو 🤑
ليه نزود التذكرة من 8 لـ 10 جنيه (زيادة 25٪) بسبب فِكّة؟ 🤔
ده ترحيل للمشكلة مش حل 🤝
- لما تزودها بعد كده جنيه أو 3 جنيه، هتطلع نفس أزمة الفِكّة 🌀
- المشكلة مش عند الراكب، المشكلة عند إدارة المنظومة 🚨
- الزيادة بتزود التضخم وبتشجع المواصلات ترفع أسعارها 💸
أوروبا بتحاسب بالسِنت والخليج بالهللة... ليها حلول 🤝
*الحلول:*
- توفير فكة كافية في المحطات 💵
- تعميم استخدام البطاقات الإلكترونية 💳
- تحسين نظام الدفع الإلكتروني 📱
الحل مش تحميل المواطن 🤑... منتظرين رد وحل حقيقي 🙏
ِكّة
#متحمّلوناش_غلط

30/12/2025

لغز بدون آلة حاسبة – 60 ثانية ⏱️
أنا رقم
إذا ضربتني في نفسي وطرحت مني نفسي
يطلع الناتج 56
❓ أنا كام؟
✋ ممنوع الورقة والقلم
🧠 شغل دماغك بس

23/12/2025

🎬 أيام ما السينما كانت بتضحك علينا واحنا مبسوطين
زمان بقى
أيام أفلام العيد
أميتاب باتشان يطلع بمسدس أبو 8 طلقات
يضرب منه 200 طلقة عادي جدًا
ولا الطلق يخلص
ولا المسدس يسخن
ولا حد يستغرب 😅
ولما يخلص؟
يعمل قفزة في الهوا
تحس إن فيه أسانسير خفي شايله
وينزل على واحد راكب حصان
ياخد منه بندقية خرطوش أبو طلقتين
ويطلع منها رصاص يكفي فرح بلدي
ويموت بيه جيش كامل
وفي الآخر؟
قبل ما يخلص الفيلم
الشرير يطلع أخوه
اللي كان واقع في الشلال من 20 سنة
والصياد فتح بطنه
وملقاش الخاتم
بس لسه الوشم موجود… سبحان مغير الأحوال 😂
الفيلم يبدأ أول يوم العيد
ويخلص تالت يوم
واحنا قاعدين قدام التلفزيون
لا بنمل
ولا بنسأل هو ده ازاي
أصل ببساطة
كنا بنشوف الفيلم
مش بندخل محكمة منطق
زمن حلو
كان الكدب فيه لذيذ
والحكاية تتبلع ❤️

12/12/2025

أحلى حاجة في الكلام دا إنه صريح ومباشر.

🟥 كان في راجل… صاحب رؤية حقيقية قبل ما تكون خطة!
راجل شاف اللي محدش فينا كان شايفه… شاف مستقبل بلد كامل، وحاول يشيلها بإيده ويطلع بيها من دوامة التكرار والروتين.

لكن للأسف…
محدش فهمه.
محدش دعمه.
ومحدش حتى حاول يسمع.

الناس ضيّعت فرصة كانت ممكن تغيّر شكل التعليم والصناعة والتكنولوجيا في مصر.
والدولة بدل ما تقاتل معاه… اختصرت الطريق و“ريّحت دماغها”، وقدّمت أسهل حل بدل أصعب قرار.

ومن بعدها… إحنا اللي دفعنا التمن.
المستقبل ضَلِم… والأمل وقع من الشباك.

👣 الناس بصّت تحت رجلها…
عايزين بس عيالهم “تنجح السنة وخلاص”، حتى لو طلعوا حافظين من غير ما يفهموا… حتى لو خرجوا للعالم بديل وودان حمار في عصر بقى فيه:

🔹 الذكاء الاصطناعي
🔹 الجيوش الروبوتية
🔹 النانو تكنولوجي
🔹 الكمبيوترات الكمية
🔹 الشرائح الذكية
🔹 وثورة معرفة بتجري أسرع من أي حد فينا

إحنا رجعنا تاني لعصر الكتاتيب…
في وقت العالم عامل فيه قفزة 100 سنة قدّام.

وكل ده… لأن “صوت العقل” يوم ما اتكلم… اتسكت.
ويوم ما ظهر حد شايف المستقبل… اتساب لوحده لحد ما اختفى.

✳️ درس مهم:
مش كل اللي بيزعّق “بيعمل دوشة”…
أحيانًا الدوشة دي كانت محاولة أخيرة لإنقاذنا.

11/12/2025

🟥 كارثة في مدرسة دولية بالتجمع!
اتهام فرد أمن بالاعتداء على أطفال في KG2.. والذعر يجتاح أولياء الأمور!

في واقعة صادمة أثارت غضب واسع، تداول عدد من أولياء الأمور اتهامات خطيرة ضد أحد أفراد الأمن في مدرسة دولية بالتجمع الخامس، بعد الاشتباه في اعتدائه على أطفال بمرحلة KG2 داخل الحرم المدرسي.

الأهالي طالبوا بفتح تحقيق عاجل ومحاسبة المسؤولين، مؤكدين أن ما حدث يمثل "انهيارًا لمعايير الأمان" داخل المدرسة، وأن حياة الأطفال وسلامتهم خط أحمر لا يمكن السكوت عنه.

وتسود حالة من التوتر داخل المدرسة في انتظار ما ستسفر عنه التحقيقات، وسط مطالبات بوجود رقابة أكبر وتشديد الإجراءات لحماية أبنائنا.

✳️ سلامة أولادنا مش مجال للتجربة.. ولازم يكون في رد فعل واضح وفوري!

07/12/2025

🚨 تنبيه عاجل لأهالي الزوامل وكل اللي يمر بترع ومصارف الشرقية

بقرية الزوامل في مركز بلبيس — الشرقية — ظهر تمساح أو أكثر في مصرف القرية المائي، والسكان شهدوا خروج الزواحف من المياه والبعض شافها على جسر المصرف.

✅ الجهات المختصة دخلت على الخط: بيطري، رى، بيئة، صرف — ووحدة صيد تماثيل من أسوان شغّالة تمشيط المصرف ليلاً ونهارًا.
✅ الأهالي موجودين — والأصوات طالبة: "احمي أولادنا"… لأن المصرف جوه قرية، والأطفال بيمروا منه كل يوم.

⇨ من فضلك — لو ساكن قريب أو هتعدي على مصرف أو ترعة:

ابعد عن الميه

خليك صاحي

لو شفت حركة غريبة بلغ رقم ١٢٨ (رقم الطوارئ) فوراً

سلامة الناس أولاً… الترفيه أو الفضول ما يستاهلش المخاطرة.

#الزوامل 🛑

06/12/2025

💔 قضية تهز مصر… أمّ مكلومة بتسأل: فين الضمير؟ فين الرقابة؟ فين المنقذين؟
«يوسف قعد 10 دقايق في قاع البسين… ومحدش شافه!»

في مداخلة تبكي الحجر…
قالت الدكتورة فاتن إبراهيم، والدة الطفل السباح يوسف عبد الملك، إنها سلّمت ابنها لبطولة المفروض إنها “مؤمّنة” و“مجهزة” وناس مسؤولة… لكن الحقيقة كانت صدمة.

🔹 10 حارات في حمام السباحة.
🔹 كل حارة فيها لاعب واحد.
🔹 أكتر من 20 حكم واقفين قدّام البسين.

ومع ذلك…
ولا حد لاحظ إن يوسف اختفى 10 دقايق تحت المية!
ولا حكم شاف… ولا منقذ اتحرك… ولا مسؤول سأل:
“الولد فين؟!”

الأم بتقول:

> "ابني نزل ومات… أنا سلمتهم ابني وما صانوش الأمانة."

ولما طلعوا يوسف:
– كان لون جلده أزرق.
– مفيش أدوات إنقاذ أساسية.
– مفيش أنبوبة حنجرية.
– الـ CPR اتعمل دقيقتين بس!
– والتحقيقات فيها تضارب… وتقرير طبي بدون ختم أو طبيب واضح!

والأم النهاردة بتصرخ:

> "عايزة حق ابني… وعايزة صوتي يوصل للرئيس."

وفي أول رد من وزارة الصحة، قال المتحدث الرسمي إن سيارة الإسعاف كانت مجهزة بالكامل…
لكن أسرة يوسف شايفة غير كده، وبتطالب بكشف الحقيقة كاملة.
---

💥 القضية دلوقتي مش وفاة طفل بس…

القضية إهمال، غياب رقابة، ومسؤوليات ضايعة ممكن تكرر نفس المأساة لأي طفل تاني.

يوسف أمانة راحت…
وأمه مش هتسكت.
ولا الشعب هيسكت.

19/11/2025

مرعب جدا