01/05/2026
LOKAL | LABORER DAKOP SA AKTO SA PAGPANGAWAT SANG C-CHANNEL BAR SA NEW CAPITOL BUILDING
Arestado ang isa ka laborer matapos naaktohan nga nagapangawat sang 12-foot C-channel bar sa New Capitol Building sa Pueblo de Panay, Brgy. Dinginan, Roxas City alas 11:30 kaina sang aga, Biyernes, Mayo 1, 2026.
Ginkilala ang suspek kay alyas “Paul,” 28-anyos, residente sang Brgy. San Jose. Suno sa impormasyon nagikan sa Roxas City Police Station, gindala sang auxiliary guard nga si alyas “Jimmy,” 64-anyos, residente sang Brgy. Banica, ang suspek padulong sa police station.
Naaktohan sang guwardiya ang suspek nga ginakarga ang ginkuha sini nga C-channel bar sa iya tricycle kun sa diiin ginabanta nagabalor sang P7,000, rason nga ginreport ini kag sa karon natalana nga pasakaan sang nagakaigo nga kaso. | J.A Juare-Heyres
