06/04/2012
Archdiocese of Lingayen – Dagupan
Holy Family Parish
Sta.Barbara, Pangasinan
April 3, 2012
Inararo mi ran Agagi,
“Kapigay impakanengneng mid sikan…apriso et binisita mi ka? Kuanen Hesus: “Nen ginawa yo yad anggan sakey a sankamelagan ed sarayan agagik, ginawa yo ya ed siak! Mateo 25:39-40”
Say Arkidiyoses na Lingayen – Dagupan et iimbitaan itayo ya makisakey ed nagawan pansilibra na “Jubille of Freedom and Mercy” diad sayan bulan na Abril. Saray aktibidades et “Regalo Na Panangasi” ya say Simbaan tayo itdan toy atension iray Priso ed BJMP Bonuan Dagupan City, Lingayen Provincial Jail tan BJMP San Carlos City. Dia ed sayan pankanawnawa, ed pikakasakey tayo, ontotuktok so Parokya na baley tayon Sta. Barbara na tulong tan suporta tayo. Saray nayarin ipangaro tayo et saraya: Kawes, Over the Counter Medicines, toothbrush, toothpaste, sabon, shampoo, tsinelas, sapatos, tan arum ni ya walad kanunutan tan puso tayo ya nipangaro tayo para ed saray walad prisuan.
Say United Group Brotherhood Sta. Barbara so mangipapangulo ya onliber ya mangipasabi na sayan imbitasyon ya ontulong para ed saray walad prisuan. Say schedule na pangiter na panangaron tulong et ginmapo la nen Marso 28, 2012 tan mansamput no Abril 12, 2012. Nayarin iter yoy tulong yo diad Opisina na Parokya odino diad arap na Oratory o Simbaan.
Kumon ta nipanengneg tayo so panagaro tayo dakel man o daiset so niiter tayo.
Salamat tan say Dios lawas komon bendisyonan to itayo.
Saray agui yo ed Kristo,
Jasper Christian Manuel
UGB President
Bro. Ermie Ganaden
UGB Adviser
Noted:
Rev. Fr. Carlito V. Yden
Parish Priest
Archdiocese of Lingayen-Dagupan will celebrate the Jubilee of Freedom and Mercy this coming month of April. Part of it, the Holy Family Parish Sta.Barbara together with United Group Brotherhood "Sta.Barbara" will conduct the “Regalo na Panangasi” for the Prisoners in BJMP Bonuan Dagupan City from March 28 - April 12, 2012
We are asking your Donations and Support that will help our brothers/sisters in BJMP Bonuan Dagupan City. We accept cash and in-kind donations such as: Used Clothes, Towels, Blankets, Shoes, Slippers, Medicines, Toiletries, Shampoos, Soaps, Toothpaste, and Toothbrush etc.
You can drop your donations at our Donation Boxes located @ Holy Family Parish Sta.Barbara office Or you may call/text this number for more details: 09461600736
Thank you and God Bless!
