27/11/2025
✨ Weromsjen op in bysûndere Verhalenavond yn Sumar ✨
Freed 21 novimber hâlden wy yn Doarpshûs De Kamp de earste Verhalenavond yn Sumar. En wat wie it in prachtige jûn! Mei goed 70 besikers — fan Sumar, mar ek út Drachten, Burgum, Eastermar en Warten — koene we genietsje fan ferhalen oer moed yn tiden fan oarloch, doe én no.
De groepen makken in rûte lâns fjouwer spesjale fertellokaasjes, mei kearskes by de doar foar in waarm wolkom. Dêr hearden se yndrukwekkende ferhalen fan:
📍 Doarpstsjerke – Piter Fennema
📍 “Ald Skoalle” – Hieke Haveman
📍 “Krikkepleats” – Froukje Veenstra
📍 Famylje Bouma – Rgat Hagos
Fan famyljeferhalen út de Twadde Wrâldoarloch oant in persoanlike flechttocht út Eritrea — de ferhalen razen djip.
De wurden dy’t minsken opskreaunen sprutsen foar harsels: moed, trochsette, ferbining, frede, hoop.
👉 Yn De Kamp bleau it noch lang gesellich, mei neipetear en in gefoel fan: “Dit moatte wy mear dwaan!”
Want wat dizze jûn echt bysûnder makke, wie de ferbining yn it doarp. Mei-inoar rinne, lústerje, fiele, praat – dit makket ús sterker as mienskip.
🙏 In grut tankewol oan de fertellers, de hearen en dames fan de gastlokaasjes, de meiwurkers fan De Kamp, Simon Vokkert en fansels alle besikers.
Yn it bysûnder oan Getty Bouma, dy’t ús oanset hat om mei te dwaan oan Verhalenavond. En wat binne wy bliid dat wy dat dien hawwe!
Foar de kommisje Sumar 80 jier frij wie dit de lêste aktiviteit nei 1,5 jier fan moaie gearwurking. In prachtige ein fan in spesjaal projekt.
Hertlike groetnis,
Kommisje Sumar 80 jier frij
Ids Krol, Alle Hoekstra, Gerda de Vries, Jouke Hoekstra
