06/02/2026
Jam’iyyar APC ta amince da amfani da tsarin sulhu wajen zaɓen shugabannin jam’iyya na mazabu da ƙananan hukumomi, waɗanda aka shirya gudanarwa a ranar 18 ga Fabrairu, 2026.
Wannan sanarwa ta fito ne daga bakin Chidi Duru, Mataimakin Sakataren Tsare-tsare na Ƙasa na APC, a yayin wani taron masu ruwa da tsaki na jam’iyyar reshen Anambra State da aka gudanar a Abuja.
A cewar jam’iyyar, tuni shugabancin APC ya amince da wannan tsari, wanda ake sa ran zai rage yiwuwar rikice-rikice da kuma kawar da tashin hankali da kan taso a zaɓukan cikin gida na jam’iyya, musamman gabanin babban zaɓen 2027.
Yayin da shirye-shiryen tunkarar zaɓen 2027 ke ƙara ɗaukar zafi, reshen APC na Jihar Anambra na ci gaba da jajircewa wajen ƙarfafa jam’iyyar, duk da ƙalubalen da ta fuskanta a zaɓen gwamna na baya-bayan nan a jihar.
