Tranoben'ny Tantsaha Mpamokatra Ihorombe

13/07/2026

08/07/2026

PROGRAMME DEFIS CIR FIANARANTSOA
Appel à Manifestation d’Intérêt – Sociétés de conseil
Intitulé de la mission : « recrutement d’un cabinet pour les études, contrôle et surveillance des travaux d’amélioration de la résilience climatique des ouvrages hydroagricoles au niveau des trois (03) PI dans la Région Ihorombe » :
- PI Ankeniheny, Commune rurale Analavoka, District Ihosy
- PI Mahabo, Commune rurale Ilakaka, District Ihosy
- PI Anjasoatanimbary, Commune rurale Satrokala, District Ihosy

02/07/2026

20/06/2026

Varotra iombonana: « antoky ny lalam-bola maharitra ho an’ny fikambanana »

Teny filamatry ny fandaharanasa DEFIS ny hoe: “VELOTEGNA MIVADIKA HARENA NO KENDRENA”. Nody ventiny tokoa ny rano natsakaina teto hoan’ny fikambanana VTM sy FIAVOTA (ao amin’ny kaominina Ankily, Distrikan’Ihosy) taorian’ny varotra iombonana tsako niarahana tamin’ny « Société LFL », satria nanatsara ny fidiram-bolan’ny mpikambana izany.

Tsako milanja 12T no namidy teto. Niakatra ny vidim-bokatra raha ampitahaina tamin’ny varotra farany tamin’ny taon-dasa, ka afa-po tanteraka ireo tantsaha mpikambana, ary nanamafy hatrany fa hanohy izany fiarahamiasa miaraka amin’ny LFL izany. Marihana fa nialohan’izao famarotam-bokatra izao dia efa nisy ny fikajiana ny kaontim-pitantanana mahakasika ny fandaniana rehetra tamin’ity seham-pamokarana tsako ity, ka nahafahan’izy ireo nanapakevitra ka nivarotra. Ny fanombanana ny taham-pamokarana (sondage de rendement) tsako niarahana tamin’ny ekipan’ny DRASA raha-teo ihany koa, dia nahafa-po raha hoan’ny Faritra Ihorombe.

Tsy hijanona hatreo izy ity, fa mbola hitohy izany mandrapaha-tonga ny volana Aogositra 2026. Maro ireo fikambanana misehatra amin’ny voly tsako hanao varotra iombonana, hoan’ny kaomonina Ankily, toy ny fikambanana TSARAVINTANA, izay nanao fifanaraham-piarahamiasa momba ny voly tsako (velaran-tany mirefy 25Ha) tamin’ny LFL tamin’ny taom-pambolena teo iny.

Fehiny, faly sy ravo ireo fikambanana tantsaha tamin’ny tohana azo tamin’ny Fandaharanasa DEFIS, amin’ny alalan’ny fametrahana teknisianina ka nahitana izao fiarahamiasa matotra miaraka amin’ny LFL izao.

19/06/2026

TETIKASA FANARENANA NY LEMAKA ANDOHAN’IAKORA

Toy ny tao Ranotsara, dia anjaran’Iakora indray izao omaly (18/06/2026) no nantomboka ny fandalinana ara-teknika (études) ho fanarenana ny lemaka voatondraka ao Iakora, Faritra Ihorombe. Mba hahafahana manangana fotodrafitrasa mateza sy maharitra, dia haharitra dimy volana ny fe-potoana tombanana hanatanterahana ity fandalinana ity, izay mifototra amin’ny fanadihadiana ara-teknika matotra sy marina.

Fotodrafitrsa mantanjaka sy maharitra ho hatao eto, ka miaramisalahy ny UNOPS sy ny CONSORSIUM MIKAJY TOPO amin’ny fanantaterahana azy ity. Ankoatr’ireo teknisianan’ny DRASA, ny TTMR, dia tonga nanatrika izany ihany koa ireo tantsaha mpamokatra mpahazo tombotsoa, ny manampahefana isan-tsokajiny, toy ny solontenan’ny Député sy ny Ben’ny Tanànan’Iakora, ny TTMK, ny Sefo fokontany…

Marihana fa ny FIDA, amin’ny alalan’ny Fandaharanasa DEFIS, izay eo ambany fiahian’ny MiASA, no mamatsy ara-bola azy ity. Ireto avy ireo vokatsoa haterak’izany :

- Fianakaviana mpamboly miisa 100 (mivondrona ao anatin’ny AUE FANASOAVAM-BAHOAKA) no hisitraka mivantana raha vita ny asa fanarenana
- Hitombo ho 120 Ha ny velaran-tany ho voatondraka raha 70 Ha izany ankehitriny
- Hitombo ny vokatra eo an-toerana
- Azo antoka fa hisy ny fahaleovantena ara-tsakafo
- Hitombo ny vola miditra hoan’ireo tantsaha mpamokatra…

18/06/2026

MiASA/FIDA/DEFIS : HANANTANTERAKA TETIKASA FANARENANA SY FANATSARANA TOHADRANO

Notanterahina omaly (17/06/26) tao amin’ny kaominina Ranotsara Avaratra, Distrikan’Iakora, Faritra Ihorombe, ny fanombohana amin’ny fomba ofisialy ny fanadihadiana ara-teknika mikasika ny fanarenana sy fanatsarana ny lemaka voatondraka Mandabe, izay tanterahan’ny UNOPS, amin’ny alalan’ny BE ASA TARATRA. Ankoatr’ireo solontenan’ny GR/DRASA, sy ny teknisianan’ny TTMR, dia tonga nanatrika izany ihany koa ireo manampahefana isan-tsokajiny, toy ny Ben’ny Tanàna, ny TTMK, ireo Sefo fokontany, sy ireo tantsaha mpamokatra mpahazo tombotsoa…

Tsara ny manamarika fa ny FIDA, amin’ny alalan’ny Fandaharanasa DEFIS, izay eo ambany fiahian’ny Ministeran’ny Fambolena sy ny Fahaleovantena ara-tsakafo (MiASA), no mamatsy ara-bola azy ity. Mbola izy ihany koa no hamatsy ara-bola ny fanatanterahana ny asa fanatsarana ny tohadrano rehetra, aorian’ity fanadihadiana ity.

Miantefa mivantana amin’ireo tantsaha mpamokatra miisa 675, izay mivondrona ao amin’ny AUE TSARAVATSY ity, ao anatin’ny fokontany dimy (05) : Ranotsara, Soamandroso, Mandabe, Bekatra ary Matsinjo. 400Ha mahery eo ny velaran-tany ho tondrahana, aorian’ny fahavitan’ny asa fanarenana sy fanatsarana.

Nandritra ny fidinanana ifotony natao dia hita taratra ny fahasimbana goavana amin’ny fotodrafitrasa misy eny an-toerana. Ka ny tanjona amin’ity tetikasa ity, ny hiantohana ny famatsian-drano tsara kokoa ho an’ireo faritra tondrahana. Haharitra dimy (05) volana ny fe-potoana tombanana hanatanterahana ny fanadihadiana ara-teknika, mba hahafahana manangana fotodrafitrasa mateza sy maharitra, mifototra amin’ny fanadihadiana ara-teknika matotra sy marina.

Nandritra ny fivoriana dia nanamafy ny Ben’ny Tanàna sy ireo mpahazo tombotsoa fa
- handray anjara sy hiara-hiasa tanteraka amin’ny Bureau d’Etudes izy ireo.
- hamafisina ny fiaraha-miasa eo amin’ny mpisehatra rehetra mandritra ny fotoana anaovana ny asa.
- hatao ny fampandrenesana sy fampahafantarana ireo mpikambana ao amin’ny AUE, mba handray anjara mavitrika amin’ny fizotran’ny asa.
- harovana sy harahi-maso akaiky ny fandrosoan’ny asa, mba hiantohana ny kalitaony

09/06/2026

MiASA/FIDA/DEFIS: MANATANTERAKA ATRIKASA FAMPIOFANANA IREO TOMPON’ANDRAIKITRA MISAHANA NY FIKOJAKOJANA NY TOHADRANO

Notanterahina eto Ihosy, renivohitry ny Faritra Ihorombe, ao amin’ny Hôtel TAMANA, mandritra ny roa andro (09 -10 Jiona 2026) ny atrikasa fanamafisana ny fahaizamaon’ireo birao mandrafitra ny fikambanana mpampiasa rano (AUE), mba hahaizan’izy ireo hitantanana sy hikojakoja ireo lemaka voatondraka, ary mba hampaharitra izany. Ny mpampiofana dia ny avy ao amin’ny CF HIMO, fiarahamiasa amin’ny OIT, izay vatsian’ny FIDA vola, amin’ny alalan’ny fandaharanasa DEFIS, izay eo ambany fiahian’ny MIASA.

Marihana fa ny FIDA avokoa no namatsy ara-bola, ireo asa fanatsarana tohadrano ireo (HIMO), ka ireo birao mpitantana ny AUE avy amin’ireo kaominina maro, no tonga nanatrika ity atrikasa ity. Miisa 46 izy ireo, ka ankoatr’ireo filohan’ny AUE, ireo polisin-drano dia nanatrika izany ihany koa, ireo CGEAF hoan’ny kaominina voakasik’ity. Samy tonga nandefa ny solon-tenany tao avokoa ireto kaominina ireto (avy amin’ny lemaka voatondraka miisa 11) : Ilakakabe, Andiolava, Ambatolahy, Zazafotsy, Sahambano, Ranotsara ary Ivohibe.

Tanjona amin’izany dia ny hampaharetana ireo fotodrafitrasa izay vita, amin’ny alalan’ny fahaiza-mitantana sy ny fikojakojana, izay voafaritra mazava tsara : mialoha, mandritra sy aorian’ny fotoana ny orana, ary amin’ny fotoana main’andro.
Ireto avy ireo lohahevitra hampitaina mandritra ny fiofanana :
- Fomba fiasa asatanamaro manara-drafitra
- Fomba fitantanana ny AUE
- Ny anjara andraikitry ny filohan’ny AUE sy ny polisin-drano
- Ny asa fikojakojana eny amin’ny tamba-jotra…

Aorian’ity fiofanana ity, dia izy ireo indray no hampita izany amin’ireo mpikambana rehetra amin’ny AUE, hanao andrimaso akaiky ireo tamba-jotra mba hampahomby ny fitantanan-drano, hampaharitra ny foto-drafitrasa ary indrindra fa ny fampitomboana ny vokatra, mba hisian’ny fahaleovantena ara-tsakafo. Ho faranana amin’ny fizarana fanamarinam-piofanana « Certificat » hoan’ireo mpandray anjara rehetra ny atrik’asa amin’io rahampitso io.

04/06/2026

APPEL A CANDIDATURE

"DEFIS CIR Fianarantsoa/CCI Ihorombe : procède au recrutement d’un(e) Assistant(e) de l’Animateur Commercial"