13/11/2011
හලෝ, කොහොමද කට්ටිය.......
අද අපි බෑන්ඩ් ගැන කතා කරමු.අපේ දුරකතන ක්රියාත්මක වෙන්නේ රේඩියෝ තරංග (Radio waves) මගින් බව මම කිව්වා.මේ රේඩියෝ තරංග අද ලෝකයේ ඉතා වටිනා සම්පතක්. මේ තරංග මණින ඒකකය හර්ට්ස්(Hz ). කිලෝ හර්ට්ස්(KHz) මෙගා හර්ට්ස්(MHz) කියලා ඔයාලා අහලා ඇති.ලෝකයේ දැනට ක්රියාත්මක වෙන හැම සන්නිවේදන ජාලයක්ම, ඒ කියන්නේ ගුවන් විදුලිය, රූපවාහිනිය, ජංගම දුරකතන, යුද හමුදා වලට ආවේනික පනිවිඩ හුවමාරු වගේ නොයෙක් දේ මේ රේඩියෝ තරංග මත යැපෙනවා.
ලෝකයේ ජංගම දුරකතන වලට ලබාදුන් තරංග පරාස 04 ක් තිබෙනවා. ඒ 900MHz, 1800MHz,1900MHz හා 2100MHz යනුවෙන්. මේවායින් බහුල වශයෙන් භාවිතා වෙන්නේ 900MHz, 1800MHz, හා2100MHz, යන පරාසයි.
ජංගම දුරකතන වෙළඳ දැන්වීම් වල dual band, tri band යනාදී වශයෙන් සඳහන් කර ඇතිවා ඔබ දැක ඇති. Dual band යනු 900MHz, හා 1800MHz යන බෑන්ඩ් වලින් ක්රියා කරන දුරකතනයි. Tri band ඒවා 2100MHz බෑන්ඩ් එකටද ප්රතිචාර දක්වනවා.ඒ කියන්නේ Tri band දුරකතන වලට 3G සබඳතාව ලබාගන්න පුළුවන්. Quad band යනුවෙන් සඳහන් කර ඇති නවීන දුරකතන වලට ඉහත තරංග පරාස හතරටම අනුගත වෙන්න පුලුවන්. මේ වෙනස් කිරීම් අප විසින් කළයුතු වන්නේ නැහැ.ස්වයංක්රීයව එයට සුදුසු බෑන්ඩ් තෝරාගැනීමට දුරකතනයට හැකියි.
ඒ වගේම 2G, 3G වගේ දුරකතන හැඳින්වීම් ඔබ දැක ඇති. මම කෙටියෙන් විස්තර කරන්නම්.
1G – First Generation-පළමු පරම්පරාවේ දුරකතන:- මේවා ඇනලොග් ආකාරයට ක්රියා කල දුරකතනයි.ලොකු ඒරියල් එකක්, ලොකුබැටරියක් සමග අඩු පහසුකම් වලින් යුතු විශාල දුරකතනයි.මේවා දැන් භාවිතයෙන් බැහැර වෙලා.
2G- second generation- ඇනලොග් ආකාරයට ක්රියා කල දුරකතන සන්නිවේදනය ඩිජිටල් ආකාරයට පෙරළුනා. GSM- Global System of Mobile Communication නමින් ලෝක සම්මත ක්රමයකට අනුව වැඩි දියුණු වෙලා ඉතා වේගයෙන් පැතිරුනා. දැනටත් ලෝකයේ භාවිත දුරකතන වලින් බහුතරය 2G දුරකතනයි.
2.5G- GSM ආකාරයේම වඩා දියුණු අවස්ථාවක්. මෙහිදී දත්ත හුවමාරු කිරීමේ පහසුව අන්තර්ගත කෙරුනා. මෙය GPRS-General Packet Radio Service නමින් හැඳින්වෙනවා. දත්ත ගොනු වශයෙන් වේගයෙන් හුවමාරු කළහැකි මේ ක්රමය දැන් තවත් වර්ධනය වී තිබෙනවා.
3G-තුන්වැනි පරම්පරාවේ දුරකතන. IMT-International Mobile telecommunication එසේත් නැත්නම් UMTS- Universal Mobile Telecommunication System යන ලෝක සම්මුති යටතේ HSPA- High Speed Packet Access යන දත්ත හුවමාරු ක්රමය භාවිතයෙන් වඩා පැතිරුනු බහුවිධ කාර්යයන් සංඝත කර ඇති දුරකතනයි.
මීට අමතරව 3.5G දුරකතන වල වැඩි වේගයකින් දත්ත හුවමාරු කල හැකි HSDPA- High Speed Downlink Packet Access පහසුව ඇතුලත්. ඉදිරියේදී අප අත පත් විය හැකි දැනටමත් බොහෝ පර්යේශණ කටයුතු අවසන් වී ඇති 4G දුරකතන තව වසර දෙකක් ඇතුලත එළි දකීවි.ඇත්තටම මේ රැහැන් රහිත සන්නිවේදනය (Wire less communication )ලෝකය උඩ්යටිකුරු කරන්නට සමත්.
