05/09/2026
تخيل كدة انك من ٦ سنين كانت تجيبلك ايه عشان تبقي واعي
1- الفئه الاقتصاديه
كنت هتلاقي فيها سامسونج A11 ب 2000 جنيه
كنت هتلاقي ريدمي 9A بالف و نص او 1800 تقريبا
كنت هتلاقي ريلمي c3 بألفين تقريبا او 2300
كنت هتلاقي سامسونج A21s بالفين و نص
كنت هتلاقي ريدمي ٩ بألفين و نص
2- الفئه المتوسطه
كنت هتلاقي سامسونج A31 بسعر 3500
كنت هتلاقي شاومي نوت 8 بسعر 2500
كنت هتلاقي ريلمي 6 تحت ال 3000
كنت هتلاقي سامسونج A51 ف رينج 5000 و A71 تقريبا 6000 و شويه
كنت هتلاقي oppo reno 5 كان ب 5k
كنت هتلاقي mi 11 lite ب 5k
كنت هتلاقي سامسونج A52 ب 6k و A52s كان ب 8k
⚠️هنستنتج من كده ان الفئه الاقتصاديه كانت تحت ال 2500 جنيه و الفئه المتوسطه كانت بتبتدي من 2500 لحد 5 الاف و فوق كده بشويه رينج ٦ الاف و ٧ الاف متوسطه عليا ده أيام دولار = 15 جنيه
جم مع التعويمات و فضل ينزلنا لستات كتير بحجه سعر الصرف و عدم الثقه ف قيمه الجنيه .. الدولار ثبت حلو تعالي معايا بعد اخر تعويم و الدولار = 50 جنيه
حصل اعاده هيكله للفئات
أصبحت الفئه الاقتصاديه تبتدي من 4 الاف اللي كانت ب 1500 و تحت ال 2000 .. و فضلت تزيد مع فرض 10 % ضريبه زياده علي الهواتف لحد ما اصبحت الفئه الاقتصاديه تبدأ من 5K لحد
أصبحت الفئه المتوسطه اللي كانت بتبتدي 3k أصبحت تبدأ من 8k هتلاقي سامسونج A24 .. هتلاقي ريلمي 10 .. هتلاقي oppo A78 كان رينج 9k كده و ف بدايه الفئه المتوسطه موصلناش لرينو 11 اللي كان ف رينج 12 او 13k ولا لسامسونج A53 اللي كان ف رينج 12k
شوف بعد ثبات سعر صرف الدولار = 50 جنيه تزيد او تقل حاجه بسيطه ..شوف نقله الفئات عشان تفهم الكارثه اللي احنا فيها
فئه 3k بتاعت زمان وصلت مع التعويم لفئه 7k لحد 10k حلو .. الفئه دي كانت زي سامسونج A24 اللي كان ب 8k حاليا اخوه A27 اصبح ب 21k .. يعني حوالي ما يقارب ثلاثه أمثال تمنه مع ثبات سعر الصرف ...سامسونج A53 اللي كان ب 13k و اللي اخوه A54 كان ف رينج 16k حاليا A57 وصل 32k و اكبر نسخه 40K ...تخيل معايا A34 كان ب 12.5k اخوه حاليا A37 سعره 25k تقريبا الضعف كل ده و انا مجبتش سيره فلاجشيب ولا فلاجشيب كيلر ..كل ده و في طبقات الغلابه ...للاسف الاسعار دي جريمه لو مش مدرك قيمه التكنولوجيا القليله اللي بتشتريها ب 3 اضعاف تمنها و ترضي و تجري تشتري تقسيط تبقي تستاهل ...لازم مقاطعه للهواتف لان دي سرقه علني و مش حجه أزمه رامات تابع الاسواق اللي حواليك زي الخليج و الشرق الاوسط ...مش هتلاقي العبث المتناهي ده ..كل اصدار ينزلك أقل فالامكانيات و اغلي فالسعر يعني انت ينزلك اغلي من اللي حواليك اللي بيستوردو و انت اللي بتجمع محلي او بتصنع محلي اغلي منهم؟؟ القضيه للاسف اصبحت احتكار ان مكانش في رد فعل مقاطعه للهواتف هنفضل ف نفس الدايره
