21/02/2022
خدمات اثاث
فكره جديده لتقديم خدمة ما قبل شراء أو تنفيذ الاثاث
كثير من الناس لما بتشتري اثاث بتحصل معاها مشكله مشهورة أنها تشتري غرفه وتطلع كبيره علي المكان أو غير مناسبه ليه
و المشكله التانيه أنه تتعرض للتعامل مع سماسرة الموبليا وتقع ضحيه لأنها تاخد شغل مش كويس
و حل الأولي انك تجيب مهندس ديكور وطبعا ده تكلفته متقدرش كل الناس تتحمله
و المشكله التانيه حلها انك تعمل شغل عموله وده برده له مشاكل كثير
ففكره كنوع من الحل فكرت اعمل المنصه دي عشان تقدم خدمات بسعر معقول متمثله في
١. رفع مقاسات الشغل للعميل و توزيع الاثاث بشكل مناسب و بمقابل مادي بسيط
٢. مساعده العميل أنه ينزل يشتري شغله من معارض محترمه و بدون سماسره وبرده بمقابل مادي بسيط
٣. في حاله تنفيذ شغل عموله مساعده العميل يختار مكان ثقه لتصنيع الشغل و دهانه و متابعة الشغل لحين تسليمه للعميل وبرده بمقابل مادي بسيط
اتمني يكون الامر ده فتحت خير ليه ولكل واحد فعلا لسه بيراعي ربنا في شغله سواء تاجر او مصنع لان فعلا احنا بنعاني
