26/04/2026
كنت واقف مع عميل في معرض .. سأل الراجل : هل في ضمان ؟
الرد جه بسرعة .. طبعًا يا فندم عندك ضمان سنة
العميل اتبسط وحس إنه كده في الأمان منه .. !
– أنا ساعتها سألته .. ضمان على إيه؟
– بصلي وقال .. يعني إيه على إيه .. هو مش ضمان وخلاص؟
– قولتله .. لأ حضرتك مفيش حاجة اسمها كده، الضمان مش كلمة، الضمان تفاصيل
يعني ضمان على الخشب؟ طب لو الخشب فرقع أو قعد؟
ولا ضمان على التركيب بس؟
طب المفصلات والسوست؟
طب القشرة؟ الدهان؟
ولو حصلت مشكلة .. مين بيجي يصلّح؟ وإمتى؟
ولا هو ضمان لحد باب المعرض وخلاص؟
– سكت .. وده الطبيعي
لأن أغلب السوق بيبيع كلمة (ضمان) مش ضمان حقيقي
– أنا قولتله:
– بص .. أي حد يقولك في ضمان من غير ما يحدد إيه اللي داخل في الضمان وإيه اللي خارج ومدته قد إيه وشروط استخدامه .. يبقى كده أنت ماخدتش ضمان إنت أخدت وعد ..
والوعد ملوش قيمة لما تحصل مشكلة
إحنا عندنا قاعدة واضحة الضمان التفصيلي المكتوب
كل جزء في الشغل له ضمانه ومدته وشروطه ومكتوب قبل ما تدفع جنيه
قبل ما تفرح بكلمة في ضمان، اسأل فين الورق؟ وإيه التفاصيل؟
عشان الفرق بسيط ..
يا إما حقك محفوظ 💪
يا إما هتلف تدور على حقك بعدين 🥶
واحنا هنا عشان نساعدك تجيب أفضل حاجة على قد ميزانيتك 🤝
#خبرة تبني كل تفصيلة
#إشراف يصنع الفرق
#جودة ما بتتسبش للصدف
#ثقة تبنى على الوضوح
#وإحنا #هنا عشان نساعدك تجيب #أفضل #حاجة على قد ميزانيتك 🤝
#أثاث #عفش #دمياط #مصر
#عمولة #زواج #عروسه #عريس
#عالمفتاح
