مشــــــاعــر ʚɞ

20/08/2019

صباحكم معطر بذكر الله

19/08/2019

يارب لك الحمد الحمد لله على كل شئ

06/10/2017

الناس اللي اعرفها لازم تستوعب اني مش ناسيها والله بس ايه فايدة ازيك، تمام، دايماً، سلام، سلام.

02/10/2017

يعني كده خلاص ؟! ..
بس أنا لسه ماصحتش في عز نوميّ أمليّ عيني بشوفته من غير ما وشي يحمر وعيني تلمع وأخاف من كل دقيقة بتعدي!
لسه قصاقيص الورق اللي كنت حالفة أسبهاله كل يوم في جيب قميصه أفكره فيها بموقف صغير حصل بنا واختمها بـ " فاكر ؟ " معايا :') ، لسه فطاره اللي هنتخانق بسببه كل يوم و مفاتيحه اللي هخبيها وأقوله " يا الفطار يا مفيش نزول وياريت ماتفطرش علشان تفضل " ..
لسه فيروز ماقلتش " مالي غيرك لاتنساني " وأنا بعدِله لياقة القميص وبقوله " خليّ بالك مني " ..
لسه ماجرتش علي البلكونة استناه ينزل و قلبي بيدعي ربنا يحفظه ليا ..
لسه ماحضنتش بچامته وابتسمت ونسيت نفسي وأنا شامة ريحته فيها ..
لسه ماجرتش علي موبايلي وسط زحمة نص اليوم وبعتله رسالة أقوله " وحشتني ، اوعي تبص كده ولا كده .. أقتلك " :))
لسه ماعصرتش مخي علشان أعرف هعمل إيه يخلي ضحكته مختلفة النهارده ..
لسه يومي ما بدأش وانتهي بالبوسة اللي هيحطها علي راسي وضحكة عيونه ..
لسه تفاصيل كتير جَرَحت قلبي بانتظارها وأنا عارفة إنها مش جاية!

- و ماتحوجناش لجاي مجاش وترضينا بما جيبته -

02/10/2017

-
متحطش سعادتك كُلها فِ شخص واحد ، عشان لما هيغيب الشخص ده هتعرف أد إيه إنتَ وحيد.

15/07/2017

بطلو ام الانبهار بتاع البدايات دة هتدمرو نفســكو

31/05/2017

العلاقات العاطفية في سن المراهقة عاملة زي الهدوم ..
انا ممكن أشتري فستان حلو اوي .. احبه و البسه دايماً بس مع الوقت هيصغر عليا و مش هعرف ألبسه حتى لو لسه بحبه لأني "بكبر" أو ممكن موضته تقدم و يبقى بالنسبالى موضة قديمة أو أزهق منه ..
لو طبقنا الكلام ده في الواقع هنلاقى إن مفيش حد مش بيكبر في السن ده ذهنياً .. مفيش حد مش بيزهق .. لو بصيت على نفسك من ٣ سنين هتقول أنا إزاي كنت عيل كده .. حتى لو إخترت الشخص الصح هتخسره عشان ده الوقت الغلط .. عشان كده إصبر و ماتلبسش الهدوم دلوقتي .. إستني لما مقاسك يثبت و بعدها إعمل اللي إن عايزه .

03/04/2015

07/03/2015

25/01/2015

ﻣﻔـﻴـﺶ ﺃפـﻠﻰ ﻣـטּ ﺇﻧـﻚ #ﺗـﻶﻗـﮯ ﺣﺪ ڪـﻞ ﻳــﻮﻡ ۶ــﻤـﺂﺍﻝ #ﻳـﺜـﺒـﺘﻠڪ ﺇﻧـڪ פـﺎﺟــﮧ ﻣـﻬـﻤــﮧ #ﺑﺎﻟﻨِـﺴﺒـﺂﻟــﮧ